ಕಾಳಗಿ: ತಾಲೂಕಿನ ಬೆಣ್ಣೂರ (ಕೆ) ಗ್ರಾಮದ ಅಶೋಕನಗರ ಕ್ರಾಸಿನಲ್ಲಿ ರಸ್ತೆ ಅಗಲೀಕರಣ ಮಾಡುವಾಗ ವಿದ್ಯುತ್ ಕಂಬಗಳು ಹಾಗೂ ನೀರಿನ ಗುಮ್ಮಿ ತೆಗೆದಿರುತ್ತಾರೆ ಆದರೆ ರಸ್ತೆ ಸಂಪೂರ್ಣ ಕಾಮಗಾರಿ ಮುಗಿದರೂ ಕೂಡ ನೀರಿನ ಗುಮ್ಮಿ ಇನ್ನು ಕೊಡಿಸಿಲ್ಲ. ಅದನ್ನು ಕೂಡಲೇ ಸರಿ ಪಡಿಸಬೇಕು ಎಂದು ಕರ್ನಾಟಕ ಸಂಘಟನಾ ವೇದಿಕೆ ಕಾಳಗಿ ತಾಲೂಕ ಘಟಕ ಅಧ್ಯಕ್ಷ ಮಹಾಂತೇಶ ಆರ್ ಹಿರೇಮಠ ಮನವಿ ಸಲ್ಲಿಸಿದರು.
ಬೆಣ್ಣೂರ್ ಕ್ರಾಸ್‌ಗೆ ಬರುವಂತಹ ಗ್ರಾಮದವರಿಗೆ ಹಾಗೂ ನೆರೆಹೊರೆಯ ಗ್ರಾಮಸ್ಥರಿಗೆ ತುಂಬಾ ತೊಂದರೆ ಆಗುತ್ತಿದ್ದು ಗೋಟುರ್ ಗ್ರಾಮ ಪಂಚಾಯಿತಿ ಪಿ ಡಿ ಓ ಅವರಿಗೆ ಕರ್ನಾಟಕ ಸಂಘಟನಾ ವೇದಿಕೆ ಗ್ರಾಮ ಘಟಕದಿಂದ ಹಲವಾರು ಬಾರಿ ಮನವಿ ಸಲ್ಲಿಸಿದರೂ ಯಾವುದೇ ಪ್ರಯೋಜನ ಆಗಿಲ್ಲ ಎಂದು ಮನವಿಯಲ್ಲಿ ದೂರಿದ್ದಾರೆ.
ಆರು ತಿಂಗಳು ಆದರೂ ಸಹ ಯಾವುದೇ ತರಹದ ಕ್ರಮವನ್ನು ಕೈಗೊಂಡಿಲ್ಲ. ಕೇವಲ ಉಡಾಫೆ ಉತ್ತರ ಕೊಡುತ್ತಿದ್ದಾರೆ. ಆದ ಕಾರಣ ಈಗ ಕೋರವಾರ ಶ್ರೀಅಣವೀರಭದ್ರೇಶ್ವರ ಜಾತ್ರಾ ಮಹೋತ್ಸವವು ಸಮೀಪಿಸುತ್ತಿರುವುದರಿಂದ ತಾವು ದಯಮಾಡಿ ಆದಷ್ಟು ಬೇಗ ನೀರಿನ ಸಮಸ್ಯೆಯನ್ನು ಒಂದು ವಾರದ ಒಳಗಾಗಿ ಬಗೆಹರಿಸಬೇಕೆಂದು ಮನವಿಯಲ್ಲಿ ಒತಾಯಿಸಿದ್ದರು.