ಶಹಾಬಾದ: ಪ್ರತಿಯೊಬ್ಬ ವಿದ್ಯಾರ್ಥಿಗಳು ಗುರಿಯನ್ನು ಹೊಂದಿರಬೇಕು.ಆ ಗುರಿಯನ್ನು ಮುಟ್ಟಲು ಸತತ ಅಧ್ಯಯನ ಮಾಡುವ ಅಗತ್ಯವಿದೆ ಎಂದು ಕಲಬುರಗಿ ವಿಭಾಗದ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಅಪರ ಆಯುಕ್ತೆ ಗರಿಮಾ ಪಂವಾರ್ ಹೇಳಿದರು.
ಅವರು ಗುರುವಾರ ಭಂಕೂರ ಗ್ರಾಮದ ಸರಕಾರಿ ಪ್ರೌಢಶಾಲೆಯಲ್ಲಿ ಸ್ವಾಮಿ ವಿವೇಕಾನಂದ ಯೂತ್ ಮೂವ್ ಮೆಂಟ್ ಸಂಸ್ಥೆ ಹಾಗೂ ಸಾರ್ವಜನಿಕ ಶಿಕ್ಷಣ ಇಲಾಖೆಯ ವತಿಯಿಂದ ಆಯೋಜಿಸಲಾದ ಶಾಲಾ ಶಿಕ್ಷಣ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.
ಗುರಿ ಇಟ್ಟುಕೊಂಡು ಕೈಕಟ್ಟಿ ಕುಳಿತರೇ ಏನ್ನನ್ನು ಸಾಧಿಸಲು ಆಗದು.ಗುರಿಗಾಗಿ ಸತತ ಪ್ರಯತ್ನಶೀಲರಾಗಬೇಕು.ಒಳ್ಳೆಯ ಅಧ್ಯಯನದಿಂದಲೇ ಜೀವನದಲ್ಲಿ ಯಶಸ್ಸನ್ನು ಪಡೆಯಲು ಸಾಧ್ಯ.ಮಕ್ಕಳಿಗೆ ಕೇವಲ ಪ್ರಯೋಗ ಮಾಡಿ ತೋರಿಸದೇ ಅವರಲ್ಲಿ ವಿಮರ್ಶಾತ್ಮಕ ಗುಣ ಮತ್ತು ವೈಜ್ಞಾನಿಕ ಮನೋಭಾವನೆ ಬೆಳೆಯುವಂತೆ ಮಾಡಬೇಕು.ಅದಕ್ಕೆ ಬೇಕಾದ ಪ್ರೋತ್ಸಾಹ ಶಿಕ್ಷಕ ವರ್ಗದವರು ಮಾಡಬೇಕೆಂದು ಹೇಳಿದರು.
ಅಲ್ಲದೇತಮ್ಮ ವಿದ್ಯಾರ್ಥಿ ಜೀವನ ಮೆಲುಕು ಹಾಕಿದ ಅವರು ನಮ್ಮ ಜೀವನ ಇತರರಿಗೆ ಮಾದರಿಯಾಗುವಂತೆ ಸಾರ್ಥಕ ಜೀವನ ಸಾಗಿಸಬೇಕು. ಈಗ ಕಷ್ಟಪಟ್ಟಲ್ಲಿ ಮಾತ್ರ ಮುಂದಿನ ಜೀವನ ಸುಖಕರವಾಗಿರಲಿದೆ. ಸಂಸ್ಥೆಯವರು ಕೇವಲ ಕಂಪ್ಯೂಟರ್ ಟ್ಯಾಬ್ ಕೊಟ್ಟರೇ ಸಾಲದು ಅದಕ್ಕೆ ಬೇಕಾದ ತರಬೇತಿಯನ್ನು ಶಿಕ್ಷಕರಿಗೆ ಒದಗಿಸಿದಾಗ ಮಾತ್ರ ಕಾರ್ಯ ಪರಿಪೂರ್ಣವಾಗುತ್ತದೆ ಎಂದು ಸಲಹೆ ನೀಡಿದರು.
