ಯಡ್ರಾಮಿ : ಇಜೇರಿ ಗ್ರಾಮದಲ್ಲಿ ಡಾ. ಬಾಬಾ ಸಾಹೇಬ್ ಅಂಬೇಡ್ಕರ್ ಅವರ ರಚಿತ ಸಂವಿಧಾನ ಅರ್ಪಿತ ದಿನದ ಅಂಗವಾಗಿ ಸಂವಿಧಾನ ಸಮರ್ಪಣ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.
ಈ ಸಂದರ್ಭದಲ್ಲಿ ಜೇವರ್ಗಿ ತಾಲೂಕಿನ ಮಾಜಿ ವಕೀಲರ ಸಂಘದ ಜಂಟಿ ಕಾರ್ಯದರ್ಶಿಯಾದ ರಾಜಶೇಖರ್ ಎಸ್ ಶಿಲ್ಪಿ ನೋಟರಿ ವಕೀಲರು ಭಾರತ ಸರ್ಕಾರ ಮಾತನಾಡಿ ಸಮಾಜದಲ್ಲಿ ಶೋಷಣೆಯನ್ನು ಅನುಭವಿಸುತ್ತಿರುವ ಹೆಣ್ಣು ಮಕ್ಕಳ ಸಲುವಾಗಿ ಪ್ರಪ್ರಥಮ ಬಾರಿಗೆ ಧ್ವನಿ ಎತ್ತಿ ಮಂತ್ರಿ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟು ಸ್ತ್ರೀಯರ ಪರ ಕಾಳಜಿಯನ್ನು ಹೊಂದಿದ ಮಹಾನ್ ಪುರುಷ ಡಾ. ಬಾಬಾ ಸಾಹೇಬ್ ಅಂಬೇಡ್ಕರ್ ಹತ್ತಾರು ದೇಶಗಳ ಸಂವಿಧಾನಗಳನ್ನು ನಿರಂತರವಾಗಿ ಅಧ್ಯಯನ ಮಾಡಿ ಎರಡು ವರ್ಷ 11 ತಿಂಗಳು 18 ದಿನಗಳ ಕಾಲ ಸುದೀರ್ಘವಾಗಿ ಸಮಯ ತೆಗೆದುಕೊಂಡು ಭಾರತ ಸಂವಿಧಾನವನ್ನು ಬರೆದುಕೊಟ್ಟರು ಎಂದು ತಿಳಿಸಿದರು.
ಈ ದೇಶದಲ್ಲಿ ಸಮಸ್ತ ಜಾತಿ ವರ್ಗದ ಜನರಿಗೆ ಕಾನೂನು ಬದ್ಧವಾಗಿ ಸಮಾನವಾದ ಅಧಿಕಾರ ಹಾಗೂ ಹಕ್ಕುಗಳನ್ನು ನೀಡುವ ಜೊತೆ ಸಮಾನವಾದ ಬಾಳ್ವೆ ಬೆಳಕನ್ನು ಚೆಲ್ಲಿದಂತಹ ಮಹಾನ್ ಪುರುಷ ಡಾ. ಬಾಬಾ ಸಾಹೇಬ್ ಅಂಬೇಡ್ಕರ್ ಅವರು ಎಂದು ಹೇಳಿದರು.
ಈ ಸಂದರ್ಭದಲ್ಲಿ ಡಾಕ್ಟರೇಟ್ ಪಡೆದಂತ ಮಹಮ್ಮದ್ ಇನೂಸ ಅವರನ್ನು ಸನ್ಮಾನಿಸಲಾಯಿತು. ಸಭೆಯಲ್ಲಿ ಸೈದಪ್ಪ ಈಜೇರಿ, ಸೈದಪ್ಪ ಮುಡಗೋಳ, ಚಂದ್ರಕಾಂತ್ ಯಂಕಂಚಿ, ಮರಿಯಪ್ಪ ,ಜೈರಾಜಾಮ, ರವಿ, ಶೃತಿ ,ಸೈದಪ್ಪ ,ಎ.ಲ್.ಐ.ಸಿ ಬಸವರಾಜ್ ಕಟ್ಟಿಮನಿ ,ಶರಣು ಕಟ್ಟಿಮನಿ,ಈಶ್ವರ ಕಟ್ಟಿಮನಿ ಸೇರಿದಂತೆ ಗ್ರಾಮದ ನೂರಾರು ಸಾರ್ವಜನಿಕರು ಭಾಗವಹಿಸಿದ್ದರು.