ಕಲಬುರಗಿ: ಹೈದ್ರಬಾದ ಕರ್ಣಾಟಕ ಶಿಕ್ಷಣ ಸಂಸ್ಥೆಯ, ಎಂ.ಎಸ್.ಇರಾನಿ ಪದವಿ ಮಹಾವಿದ್ಯಾಲಯದಲ್ಲಿ 2022- 23 ನೆಯ ಸಾಲಿನ ಹಳೆ ವಿದ್ಯಾರ್ಥಿ ಸಂಘದ (Alumni Meet) ಸಭೆ ಜರುಗಿತು.
ಈ ಸಭೆಯನ್ನು ಉದ್ದೇಶಿಸಿ ಸಂಘದ ಗೌರವ ಅಧ್ಯಕ್ಷರಾದ ಡಾ. ಎ. ವಿ. ದೇಶಮುಖ ಮಾತನಾಡಿ ತಾವು ಮಹಾವಿದ್ಯಾಲಯದಲ್ಲಿ ಓದಿದ ದಿನಗಳ ಹಾಗು ಇಲ್ಲಿರುವ ಶಿಕ್ಷಕರ ಮೆಚ್ಚುಗೆ ವ್ಯಕ್ತಪಡಿಸಿದರು. ಸಂಘವು ಮಹಾವಿದ್ಯಾಲಯದ ಅಭಿವೃದ್ದಿಯ ಜೊತೆಗೆ ಇರುತ್ತದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.
ಸಂಘದ ಉಪಾಧ್ಯಕ್ಷರಾದ ಡಾ. ಇಂದಿರಾ ಶಕ್ತಿ, ಶಿವುರುದ್ರ ಗುಡ್ಡಾ ಮಾತನಾಡಿದರು. ಸಭೆಯ ಅಧ್ಯಕ್ಷತೆಯನ್ನು ಪ್ರಾಚಾರ್ಯರಾದ ಡಾ. ರಾಜಶೇಖರ ವಿ. ಬೀರನಳ್ಳಿ ವಹಿಸಿಕೊಂಡು ಮಹಾವಿದ್ಯಾಲಯದ ಅಭಿವೃದ್ಧಿಗೆ ಸಘದ ಸೇವೆ ಬಹಳ ಅವಶ್ಯಕವಾಗಿರುತ್ತದೆ ಎಂದು ಹೇಳಿದರು.
ಸಭೆಯಲ್ಲಿ ಡಾ. ರಾಜಕುಮಾರ, ಗುರುರಾಜ ಜಾಂಬವ ಹಾಗು ಸಂಘದ ಪಾಧಧಿಕಾರಿಗಳು ಮತ್ತು ಸದಸ್ಯರು, ಐ. ಕ್ಯೂ. ಎ. ಸಿ. ಸಂಯೋಜಕರಾದ ಪ್ರೊ. ಆರ್ ಎಸ್. ಹಿಳ್ಳಿ ಉಪಸ್ಥಿತರಿದ್ದರು. ಸಂಘದ ಸಂಯೋಜಕರಾದ ಡಾ. ಪ್ರಾಣೇಶ ಎಸ್ ಅವರು ಕಾರ್ಯಕ್ರಮದ ನೀರ್ವಹಣೆ ಹಾಗೂ ಅತಿಥಿಗಳನ್ನು ಸ್ವಾಗತಿಸಿದರು, ಡಾ ಶಂಕ್ರಪ್ಪ ಕೆ ಅವರು ವಂದಿಸಿದರು.ಕಾರ್ಯಕ್ರಮದಲ್ಲಿ ಎಲ್ಲಾ ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ಅವರು ಭಾಗವಹಿಸಿದರು.