ದೇವಾಪುರದ ಲಕ್ಷ್ಮೀಶ ವೃತ್ತದಲ್ಲಿ ಮಳೆ ನೀರು

ಸುರಪುರ: ಕಳೆದ ಎರಡು ದಿನಗಳಿಂದ ಸುರಿಯುತ್ತಿರುವ ಮಳೆಯಿಂದಾಗಿ ತಾಲೂಕಿನ ದೇವಾಪುರದ ಮನಗೂಳಿ ಕ್ರಾಸ್‌ನ ಲಕ್ಷ್ಮೀಶ ವೃತ್ತದಲ್ಲಿ ದೊಡ್ಡ ಹೊಂಡ ಬಿದ್ದಿದ್ದರಿಂದಾಗಿ ಚಿಕ್ಕದಾದ ಕೆರೆಯಂತಾಗಿದೆ.ವಾಹನ ಸವಾರರು ವೃತ್ತದಲ್ಲಿ ರಸ್ತೆ ದಾಟಲು ಪರದಾಡುವಂತಾಗಿದೆ.ಬೈಕ್ ಸವಾರರು ಹೊಂಡ ದಾಟಲು ಭಯಪಡುವಂತಾಗಿದೆ.ಲೋಕೊಪಯೋಗಿ ಇಲಾಖೆ ಇದರತ್ತ ಗಮನಹರಿಸಿ ದುರಸ್ತಿ ಮಾಡುವಂತೆ ಅನೇಕ ವಾಹನ ಸವಾರರು ಆಗ್ರಹಿಸುತ್ತಿದ್ದಾರೆ.