ಕಲಬುರಗಿ: ರಾಜ್ಯ ಸಮ್ಮಿಶ್ರ ಸರ್ಕಾರವು ಅತ್ಯಂತ ಭ್ರಷ್ಟಾಚಾರದ ಕೂಪವಾಗಿದ್ದೂ, ಇಂತಹ ಸರ್ಕಾರವನ್ನು ಸ್ಪೀಕರ್ ಕೆ ಆರ್ ರಮೇಶ ಕುಮಾರ್ ಅವರು ನಿಯಮಗಳ ಹೆಸರಲ್ಲಿ ರಕ್ಷಿಸುತ್ತರುವುದು ಕರ್ನಾಟಕದ ಜನತೆಗೆ ಮಾಡುತ್ತಿರುವ ದ್ರೋಹ ವಾಗಿದೆ ಎಂದು ಕಲಬುರಗಿ ಜಿಲ್ಲೆ ಬಿಜೆಪಿ ಉಪಾಧ್ಯಕ್ಷ, ಜಿಲ್ಲಾ ಪಂಚಾಯತ ಮಾಜಿ ಅಧ್ಯಕ್ಷ ಹಾಗೂ ಕಾನೂನು ಸ್ನಾತಕೋತ್ತರ ಪದವಿಧರರೂ ಆದ ಅಂಬಾರಾಯ ಅಷ್ಟಗಿ ಖಂಡಿಸಿದ್ದಾರೆ.
ಸ್ಪೀಕರ್ ಅವರ ಕ್ರಮವು ನಿಯಮಗಳನ್ನು ಮುಂದಿಟ್ಟುಕೊಂಡು ರಾಜ್ಯದ ಜನತೆಯ ದಿಕ್ಕು ತಪ್ಪಿಸುವ ವಿಧಾನವನ್ನು ಅನುಸರಿಸಿಸುತ್ತಿದ್ದಾರೆ.ಶಾಸಕರು ವ್ಹಿಪ್ ಜಾರಿಗೋಳಿಸುವ ಮೋದಲೇ ರಾಜೀನಾಮೆ ನಿಡಿರುವುದರಿಂದ ಅನರ್ಹತೆ ಪ್ರಶ್ನೆಯೇ ಉದ್ಭವಿಸುವುದಿಲ್ಲ.
ಆದ್ದರಿಂದ ಈ ಕೂಡಲೇ ವಿಧಾನ ಸಭಾ ಅಧ್ಯಕ್ಷರು ಸ್ವ- ಇಚ್ಛೆಯಿಂದ ನೀಡಿದ ಶಾಸಕರ ರಾಜೀನಾಮೆಗಳನ್ನು ಅಂಗೀಕರಿಸಿ ಮುಂದಿನ ಸುಭದ್ರ ಸರ್ಕಾರ ರಚನೆಗೆ ಅನುಕೂಲ ಮಾಡಿಕೊಡುವ ಮೂಲಕ ಸಂವಿಧಾನಕ್ಕೆ ಬದ್ಧವಾಗಿ ವರ್ತಿಸಿ ಸ್ಪೀಕರ್ ಹುದ್ದೆಯ ಘನತೆಯನ್ನು ಎತ್ತಿ ಹಿಡಿಯಬೇಕೆಂದು ಮಾನ್ಯ ಸ್ಪೀಕರ್ ಅವರಿಗೆ ಅಂಬಾರಾಯ ಅಷ್ಟಗಿ ಆಗ್ರಹಿಸಿದ್ದಾರೆ..