ಸುರಪುರ: ನಗರದ ವೀರಪ್ಪ ನಿಷ್ಠಿ ತಾಂತ್ರಿಕ ಮಹಾವಿದ್ಯಾಲಯ,ವಿಶ್ವ ಪರಿಸರ ದಿನಾಚರಣೆ ಅಂಗವಾಗಿ ಸಸಿನೆಡುವ ಕಾರ್ಯಕ್ರಮ ವನ್ನು ಕಾಲೇಜಿನ ರಾಷ್ಠ್ರೀಯ ಸೇವಾ ಯೋಜನೆ ಘಟಕ ಮತ್ತು ವಲಯ ಅರಣ್ಯ ಇಲಾಖೆ, ಸುರಪುರಇವರ ಸಹಯೋಗದಲ್ಲಿ ಹಮ್ಮಿಕೊಳ್ಳಲಾಗಿತ್ತು.
ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದ ಉಪ ವಲಯ ಅರಣ್ಯಾಧಿಕಾರಿ ಶರಣಪ್ಪ ಕುಂಬಾರ ಮಾತನಾಡಿ,ಪ್ರತಿ ಕುಟುಂಬಕ್ಕೆ ಒಬ್ಬ ಮಗುವು ಎಷ್ಟು ಮುಖ್ಯವೊ ಅದರಂತೆ ಪ್ರತಿ ಮಗುವಿಗು ಒಂದು ಮರ ಮುಖ್ಯವೆಂದು ಭಾವಿಸಿ ಮಕ್ಕಳಿಗೆ ಮರ ಬೆಳೆಸುವ ಬಗ್ಗೆ ಪೋಷಕರು ಅರಿವು ಮೂಡಿಸಬೇಕು ಎಂದರು.
ಅಧ್ಯಕ್ಷತೆ ವಹಿಸಿದ್ದ ಕಾಲೇಜಿನ ಪ್ರಾಶುಂಪಾಲ ಡಾ. ರವೀಂದ್ರಕುಮಾರ ಎಮ್. ನಾಗರಾಳೆ ಮಾತನಾಡಿ, ಇಂದು ಜನರಲ್ಲಿ ಪರಿಸರದ ಕಾಳಜಿ ತುಂಬಾ ಕಡಿಮೆಯಾಗಿದೆ.ಮರ ಬೆಲೆಸುವ,ಮರ ಉಳಿಸುವ ಬಗ್ಗೆ ಅರಿವಿನ ಕೊರತೆಯಿದೆ, ಹೀಗೆ ಸಾಗಿದರೆ ಮುಂದೊಮ್ಮೆ ಮಳೆ,ಬೆಳೆ,ಶುಧ್ಧ ಗಾಳಿ ಇಲ್ಲದೆ ಜನರು ಜೀವಂತ ಶವವಾಗಿ ನರಳಬೇಕಾಗಲಿದೆ.ಆದ್ದರಿಂದ ಎಲ್ಲರು ಒಂದೊಂದು ಮರವನ್ನು ನಮ್ಮ ಕರ್ತವ್ಯವೆಂದು ಭಾವಿಸಿ ಬೆಳೆಸುವ ಸಂಕಲ್ಪ ಮಾಡಬೇಕು ಎಂದರು.
ಕಾರ್ಯಕ್ರಮದ ಆರಂಭದಲ್ಲಿ ಸಸಿ ನೆಡುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯಿತು. ವಿಶ್ವ ಪರಿಸರ ದಿನದ ಮಹತ್ವವನ್ನು ವಿದ್ಯಾರ್ಥಿಗಳಿಗೆ ಮನವರಿಕೆ ಮಾಡಿ- ವಿದ್ಯಾರ್ಥಿಗಳೆಲ್ಲರಿಗು ಸಸಿ ನೆಡಲು ಪ್ರೆರೆಪಿಸಲಾಯಿತು. ಸ್ವಯಂ ಪ್ರೇರಿತರಾದ ಎಲ್ಲರು ಕಾಲೇಜಿನ ಆವರಣದಲ್ಲಿ ಸಸಿ ನೆಟ್ಟು ವಿಶ್ವ ಪರಿಸರ ದಿನವನ್ನು ಅರ್ಥಪೂರ್ಣವಾಗಿ ಆಚರಿಸಿದರು
ಪ್ರೋ ಕೈಲಾಸ್ ಪಾಟೀಲ್,ಡಾ:ಅಶೋಕ ಪಾಟೀಲ್,ರಾಷ್ಟ್ರೀಯ ಸೇವಾ ಯೋಜನೆ ಘಟಕದ ಸಂಯೋಜಕರಾದಪ್ರೋ ಪ್ರಭಾಕರ ಪಾಟೀಲ್ ಮತ್ತು ಕಾಲೇಜಿನ ಎಲ್ಲಾ ವಿಭಾಗದ ಮುಖ್ಯಸ್ಥರು ಹಾಗು ವಿದ್ಯಾರ್ಥಿಗಳಿದ್ದರು.