ವಾಡಿ: ಮತಭೇದಗಳ ಬೆಂಕಿಯಲ್ಲಿ ಬೆಂದು ಹೋಗಿದ್ದ ಕೇರಳ ರಾಜ್ಯದಲ್ಲಿ ಶಾಂತಿ ಸೌಹಾರ್ಧತೆಯ ಚಿಂತನೆಗಳನ್ನು ಬಿತ್ತಿ ಹೋರಾಡಿದ ಮಹಾನ್ ಸಂತ ನಾರಾಯಣ ಗುರುಗಳು ಎಂದು ಆರ್ಯ ಈಡಿಗ ಸಮಾಜದ ನಗರಾಧ್ಯಕ್ಷ ಸುನೀಲ ಗುತ್ತೇದಾರ ಹೇಳಿದರು.
ಪಟ್ಟಣದಲ್ಲಿ ಆರ್ಯ ಈಡಿಗ ಸಮಾಜದ ವತಿಯಿಂದ ಏರ್ಪಡಿಸಲಾಗಿದ್ದ ನಾರಾಯಣ ಗುರುಗಳ 166ನೇ ಜಯಂತಿ ಕಾರ್ಯಕ್ರಮ ಉದ್ದೇಶಿಸಿ ಅವರು ಮಾತನಾಡಿದರು. ಜಾತಿ ಅಸ್ಪøಶ್ಯತೆಯ ಪಿಡುಗು ಹೋಗಲಾಡಿಸಲು ಅವಿರತವಾಗಿ ಶ್ರಮಿಸುವ ಮೂಲಕ ಜಾತಿ ರಹಿತ ಸಮಾಜ ಸ್ಥಾಪನೆಯ ಕನಸು ಕಂಡಿದ್ದರು.
ಭಾರತದ ಇತರ ರಾಜ್ಯಗಳಿಗಿಂತ ಕೇರಳ ರಾಜ್ಯದಲ್ಲಿ ಜಾತಿ ಅಸಮಾನತೆಯ ಕ್ರೌರ್ಯ ಮಿತಿಮೀರಿತ್ತು. ಮನುಷ್ಯರನ್ನು ಮನುಷ್ಯರನ್ನಾಗಿ ಕಾಣದ ಅಲ್ಲಿನ ಅವ್ಯವಸ್ಥೆ 12ನೇ ಶತಮಾನದ ಅಸಮಾನತೆಗಿಂತಲೂ ಕ್ರೂರವಾಗಿತ್ತು. ಅದನ್ನು ನಾಶಪಡಿಸಿ ಮಾನವೀಯತೆಯ ತತ್ವಗಳನ್ನು ಬಿತ್ತಲು ಕಷ್ಟಪಟ್ಟ ಅವರ ಜೀವನ ನಮಗೆ ಆದರ್ಶದಾಯಕವಾಗಿದೆ ಎಂದು ಹೇಳಿದರು.
ಈಡಿಗ ಸಮಾಜದ ಗೌರವಾಧ್ಯಕ್ಷ ಸಂಗಯ್ಯ ಗುತ್ತೇದಾರ ಅವರು ನಾರಾಯಣ ಗುರುಗಳ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿದರು. ಮುಖಂಡರಾದ ಸಂತೋಷ ಎಸ್.ಗುತ್ತೇದಾರ, ಬಾಬು ಗುತ್ತೇದಾರ, ದೀಪಕ ಗುತ್ತೇದಾರ, ಮಲ್ಲಿಕಾರ್ಜುನ ಗುತ್ತೇದಾರ, ಮಹಾದೇವ ಗುತ್ತೇದಾರ, ಹುಸನಯ್ಯ ಗುತ್ತೇದಾರ, ಅಶೋಕ ಗುತ್ತೇದಾರ, ಸುರೇಶ ಗುತ್ತೇದಾರ ಹಾಗೂ ಈಡಿಗ ಸಮಾಜದ ಯುವಕ ಸಂಘದ ಪದಾಧಿಕಾರಿಗಳು ಪಾಲ್ಗೊಂಡಿದ್ದರು.