ಶಹಾಬಾದ:ವಿಧಾನ ಪರಿಷತ್ ಚುನಾವಣೆಯ ಕಾಂಗ್ರೆಸ್ ಅಭ್ಯರ್ಥಿಯಾದ ಶಿವಾನಂದ ಪಾಟೀಲ ಮರತೂರ ಅವರು ಎಲ್ಲರಿಗೂ ಸ್ಪಂದಿಸುವ ವ್ಯಕ್ತಯಾಗಿರುವುದರಿಂದ ಅವರಿಗೆ ಮತದಾರರು ತಮ್ಮ ಮತ ನೀಡುವ ಮೂಲಕ ಗೆಲ್ಲಿಸಬೇಕೆಂದು ನಗರದ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಡಾ.ರಶೀದ್ ಮರ್ಚಂಟ್ ಹೇಳಿದರು.
ಅವರು ರವಿವಾರ ಸುದ್ದಿಗಾರರೊಂದಿಗೆ ಮಾತನಾಡಿ, ಶಿವಾನಂದ ಪಾಟೀಲ ಅವರು ಎಲ್ಲರೊಂದಿಗೆ ಬೆರೆಯುವ ಉತ್ತಮ, ಸರಳ ವ್ಯಕ್ತಿತ್ವದವರು.ಅವರು ಹಿಡಿದ ಕೆಲಸವನ್ನು ಆಗುವವರೆಗೂ ಬಿಡುವುದಿಲ್ಲ.ಅಲ್ಲದೇ ಜನರ ಸಮಸ್ಯೆಗೆ ಸ್ಪಂದಿಸುವ ಹಾಗೂ ಕ್ಷೇತ್ರದ ಜನತೆಯ ಕಷ್ಟ, ಸುಖಕ್ಕೆ ಮಿಡಿಯುವ ಹೃದಯವಂತರು ಎಂಬುದು ಸ್ಥಳೀಯ ಜನರಿಗೂ ಗೊತ್ತಿದೆ.ಆದರೆ ಪ್ರತಿಸ್ಪರ್ಧಿ ಬಿಜೆಪಿಯ ಅಭ್ಯರ್ಥಿ ಈಗಾಗಲೇ ವಿಧಾನಪರಿಷತ್ ಸದಸ್ಯರಾಗಿ ಏನು ಮಾಡಿದ್ದಾರೆ.
ಗೆದ್ದ ನಂತರ ಇಲ್ಲಿಯವರೆಗೆ ಗೆಲ್ಲಿಸಿದ ಮತದಾರರಿಗೆ ಎಷ್ಟು ಬಾರಿ ಬೇಟಿಯಾಗಿದ್ದಾರೆ.ಅವರ ಸಮಸ್ಯೆಗಳನ್ನು ಬಗೆಹರಿಸಿದ್ದಾರೆ ಎಂಬುದನ್ನು ಮತದಾರರೇ ತಿಳಿದುಕೊಳ್ಳಬೇಕು.ಅಭಿವೃದ್ಧಿ ಮಾಡಿದ್ದೆನೆಂದು ಹೇಳುವ ಅವರು ಅಭ್ಯರ್ಥಿ ಅಭಿವೃದ್ಧಿ ಮಾಡಿದ್ದಾರೆಯೇ ಎಂಬುದನ್ನು ಮತದಾರರೇ ಎಂದು ಯೋಚಿಸಿ.
ಮತದಾರರು ಒಮ್ಮೆ ಶಿವಾನಂದ ಪಾಟೀಲ ಅವರ ವ್ಯಕ್ತಿತ್ವ ಅರಿತು ಮತ್ತು ತಿಳಿದುಕೊಂಡು ಮತ ನೀಡಿ ಗೆಲ್ಲಿಸಿ. ಯಾವುದೇ ಕಾರಣಕ್ಕೂ ಹಣದ ಪೆಟ್ಟಿಗೆಗೆ ಬೆಲೆ ಕೊಡದೇ, ಮತಪಟ್ಟಿಗೆಗೆ ಹೆಚ್ಚಿನ ಬೆಲೆ ನೀಡಿ.ಪ್ರಜ್ಞಾವಂತರಾದ ಮತದಾರರು ಒಮ್ಮೆ ಯೋಚಿಸಿ ಮತ ನೀಡಿ.ಅಲ್ಲದೇ ನಮ್ಮ ನಾಯಕರಾದ ಪ್ರಿಯಾಂಕ್ ಖರ್ಗೆ ಅವರು ಒಬ್ಬ ಉತ್ತಮ ಅಭ್ಯರ್ಥಿಯನ್ನೇ ಆಯ್ಕೆ ಮಾಡಿದ್ದಾರೆ.ಅವರಿಗೆ ಮತ ನೀಡುವ ಮೂಲಕ ಅಭಿವೃದ್ಧಿಗೆ ಮುನ್ನುಡಿ ಬರೆಯಲು ಮತದಾರರು ಮುಂದಾಗಿ ಎಂದು ಮನವಿ ಮಾಡಿದರು.