ಕಲಬುರಗಿ: ಮಕ್ಕಳು ಬಾಲ್ಯದಲ್ಲಿರುವಾಗಲೇ ಅವರಿಗೆ ಶಿಕ್ಷಣದ ಜೊತೆಗೆ ಬುದ್ದಿ, ಸಂಸ್ಕಾರ, ಮಾನವೀಯ ಮೌಲ್ಯಗಳನ್ನು ಬಿತ್ತಬೇಕು. ಇದು ಮುಂದೆ ಅವರ ಜೀವನ ಸುಂದರಗೊಳಿಸಿಕೊಳ್ಳಲು ಪೂರಕವಾಗುತ್ತದೆ. ಪ್ರತಿಯೊಂದು ಮಗುವಿನಲ್ಲಿ ಒಂದು ಪ್ರತಿಭೆ ಅಡಗಿದ್ದು, ಅದನ್ನು ಪಾಲಕ-ಪೋಷಕ ವರ್ಗ, ಶಿಕ್ಷಕರು ಗುರ್ತಿಸಿ ಪ್ರೋತ್ಸಾಹ ನೀಡಿದರೆ, ಮುಂದೆ ಉನ್ನತವಾದ ಸಾಧನೆ ಮಾಡಿ ದೇಶದ ಅಮೂಲ್ಯ ಆಸ್ತಿಯಾಗಲು ಸಾಧ್ಯವಾಗುತ್ತದೆ ಎಂದು ಪರಮ ಪೂಜ್ಯ ಮಾತೋಶ್ರೀ ನಾಗವೇಣಿ ತಾಯಿ ಕಿಟ್ಟಾ ಹೇಳಿದರು.
ಆದರ್ಶ ಶಿಕ್ಷಕ ದಂಪತಿಯಾದ ಭಾಗ್ಯಶ್ರೀ ಸಂಜೀವಕುಮಾರ ಪಾಟೀಲ ಸುಪುತ್ರ ನಂದೀಶ್‍ನ 6ನೇ ಜನ್ಮದಿನದ ಪ್ರಯುಕ್ತ ನಗರದ ಆಳಂದ ಚೆಕ್ ಪೋಸ್ಟ್ ಸಮೀಪದ ವಿಜಯನಗರ ಕಾಲನಿಯ ಶ್ರೀ ದಂಡಗುಂಡ ದೇವಸ್ಥಾನ ಮತ್ತು ಶ್ರೀ ವೀರಾಂಜನೇಯ ದೇವಸ್ಥಾನದಲ್ಲಿ ‘ಬಸವೇಶ್ವರ ಸಮಾಜ ಸೇವಾ ಬಳಗ’ದ ವತಿಯಿಂದ ಶುಕ್ರವಾರ ಸಂಜೆ ಏರ್ಪಡಿಸಲಾಗಿದ್ದ ‘ಬಾಲ ಪ್ರತಿಭೆಗಳಿಗೆ ಸತ್ಕಾರ’ದಲ್ಲಿ ಮಾತನಾಡಿದರು.
