ಕಮಲಾಪೂರ: ಇಂದಿನ ಯುವ ಪೀಳಿಗೆಯಲ್ಲಿ ದೇಶಭಕ್ತಿ, ತ್ಯಾಗ, ಬಿಲಿದಾನ, ಸಾಮಾಜಿಕ ಸ್ವಾಮರಸ್ಯ,ಭಾತೃತ್ವ, ಸ್ವಚ್ಚ ಪರಿಸರದಂತಹ ಅಂಶಗಳ ಮಹತ್ವವನ್ನು ಸಾರುವ ಸಮಾಜ ಸೇವಾ ಕಾರ್ಯ ಶಿಬಿರಗಳು ಹೆಚ್ಚಿನ ಸಂಖ್ಯೆಯಲ್ಲಿ ಜರುಗಬೇಕು ಇದರಿಂದ ಸ್ವಸ್ಥ ಸಮಾಜ ನಿರ್ಮಾಣ ಸಾಧ್ಯ ಎಂದು ಕಮಲಾಪುರ ಕನ್ನಡ ಸಾಹಿತ್ಯ ಪರಿಷತ್ತಿನ ತಾಲೂಕು ಅಧ್ಯಕ್ಷ ಸುರೇಶ ಲೇಂಗಟಿ ಹೇಳಿದರು.
ಕಮಲಾಪುರ ತಾಲೂಕಿನ ಹರಕಂಚಿ ಗ್ರಾಮದಲ್ಲಿ ಕಲಬುರಗಿ ಇನಾಮದಾರ ಸ್ನಾತಕೋತ್ತರ ಪದವಿ ಕಾಲೇಜಿನ ವತಿಯಿಂದ ಹಮ್ಮಿಕೊಂಡ ಸಮಾಜ ಸೇವಾ ಕಾರ್ಯ ಶಿಬಿರದಲ್ಲಿ ಮಾತನಾಡಿದ ಅವರು ಬುಧುವಾರ ಚಂದ್ರನ ಅಂಗಳಕ್ಕೆ ನಮ್ಮ ದೇಶದ ವಿಕ್ರಮ್ ಲ್ಯಾಂಡರ್ ಯಶಸ್ವಿಯಾಗಿ ಚಂದ್ರನ ದಕ್ಷಿಣ ಧ್ರುವಕ್ಕೆ ತಲುಪುವ ಮೂಲಕ ಚಂದ್ರನ ದಕ್ಷಿಣ ಧ್ರುವಕ್ಕೆ ಕಾಲಿಟ್ಟ ಜಗತ್ತಿನ ಮೊಟ್ಟ ಮೊದಲ ದೇಶ ಎಂಬ ಹಿರಿಮೆಗೆ ಪಾತ್ರವಾಗಿದೆ, ಈ ಕಾರ್ಯಕ್ಕೆ ಶ್ರಮಿಸಿದ ಇಸ್ರೋ ಬಾಹ್ಯಾಕಾಶ ಸಂಸ್ಥೆ ಸರ್ವರಿಗೂ ಅಭಿನಂದನೆಗಳನ್ನು ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಇನಾಮದಾರ ಕಾಲೇಜಿನ ಪ್ರಾಂಶುಪಾಲ ಅಬ್ದುಲ ಸತ್ತಾರ ಬನ್ನಿಕರ, ಪ್ರಮುಖರಾದ ಚಂದ್ರಶೇಖರ ಹುಗ್ಗಿ, ಶಿವಶರಣಪ್ಪ ದಂಡೋತಿ, ಸುಭಾಷ ಪೊತಿ, ನಾಗಪ್ಪ ನಾಯಿಕೊಡಿ, ತಿಮ್ಮಯ್ಯ, ಶಿವಪ್ಪ ಚಿಂಚೋಳಿ, ವಂದನಾ ಎಸ್.ರಾಜಶೇಖರ ಪೊತೆ, ಮೀನಾಕ್ಷಿ ಭಂಡಾರಿ, ಭಾಗ್ಯಶ್ರೀ ನಾಯಿಕೋಡಿ ಇತರರು ಇದ್ದರು.ನಿರೂಪಣೆಯನ್ನು ಆಕಾಶ ಮಾಡಿದರು.ಸ್ವಾಗತವನ್ನು ಪವನ ರಟಕಲ ಸ್ವಾಗತಿಸಿದರು, ಕಿರಣಕುಮಾರ ವಂದಿಸಿದರು.