ಅಫಜಲಪುರ: ಪ್ರಾಥಮಿಕ ಆರೋಗ್ಯ ಕೇಂದ್ರ ಗೊಬ್ಬೂರು (ಬಿ) ದಲ್ಲಿ ವಿಶ್ವ ಗರ್ಭ ನಿರೋಧಕ ದಿನಾಚರಣೆ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಯಿತು.
ನೂತನ ಗರ್ಭ ನಿರೋಧಕಗಳ ಕಾರ್ನರ್ ಏರ್ಪಡಿಸುವುದರ ಮೂಲಕ ಆಚರಣೆಯನ್ನು ತಾಲೂಕ ಆರೋಗ್ಯ ಅಧಿಕಾರಿಗಳಾದ ಡಾ. ರವಿ ಕಿರಣ್ ಅಂತರ ಇಂಜೆಕ್ಷನ್ ಫಲಾನುಭವಿಗಳಿಗೆ ಪ್ರದರ್ಶಿಸುವುದರಮೂಲಕ ಚಾಲನೆಯನ್ನು ನೀಡಿದರು. ಕಾರ್ಯಕ್ರಮದಲ್ಲಿ ಆಡಳಿತ ವೈದ್ಯಾಧಿಕಾರಿಗಳಾದ ಡಾಕ್ಟರ್ ಅಬ್ದುಲ್ ಅಜೀಜ್, ಡಾಕ್ಟರ್ ಸುಷ್ಮಾ, ತಾಲೂಕ ಹಿರಿಯ ಆರೋಗ್ಯ ನಿರೀಕ್ಷಣಾಧಿಕಾರಿ ವಿನಾಯಕ್ ಜೋಶಿ, ನೇತ್ರಾಧಿಕಾರಿ ಸುರೇಶ್ ಬಂಡುಗಾರ್ ಕೇಂದ್ರ ಸ್ಥಾನದ ಸಿಬ್ಬಂದಿಗಳು ಭಾಗವಹಿಸಿದ್ದರು.
ವಿಶ್ವ ಗರ್ಭ ನಿರೋಧಕ ದಿನಾಚರಣೆಯ ಮಹತ್ವವನ್ನು ಕುರಿತು ಕ್ಷೇತ್ರ ಆರೋಗ್ಯ ಶಿಕ್ಷಣಾಧಿಕಾರಿ ಶಶಿಧರ್ ಬಳೆ ಫಲಾನುಭವಿಗಳಿಗೆ ಯಾವುದೇ ಸಂಕೋಚವಿಲ್ಲದೆ ಸಿಬ್ಬಂದಿಗಳನ್ನು ಸಂಪರ್ಕಿಸಿ ಮಾತ್ರೆ ಇಂಜೆಕ್ಷನ್, ಐ ಯು ಸಿ ಡಿ ಮತ್ತು ಪಿಪಿ ಐ ಯು ಸಿ ಡಿ ಉಚಿತವಾಗಿ ನೀಡಲಾಗುವುದು ಅದರ ಪ್ರಯೋಜನ ಪಡೆದು ತಮ್ಮ ಮಕ್ಕಳನ್ನು ನಿಯಂತ್ರಣ ಮಾಡುವುದರ ಜೊತೆಗೆ ತಾವು ಆರೋಗ್ಯವಾಗಿದ್ದು, ಸದೃಢವಾಗಿರಲಿಂಬುದೇ ಈ ದಿನಾಚರಣೆಯ ಮಹತ್ವ ಅಲ್ಲದೆ ಗರ್ಭನಿರೋಧಕ ಇದು ನಿನ್ನ ಜೀವನ, ಇದು ನಿನ್ನ ಜವಾಬ್ದಾರಿ ಎಂಬ ಘೋಷವಾಕ್ಯ ಮೊಳಗಿಸುವುದರೊಂದಿಗೆ ಫಲಾನುಭವಿಗಳಿಗೆ ಜಾಗೃತಿಯನ್ನು ಮೂಡಿಸಿ ಅದರ ಸದುಪಯೋಗವನ್ನು ಪಡೆದು ತಾವೆಲ್ಲರೂ ಆರೋಗ್ಯವನ್ನು ಕಾಪಾಡಿರಿ ಎಂದು ಮಾಹಿತಿ ನೀಡಿದರು.
ಕಾರ್ಯಕ್ರಮದಲ್ಲಿ ವಿವಿಧ ಗ್ರಾಮದಿಂದ ಆಗಮಿಸಿದ ಸಾರ್ವಜನಿಕರು ಫಲಾನುಭವಿಗಳು ಕಾರ್ಯಕ್ರಮಕ್ಕೆ ಬಂದು ಆಲಿಸಿ ಇದರ ಪ್ರಯೋಜನ ಪಡೆದುಕೊಂಡು ಯಶಸ್ವಿಗೊಳಿಸಿದರು.