ಕಲಬುರಗಿ: ಸೇಡಂ ತಾಲೂಕಿನ ಯಾನಗುಂದಿಯ ಶ್ರೀ ಸದ್ಗುರು ಯೋಗೇಶ್ವರ ವೀರ ಧರ್ಮಜ ಆಶ್ರಮದ ಮಾತಾ ಮಾಣಿಕೇಶ್ವರಿ ತಾಯಿಯ ಆರೋಗ್ಯ ಕುರಿತು ವರದಿ ನೀಡಬೇಕೆಂದು ಕಲಬುರ್ಗಿ ಹೈಕೋರ್ಟ್ ನಿರ್ದೇಶನದ ಹಿನ್ನೆಲೆಯಲ್ಲಿ ಶುಕ್ರವಾರ ಸಾಯಂಕಾಲ ಜಿಲ್ಲಾಧಿಕಾರಿ ಆರ್.ವೆಂಕಟೇಶ ಕುಮಾರ ಮತ್ತು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಯಡಾ ಮಾರ್ಟಿನ್‌ ಮಾರ್ಬನ್ಯಾಂಗ್ ಅವರು ಯಾನಗುಂದಿಯ ಆಶ್ರಮಕ್ಕೆ ಭೇಟಿ ನೀಡಿ ಮಾತೆ ಮಾಣಿಕೇಶ್ವರಿ ಅವರ ಆರೋಗ್ಯ ವಿಚಾರಿಸಿದರು.
ಮಾತೆ ಮಾಣಿಕೇಶ್ವರಿ ಆರೋಗ್ಯದ ವಸ್ತುಸ್ಥಿತಿಯ ಕುರಿತಂತೆ ಆಶ್ರಮದ ಟ್ರಸ್ಟಿನ ಕಾರ್ಯದರ್ಶಿ ಶಿವಯ್ಯ ಸ್ವಾಮಿ ಹಾಗೂ ಮಾತೆಯ ಆಪ್ತ ಸಿಬ್ಬಂದಿಗಳಿಂದ ಜಿಲ್ಲಾಧಿಕಾರಿಗಳು ಮಾಹಿತಿ ಪಡೆದುಕೊಂಡರು.
ಇದೇ ಸಂದರ್ಭದಲ್ಲಿ ವೈದ್ಯರ ತಂಡ‌ವು ಮಾತೆ ಮಾಣಿಕೇಶ್ವರಿ ತಾಯಿಯ ಅರೋಗ್ಯ ತಪಾಸಣೆ ಸಹ ನಡೆಸಿತು.
ಈ ಸಂದರ್ಭದಲ್ಲಿ ಸೇಡಂ ಸಹಾಯಕ ಆಯುಕ್ತ ಪೂಜಾರ ವೀರಮಲ್ಲಪ್ಪ, ತಹಶೀಲ್ದಾರ ಕೀರ್ತಿ ಚಾಲಕ್, ಎಎಸ್ಪಿ ಅಕ್ಷಯ ಕುಮಾರ, ಮಾಜಿ ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಎ.ಬಿ.ಮಲಕರೆಡ್ಡಿ, ಯಾನಾಗುಂದಿ ಅಶ್ರಮದ ಟ್ರಸ್ಟಿನ ಖಜಾಂಚಿ ಸಿದ್ರಾಮಪ್ಪ ಸಣ್ಣೂರ, ಟ್ರಸ್ಟ್ ಸದಸ್ಯರಾದ ಜ್ನಾನೇಶ್ವರ, ಮಂದಾರ, ಹಣಮಂತ ಮಡ್ಡಿ, ಜಗಜೀವನರೆಡ್ಡಿ ಸೇರಿದಂತೆ ಇನ್ನಿತರರು ಇದ್ದರು.