ಕಮಲಾಪೂರ ಡಯಟ್ ಪ್ರಾಂಶುಪಾಲರಾದ ಬಸವರಾಜ ವಾಯಾಚಾರ ಮಾತನಾಡಿ,ಮಕ್ಕಳು ಸಾಧನೆ ಮಾಡಬೇಕಾದರೆ ಅದಕ್ಕೆ ಪೂರಕವಾಗಿ ಯೋಜನೆ ಹಾಕಿಕೊಳ್ಳಬೇಕು.ಯಾವ ವಿದ್ಯಾರ್ಥಿ ಸಮಯದ ಮಹ್ತವ ನೀಡುತ್ತಾನೆ ಅವನು ಜೀವನದಲ್ಲಿ ಸಾಧನೆ ಮಾಡುತ್ತಾನೆ.ಆ ನಿಟ್ಟಿನಲ್ಲಿ ಮಕ್ಕಳು ಮುಂದಾಗಬೇಕು.ವಿದ್ಯಾರ್ಥಿಗಳು ಗೈರಾಗದಂತೆ ಪಾಲಕರು ನಿಗಾವಹಿಸಬೇಕೆಂದು ತಿಳಿಸಿದರು.
ಚಿತ್ತಾಪುರ ಕ್ಷೇತ್ರ ಶಿಕ್ಷಣಾಧಿಕಾರಿ ಸಿದ್ಧವೀರಯ್ಯ ರುದ್ನೂರ್ ವೇದಿಕೆಯ ಮೇಲಿದ್ದರು. ಸ್ವಾಮಿ ವಿವೇಕಾನಂದ ಯೂತ್ ಮೂವ್‍ಮೆಂಟ್£್ಥುತ್ತರ ಕರ್ನಾಟಕ ಪ್ರಾದೇಶಿಕ ಮುಖ್ಯಸ್ಥ ಜಯಂತ.ಕೆ.ಎಸ್ ಅಧ್ಯಕ್ಷತೆ ವಹಿಸಿ ಮಾತನಾಡಿ ಮಕ್ಕಳ ಕಲಿಕೆಗೆ ಅನುಕೂಲ ಮಾಡುವ ನಿಟ್ಟಿನಲ್ಲಿ ನಾವು 20 ಸರಕಾರಿ ಶಾಲೆಗಳನ್ನು ದತ್ತು ತೆಗೆದುಕೊಂಡು ಶಾಲಾ ಶಿಕ್ಷಣ ಕಾರ್ಯಕ್ರಮವನ್ನು ಅನುಷ್ಠಾನಕ್ಕೆ ತಂದಿದ್ದೆವೆ.ಅಲ್ಲದೇ ಸಂಸ್ಥೆಯ ಗುರಿ ಮತ್ತು ಉದ್ದೇಶಗಳನ್ನು ತಿಳಿಸಿದರು.
ಡಯಟ್‍ನ ಲಿಂಗರಾಜ ಮೂಲಿಮನಿ, ಕ್ಷೇತ್ರ ಸಮನ್ವಯಾಧಿಕಾರಿ ಮಲ್ಲಿಕಾರ್ಜುನ ಸೇಡಂ, ಬಿಆರ್‍ಪಿ ಅಶ್ವಿನಿ, ದತ್ತು ಪಡೆದ ಶಾಲೆಗಳ ಮುಖ್ಯಗುರುಗಳು, ಎಸ್‍ಡಿಎಂಸಿ ಸದಸ್ಯರು, ಸಿಆರ್‍ಪಿಗಳು, ಪಾಲಕರು,ಶಾಲಾ ಶಿಕ್ಷಕರು ಹಾಗೂ ಮಕ್ಕಳು ಇದ್ದರು.
ಶಾಲಾ ಶಿಕ್ಷಣ ಕಾರ್ಯಕ್ರಮದ ನಿರ್ದೇಶಕ ಜೈಕುಮಾರ ಪ್ರಾಸ್ತಾವಿಕ ನುಡಿದರು, ಚಂದ್ರಕಾಂತ ಸ್ವಾಗತಿಸಿದರು, ಎಸ್‍ವಿವಾಯ್‍ಎಮ್ ಸಂಸ್ಥೆ ವ್ಯವಸ್ಥಾಪಕ ಸುಧಾಕರ ಪಾಟೀಲ ನಿರೂಪಿಸಿದರು, ಶಿಕ್ಷಕ ವಿಷ್ಣುತೀರ್ಥ ಆಲೂರ ವಂದಿಸಿದರು.