ಕಲಬುರಗಿ: ಕೃಷಿ ಸಂಬಂಧಿತ ಮೂರು ಕಾನೂನುಗಳು ಹಾಗು ವಿದ್ಯುತ್ ಮಸೂದೆಯನ್ನು ಕೇಂದ್ರ ಸರ್ಕಾರ ರದ್ದು ಮಾಡಬೇಕು, ಭೂ ಸುಧಾರಣಾ ಕಾಯ್ದೆ ತಿದ್ದುಪಡಿ, ಎಪಿಎಂಸಿ ತಿದ್ದುಪಡಿ ಕಾಯ್ದೆ ಹಾಗೂ ಗೋಹತ್ಯೆ ನಿಷೇಧ ಮಸೂದೆಗಳನ್ನು ರಾಜ್ಯ ಸರ್ಕಾರ ರದ್ದು ಮಾಡಬೇಕು, ಕೇಂದ್ರ ಸರ್ಕಾರದ ಕೃಷಿಗೆ ಸಂಬಂಧಿತ ನಾಲ್ಕು ಕಾಯ್ದೆಗಳನ್ನು ರಾಜ್ಯ ಸರ್ಕಾರ ತಿರಸ್ಕರಿಸಬೇಕು, ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಕನಿಷ್ಟ ಬೆಂಬಲ ಬೆಲೆಯನ್ನು ಖಾತ್ರಿ ಮಾಡುವ ಕಾಯ್ದೆಯನ್ನು ಕೂಡಲೇ ಜಾರಿಗೆ ತರಬೇಕೆಂದು ಆಗ್ರಹಿಸಿ ನಡೆಯುತ್ತಿರುವ ಅನಿರ್ಧಿಷ್ಠ ಧರಣಿ ಸತ್ಯಗ್ರಹ 7ನೇ ದಿನಕ್ಕೆ ಕಾಲಿಟ್ಟಿದೆ.
ಚಾರಿತ್ರಿಕ ದೆಹಲಿ ರೈತ ಹೋರಾಟವನ್ನು ಬೆಂಬಲಿಸಿ ಹಾಗೂ ಕಲ್ಯಾಣ ಕರ್ನಾಟಕ ಭಾಗದ ತೊಗರಿ ಕ್ವಿಂಟಲ್ ಗೆ ೮೭೫೦ ರೂ. ಬೆಂಬಲ ಬೆಲೆ ನೀಡಿ ಖರೀದಿಸಬೇಕೆಂದು ಕೇಂದ್ರ ಸರ್ಕಾರದ ಆದಿನ ಸಂಸ್ಥೆಯಾದ ನಫಡ್ ಅಧಿಕಾರಿಗಳು ಕಳೆದ ವರ್ಷ ತೊಗರಿ ಈ ಸಂದರ್ಭದಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡುತಿರುವದು ರೈತರನ್ನು ಆತಂಕ,ದಿವಾಳಿಗೆ ತಳ್ಳುವಂತಾಗೆ ಕೂಡಲೇ ನಫಡ್ ಅಧಿಕಾರಿಗಳ ಈ ತೀರ್ಮಾನ ಕೈ ಬಿಡಬೇಕು ಉದ್ಯೋಗ ಖಾತರಿ ಯೋಜನೆಯನ್ನು ನಗರ ಪ್ರದೇಶಗಳಿಗೆ ವಿಸ್ತರಣೆ ಹಾಗೂ ಉದ್ಯೋಗ ಖಾತರಿ ದಿನದ ಕೂಲಿ ೪೨೫ ರೂ ಹೆಚ್ಚಿಸಲು, ಮಹಾನಗರ ಪಾಲಿಕೆಯಲ್ಲಿ ಕಸ ಗುಡಿಸುವ ಪೌರ ಕಾರ್ಮಿಕರಿಗೆ ಮನೆ ನಿವೇಶ ನೀಡುವಂತೆ , ಕಲ್ಯಾಣ ಕರ್ನಾಟಕ ಭಾಗದಲ್ಲಿ ಅತಿ ಹೆಚ್ಚು ಅಪೌಷ್ಟಿಕತೆಯಿಂದ ಶಿಶು ಮರಣ ಪ್ರಮಾಣ ಹೆಚ್ಚಾಗಿದ್ದು ಇದನ್ನು ತಡೆಗಟ್ಟಲು ಸರ್ಕಾರ ರೇಷನ್ ಅಂಗಡಿಗಳ ಮೂಲಕ ೩ಞg ಬೇಳೆಕಾಳು ವಿತರಣೆ ಮಾಡಬೇಕು ಎಂಬ ಹಲವಾರು ಬೇಡಿಕೆ ಈಡೇರಿಕೆಗಾಗಿ ಕಲಬುರಗಿಯ ಜಿಲ್ಲಾಧಿಕಾರಿಗಳ ಕಚೇರಿ ಎದುರು ಕರ್ನಾಟಕ ಪ್ರಾಂತ ರೈತ ಸಂಘದ ನೇತೃತ್ವದಲ್ಲಿ ಜನೆವರಿ ೪ ರಿಂದ ಧರಣಿ ಸತ್ಯಾಗ್ರಹ ನಡೆಯುತ್ತಿದೆ.
ಧರಣಿ ಸತ್ಯಾಗ್ರಹ ಸ್ಥಳಕ್ಕೆ ಖ್ಯಾತ ಚಿತ್ರ ಕಲಾವಿದ ಡಾ. ವಿಜಯ ಹಾಗರಗುಂಡಗಿ, ನಾಟಕ ಅಕಾಡೆಮಿ ಮಾಜಿ ಸದಸ್ಯ ಡಾ. ಸಂದೀಪ್ ಬಿ, ಕಲ್ಯಾಣಿ ಭಜಂತ್ರಿ, ಬಾಬುರಾವ ಮೇಲಿನಕೇರಿ, ನಾಗೇಶ ಹರಳಯ್ಯ, ಮಹಾಂತೇಶ, ವಿಠ್ಠಲ ಚಿಕ್ಕಣಿ, ರುಕ್ಮಿಣಿ ನಾಗಣ್ಣನವರ , ಮಸ್ತಾನ್ ಬಿರಾದಾರ ,ಸಾಯಿಬಣ್ಣ ದೊಡ್ಡಮನಿ ,ಅವಿನಾಶ ನಿಟ್ಟುರೆ ಸೇರಿದಂತೆ ಅನೇಕ ಕಲಾವಿದರು ಬೆಂಬಲ ವ್ಯಕ್ತಪಡಿಸಿ ಧರಣಿ ಸತ್ಯಾಗ್ರಹದಲ್ಲಿ ಪಾಲ್ಗೊಂಡಿದ್ದರು.
ಧರಣಿನಿರತರ ಪರವಾಗಿ ರೈತ ಮುಖಂಡ ಸುನೀಲ ಮಾನಪಡೆ ಅವರು ಮಾತನಾಡಿ, ರೈತರ ಬೆಂಬಲಕ್ಕೆ ನಿಂತ ಕಲಾವಿದರ ಕಾರ್ಯವನ್ನು ಸ್ವಾಗತಿಸಿದರು.
ಈ ಸಂದರ್ಭದಲ್ಲಿ ಅಶೋಕ್ ಮ್ಯಾಗೇರಿ, ಕಾಶಿನಾಥ್ ಬಂಡೆ, ನಾಗಯ್ಯಾಸ್ವಾಮಿ , ಮೈಲಾರಿ ದೊಡ್ಮನಿ ಮಲ್ಲಿನಾಥ್ ಪಾಟೀಲ ಇದ್ದರು ಧರಣಿ ಸತ್ಯಾಗ್ರಹ ೭ನೇ ದಿನಕ್ಕೆ ಕಾಲ ಇಟ್ಟಿದೆ.