ಕಲಬುರಗಿ:ನಗರದ ಜಯನಗರ ಶಿವ ಮಂದಿರದಲ್ಲಿ ಪ್ರತಿ ವರ್ಷದಂತೆ ಜಯನಗರ ಶಿವಮಂದಿರ ಅಭಿವೃದ್ಧಿ ಟ್ರಸ್ಟ್ ವತಿಯಿಂದ ಶ್ರಾವಣ ಮಾಸದ ನಿಮಿತ್ತ ವಿನೂತನ ರೀತಿಯಲ್ಲಿ ಒಂದು ತಿಂಗಳು “ಶರಣರ ಧರ್ಮ -ಅಧ್ಯಾತ್ಮಿಕ ಪ್ರವಚನ” ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಟ್ರಸ್ಟ್ ಅಧ್ಯಕ್ಷ ಲಿಂಗರಾಜ ಸಿರಗಾಪೂರ ಅವರು ತಿಳಿಸಿದರು.
ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು ಈ ಬಾರಿ “ಶರಣರ ಧರ್ಮ” ಪ್ರವಚನವನ್ನು 29 ಶುಕ್ರವಾರ ರಿಂದ 28-8-2022 ರವರೆಗೆ ದಿನ ನಿತ್ಯ ಸಾಯಂಕಾಲ 7 ರಿಂದ 8 ಗಂಟೆವರೆಗೆ ಜರುಗುವುದು.ಪ್ರವಚನವನ್ನು ಖ್ಯಾತ ಪ್ರವಚನಕಾರ ಹಾಗೂ ಸಾಹಿತಿ ಪಂ.ವೇ.ಶಿವಕವಿ ಜೋಗೂರ ಅವರು ನಡೆಸಿಕೊಡುವರು.”ಶರಣರ ಧರ್ಮ” ಎಂಬ ಅಧ್ಯಾತ್ಮಿಕ ಪ್ರವಚನ ಸಾರ್ವಕಾಲಿಕಕ್ಕೂ ಶ್ರೇಷ್ಠ.ಶರಣರ ಆಧ್ಯಾತ್ಮಿಕ ಚಿಂತನೆಗಳು,ಶರಣರ ನುಡಿಗಳು ಹಾಗೂ ನಾಡಿಗೆ ನೀಡಿದ ಸಂದೇಶಗಳನ್ನು ಜನರಿಗೆ ಅರ್ಥವಾಗುವಂತೆ ತಿಳಿಸುವ ಉದ್ದೇಶದಿಂದ ಮತ್ತು ಶರಣರ ಮೌಲ್ಯಗಳನ್ನು ಜಗಕೆ ಸಾರಬೇಕೆಂಬ ಸದುದ್ದೇಶದಿಂದ ಪ್ರವಚನ ಕಾರ್ಯಕ್ರಮ ಪ್ರತಿ ವರ್ಷ ಜಯನಗರ ಶಿವಮಂದಿರದಲ್ಲಿ ಹಮ್ಮಿಕೊಳ್ಳಲಾಗುತ್ತಿದೆ.
ಕಳೆದ ಎರಡು ವರ್ಷಗಳಿಂದ ಕೋವಿಡ-19 ಹಾವಳಿಯಿಂದ ಪ್ರವಚನವನ್ನು ರದ್ದು ಗೊಳಿಸಿ ದಿನ ನಿತ್ಯ ಸರಳವಾಗಿ ಪೂಜೆ ಪುನಸ್ಕಾರ ಮಾಡುವುದರ ಮೂಲಕ ಶ್ರಾವಣ ಮಾಸದ ಆಚರಣೆ ಮಾಡಲಾಯಿತು.ಈ ವರ್ಷ ಕೊರೊನಾ ಇಲ್ಲದೇ ಇರುವುದರಿಂದ ಮತ್ತು ಜನರ ಆಶಯದಂತೆ ಈ ಬಾರಿ ಹಮ್ಮಿಕೊಳ್ಳಲಾಗಿದೆ.ಪ್ರವಚನದ ಜೊತೆಗೆ ಅಧ್ಯಾತ್ಮಿಕ ಚಿಂತನೆಗಳು ಹಾಗೂ ಉಪನ್ಯಾಸಗಳು ಜರುಗುವವು.ಕಲ್ಯಾಣ ಕರ್ನಾಟಕದ ಪ್ರಮುಖ ಮಠದ ಮಠಾಧೀಶರು ಮತ್ತು ಮಹಾಮನೆಯ ಶರಣರನ್ನು ಆಹ್ವಾನಿಸಲಾಗುವುದು.
ಕಾರ್ಯಕ್ರಮವನ್ನು ಜಯನಗರ ಶಿವಮಂದಿರ ಅಭಿವೃದ್ಧಿ ಟ್ರಸ್ಟ್ ಗೌರವಾಧ್ಯಕ್ಷರು ಆಗಿರುವ ಎಚ್ಕೆಇ ಸಂಸ್ಥೆಯ ಅಧ್ಯಕ್ಷ ಡಾ.ಭೀಮಾಶಂಕರ ಬಿಲಗುಂದಿ ಅವರು ಉದ್ಘಾಟಿಸುವರು.ಮುಖ್ಯ ಅತಿಥಿಗಳಾಗಿ ಶಾಸಕ ಹಾಗೂ ಕೆ.ಕೆ.ಆರ್.ಡಿ.ಬಿ ಅಧ್ಯಕ್ಷ ದತ್ತಾತ್ರೇಯ ಪಾಟೀಲ ರೇವೂರ, ಹಿರಿಯ ಹೋರಾಟಗಾರ ಲಕ್ಷ್ಮಣ ದಸ್ತಿ, ಹಿರಿಯ ಪತ್ರಕರ್ತ ಪಿ.ಎಂ.ಮಣ್ಣೂರ, ಮಹಾನಗರ ಪಾಲಿಕೆ ಸದಸ್ಯ ವೀರಣ್ಣ ಹೊನ್ನಳ್ಳಿ,ಸಾಹಿತಿ ಹಾಗೂ ಲೇಖಕ ಬಿ. ಭಾಗವಹಿಸಲಿದ್ದಾರೆ.