ಹೊದಲೂರ ಸಿಆರ್‍ಪಿ ವೀರೇಶ ಬೋಳಶೆಟ್ಟಿ ನರೋಣಾ ಮಾತನಾಡಿ, ಪ್ರಸುತ್ತ ದಿನಗಳಲ್ಲಿ ಮಕ್ಕಳಿಗೆ ಆಸ್ತಿ ಮಾಡುವದಕ್ಕಿಂತ, ಮಕ್ಕಳನ್ನೆ ದೊಡ್ಡ ಆಸ್ತಿಯನ್ನಾಗಿ ಮಾಡಬೇಕಾಗಿದೆ. ಯಾವುದೇ ವ್ಯಕ್ತಿ ಜೀವನದಲ್ಲಿ ಶ್ರೇಷ್ಠ ವ್ಯಕ್ತಿತ್ವವನ್ನು ಹೊಂದಿ, ಉನ್ನತವಾದ ಸಾಧನೆಯನ್ನು ಮಾಡಬೇಕಾದರೆ, ನಿರಂತರವಾದ ಪ್ರಯತ್ನ ತುಂಬಾ ಅಗತ್ಯವಾಗಿದೆ. ಮಕ್ಕಳಿಗೆ ಸೋಮಾರಿ ಗುಣಗಳನ್ನು ಕಲಿಸದೆ, ಪ್ರಯತ್ನಶೀಲ ಗುಣಗಳನ್ನು ಬೆಳೆಸಬೇಕು. ನಮ್ಮ ಭಾಗದಲ್ಲಿ ಅನೇಕ ಪ್ರತಿಭಾವಂತ ಮಕ್ಕಳಿದ್ದಾರೆ. ಅವರನ್ನು ಗುರ್ತಿಸಿ ಪ್ರೋತ್ಸಾಹಿಸುವ ಕಾರ್ಯಜರುಗಬೇಕಾಗಿದೆ. ಈ ನಿಟ್ಟಿನಲ್ಲಿ ಬಳಗವು ಉತ್ತಮ ಕಾರ್ಯ ಮಾಡುತತಿದೆ ಎಂದರು.
ಪ್ರತಿಭಾವಂತ ಮಕ್ಕಳಾದ ನಂದೀಶ್ ಎಸ್.ಪಾಟೀಲ, ರೋಹಿತ್ ಜಮಾದಾರ, ಮಹೇಶ ಪಾಟೀಲ್, ವೃಷಾಲಿ ಮದಗುಣಕಿ, ಪಲ್ಲವಿ ಕಾಮಜಿ ಅವರಿಗೆ ಸತ್ಕರಿಸಿ, ಪ್ರೋತ್ಸಾಹಿಸಲಾಯಿತು.
ಕಾರ್ಯಕ್ರಮದಲ್ಲಿ ಬಳಗದ ಅಧ್ಯಕ್ಷ ಹಾಗೂ ಉಪನ್ಯಾಸ, ಎಚ್.ಬಿ.ಪಾಟೀಲ, ಪ್ರಮುಖರಾದ ಶಾರದಾಬಾಯಿ ವಿ.ಪಾಟೀಲ, ಡಾ.ಸಂತೋಷ ಪಾಟೀಲ ಕೋಟನುರ, ಶರಣು ಗುತ್ತೇದಾರ, ನಾಗರಾಜ ಪಾಟೀಲ ಆಲೂರ, ಪ್ರಕಾಶ ಚೌದ್ರಿ, ಶಿವರಾಯ ಅಟ್ಟೂರ, ಶರಣು ಪಟ್ಟಣ, ಬಿ.ಜಯಸಿಂಗ್, ಮಲ್ಲಿಕಾರ್ಜು ಭಾಗೋಡಿ ಮಣೂರ, ಮಲ್ಲಿಕಾರ್ಜು, ಚಿ.ಮೋರಟಿ, ಭಾಗ್ಯಶ್ರೀ ಎಸ್.ಪಾಟೀಲ, ಸಂಜೀವಕುಮಾರ ಎಂ.ಪಾಟೀಲ, ಚಂದ್ರಶೇಖರ ಪಾಟೀಲ, ಶಿವಯೋಗಪ್ಪ ಬಿರಾದಾರ, ಅನೀಲಕುಮಾರ ಧೋತ್ರೆ, ಶಿವಕುಮಾರ ಪಾಟೀಲ ಬೆಡಜೂರ್ಗಿ, ಸೋಮಶೇಖರ ಕಲ್ಯಾಣಿ, ಮಲ್ಲಣ್ಣ ಮಲ್ಲೇದ್ ಶಿವಾನಂದ ದಿಂಡೂರೆ, ಶಿವಶರಣ ಪಾಟೀಲ, ವೀರೇಶ ಮಾಕಾ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.