ಸುರಪುರ: ನಗರದ ರಂಗಂಪೇಟೆಯಲ್ಲಿ ಯಾವುದೇ ಬ್ಯಾಂಕ್‌ಗಳ ಎಟಿಎಮ್ ಕೇಂದ್ರವಿಲ್ಲದೆ ನಾಗರಿಕರಿಗೆ ತೊಂದರೆಯಾಗುತ್ತಿದ್ದು ಕೂಡಲೇ ಎಟಿಎಮ್ ಆರಂಭಿಸುವಂತೆ ಒತ್ತಾಯಿಸಿ ಕರ್ನಾಟಕ ರಕ್ಷಣಾ ವೇದಿಕೆ ರಂಗಂಪೇಟ ನಗರ ಘಟಕದ ನೇತೃತ್ವದಲ್ಲಿ ಪ್ರಗತಿ ಗ್ರಾಮೀಣ ಬ್ಯಾಂಕ್ ವ್ಯವಸ್ಥಾಪಕರಿಗೆ ಮನವಿ ಸಲ್ಲಿಸಲಾಯಿತು.
ಇದನ್ನೂ ಓದಿ: ಸುರಪುರ: ವಿವಿಧೆಡೆ ಸಂಭ್ರಮದ ಬಕ್ರೀದ್ ಆಚರಣೆ
ಎಟಿಎಮ್ ಕೇಂದ್ರವಿಲ್ಲದೆ ಗ್ರಾಹಕರಿಗೆ ತುಂಬಾ ತೊಂದರೆಯಾಗುತ್ತಿದ್ದು ಹಣ ಪಡೆಯಬೇಕಾದರೆ ಸುರಪುರಕ್ಕೆ ಹೋಗುವ ಪರಿಸ್ಥಿತಿ ಇದ್ದು ಕೆಲವೊಂದು ಸಂದರ್ಭಗಳಲ್ಲಿ ಎಟಿಎಮ್ ಕೇಂದ್ರಗಳಲ್ಲಿ ಹಣ ಸಿಗುವದಿಲ್ಲ ಅದರಲ್ಲೂ ಪ್ರತಿ ಶುಕ್ರವಾರ ಹಾಗೂ ರವಿವಾರದಂದು ರಂಗಂಪೇಟೆಯಲ್ಲಿ ನಡೆಯುವ ಸಂತೆಗೆ ಸುತ್ತಮುತ್ತಲಿನ ಗ್ರಾಮಗಳ ಜನರು ಆಗಮಿಸುತ್ತಾರೆ ಹಣದ ಅವಶ್ಯಕತೆ ಇರುತ್ತದೆ ಅಲ್ಲದೆ ರಂಗಂಪೇಟ-ತಿಮ್ಮಾಪುರನ ಜನರಿಗೆ, ಕಾಲೇಜು ವಿದ್ಯಾರ್ಥಿಗಳಿಗೆ ತೊಂದರೆಯಾಗುತ್ತಿದ್ದು ಕೂಡಲೇ ಎಲ್ಲರಿಗೂ ಅನುಕೂಲವಾಗುವಂತೆ ರಂಗಂಪೇಟೆಯ ದೊಡ್ಡ ಬಜಾರ ಪ್ರದೇಶದಲ್ಲಿ ಎಟಿಎಮ್ ಆರಂಭಿಸುವಂತೆ ಪಿಕೆಜಿಬಿ ಶಾಖಾ ವ್ಯವಸ್ಥಾಪಕರಿಗೆ ಮನವಿ ಸಲ್ಲಿಸಲಾಯಿತು, ಕರವೇ ರಂಗಂಪೇಟ ಘಟಕದ ಅಧ್ಯಕ್ಷ ವಿರೇಶ ರುಮಾಲ ಸಂಘಟನಾ ಕಾರ್ಯದರ್ಶಿ ಮಹ್ಮದ ಹುಸೇನ, ಮುಖಂಡರಾದ ಎಂ.ಡಿ.ಸರ್ವರ್, ಅರವಿಂದ ಯಾದವ್, ಗೌಸುದ್ದಿನ್ ಚೌಧರಿ ಮನವಿ ಸಲ್ಲಿಸಿದರು.