ಸುರಪುರ: ನಗರದ ಕುಂಬಾರಪೇಟೆ ಕ್ರಾಸ್‌ನಿಂದ ಹಸನಾಪುರ ಪೆಟ್ರೋಲ್ ಪಂಪ್‌ಗೆ ಹೋಗುವ ಹೆದ್ದಾರಿಯ ಮದ್ಯದ ಸೀಬಾರ ಬಂಡಿ ಬಳಿಯಲ್ಲಿ ಟಂ ಟಂ ಮತ್ತು ಲಾರಿ ಮದ್ಯೆ ಮುಖಾ ಮುಖಿ ಡಿಕ್ಕಿ ಸಂಭವಿಸಿ ಓರ್ವ ಮಹಿಳೆ ಮೃತಪಟ್ಟ ಧಾರುಣ ಘಟನೆ ಸಂಭವಿಸಿದೆ.
ಕುಂಬಾರಪೇಟ ದಿಂದ ಕಾಟಮನಹಳ್ಳಿಗೆ ಭತ್ತದ ನಾಟಿ ಕೆಲಸಕ್ಕೆ ಸುಮಾರು ಹತ್ತು ಜನರನ್ನು ತುಂಬಿಕೊಂಡು ಹೋಗುತ್ತಿದ್ದ ಟಂ ಟಂ ವಾಹನ ಸಿಬಾರ ಬಂಡಿ ಬಳಿಯಲ್ಲಿ ಹೋಗುತ್ತಿರುವಾಗ ಎದುರುಗಡೆಯಿಂದ ಬಂದ ಲಾರಿಯೊಂದು ಡಿಕ್ಕಿ ಹೊಡೆದ ಪರಿಣಾಮವಾಗಿ ಟಂ ಟಂ ವಾಹನದಲ್ಲಿದ್ದ ನಿಂಗಮ್ಮ ಎಮ್ಮೆರ (55) ಎಂಬ ಮಹಿಳೆ ಸ್ಥಳದಲ್ಲಿಯೇ ಮೃತಳಾಗಿದ್ದಾರೆ.
ಅಲ್ಲದೆ ಟಂ ಟಂ ವಾಹನದಲ್ಲಿದ್ದ ಬಸಲಿಂಗಮ್ಮ ಎಮ್ಮೆರ, ಹಣಮವ್ವ ಎಮ್ಮೆರ, ದ್ಯಾವಮ್ಮ ಪ್ರಧಾನಿ, ರೇಖಮ್ಮ ಎಮ್ಮೆರ, ಮಲ್ಲಮ್ಮ ಪ್ರಧಾನಿ, ಮರೆಮ್ಮ ಎಮ್ಮೆರ ಸೇರಿದಂತೆ ಎಂಟು ಜನ ಗಾಯಗೊಂಡಿದ್ದು. ಇದರಲ್ಲಿ ಇಬ್ಬರ ಸ್ಥಿತಿ ಚಿಂತಾಜನಕವಾಗಿದ್ದು ಕಲಬುರಗಿ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ಕಳುಹಿಸಲಾಗಿದೆ.
ಸುರಪುರ ಠಾಣೆಯ ವ್ಯಾಪ್ತಿಯಲ್ಲಿ ಅಪಘಾತ ಸಂಭವಿಸಿದ್ದು ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಲಾರಿಯನ್ನು ವಶಕ್ಕೆ ಪಡೆದಿದ್ದಾರೆ.