ಸುರಪುರ: ಕನ್ನಡಿಗರೆಂದರೆ ಸದಾಕಾಲ ಮತ್ತೊಬ್ಬರ ಶ್ರೆಯಸ್ಸನ್ನು ಬಯಸುವ ಪ್ರೀತಿ ಹಂಚುವ ಜನರಾಗಿದ್ದೇವೆ,ನಮ್ಮ ರಾಜ್ಯದಲ್ಲಿ ಎಲ್ಲ ಮಾತನಾಡುವ ಜನರಿಗೂ ಗೌರವ ದಿಂದ ಕಾಣುತ್ತೇವೆ ಇಂತಹ ನಾಡಿನ ರಾಜ್ಯೋತ್ಸವ ಇಂದು ನಾವೆಲ್ಲರು ಆಚರಿಸುತ್ತಿರುವುದು ತುಂಬಾ ಸಂತೋಷದ ಸಂಗತಿಯಾಗಿದೆ ಎಂದು ತಹಸೀಲ್ದಾರ್ ಕೆ.ವಿಜಯಕುಮಾರ ಮಾತನಾಡಿದರು.
ನಗರದ ತಹಸೀಲ್ದಾರ್ ಕಚೇರಿ ಆವರಣದಲ್ಲಿ ನಡೆದ 68ನೇ ಕನ್ನಡ ರಾಜ್ಯೋತ್ಸವ ಕಾರ್ಯಕ್ರಮದಲ್ಲಿ ಧ್ವಜಾರೋಹಣ ನೆರವೇರಿಸಿ ಮಾತನಾಡಿ,ಕನ್ನಡ ನಾಡು ಏಕಿಕರಣಕ್ಕಾಗಿ ಹೋರಾಡಿದ ಎಲ್ಲ ಮಹನಿಯರನ್ನು ಸದಾಕಾಲ ಸ್ಮರಿಸೋಣ ಎಂದರು.
ಇದೇ ಸಂದರ್ಭದಲ್ಲಿ ಉಪ ಖಜಾನಾಧಿಕಾರಿ ಸಣ್ಣಕೆಪ್ಪ ಕೊಂಡಿಕರ್ ಮಾತನಾಡಿ,ಕನ್ನಡ ಭಾಷೆಗೆ ಎರಡು ಸಾವಿರ ವರ್ಷಗಳ ಇತಿಹಾಸವಿದೆ,ಹಲ್ಮಿಡಿ ಶಾಸನಕ್ಕಿಂತಲೂ ಪೂರ್ವದಲ್ಲಿಯೇ ನಮ್ಮ ಕನ್ನಡ ಭಾಷೆ ಇತ್ತು ಎನ್ನುವುದನ್ನು ನಾವು ಮಹಾಭಾರತದಲ್ಲಿ ಕನ್ನಡ ಪದಗಳು ಬಳಕೆಯಾಗಿರುವುದರಿಂದ ತಿಳಿದುಬರುತ್ತದೆ.ಕನ್ನಡ ಸಂಸ್ಕøತ ಸೇರಿದಂತೆ ಯಾವುದೇ ಭಾಷೆಯಿಂದ ಹುಟ್ಟಿಕೊಂಡಿಲ್ಲ,ದಕ್ಷಿಣ ಭಾರತದಲ್ಲಿರುವ ಪಂಚ ಭಾಷೆಗಳು ಇವು ದ್ರಾವಿಡ ಭಾಷೆಗಳಾಗಿವೆ,ಕನ್ನಡ ಭಾಷೆಯನ್ನು ಸುಲಿದ ಬಾಳೆ ಹಣ್ಣಿನಂತ ಭಾಷೆ ಎಂದು ಕವಿಗಳು ಹೇಳುತ್ತಾರೆ,ಅಲ್ಲದೆ ಕವಿರಾಜ ಮಾರ್ಗದಲ್ಲಿ ಹೇಳಿದಂತೆ ಕಾವೇರಿಯಿಂದ ಗೋದಾವರಿ ವರೆಗೆ ಇದ್ದದ್ದು ಕರುನಾಡು ಎಂದು ಹೇಳಿದ್ದಾರೆ.
ಇಂತಹ ಕರುನಾಡು 1956 ರಲ್ಲಿ ಏಕೀಕರಣಗೊಂಡು ಮೊದಲು ಮೈಸೂರು ರಾಜ್ಯ ಎಂದಿತ್ತು ನಂತರ ಇದನ್ನು ಒಂದು ಊರಿನ ಹೆಸರಲ್ಲಿ ಕರೆಯುವುದು ಬೇಡ ಎಂದು 1973 ರಲ್ಲಿ ಕರ್ನಾಟಕ ಎಂದು ನಾಮಕರಣಗೊಂಡಿತು ಇದರಲ್ಲಿ ಅಂದಿನ ಮುಖ್ಯಮಂತ್ರಿಗಳಾಗಿದ್ದ ಕೆಂಗಲ್ ಹನುಮಂತಯ್ಯನವರು ಕರ್ನಾಟಕ ಎಂದು ನಾಮಕರಣಗೊಳ್ಳಲು ಡಿ.ದೇವರಾಜು ಅರಸು ಅವರ ಕೊಡುಗೆ ದೊಡ್ಡದಿದೆ ಎಂದರು.
ಕಾರ್ಯಕ್ರಮದಲ್ಲಿ ಹಿಂದುಳಿದ ವರ್ಗಗಳ ಕಲ್ಯಾಣಾಧಿಕಾರಿ ತಿಪ್ಪಾರಡ್ಡಿ ಪಾಟೀಲ್ ರಾಜ್ಯೋತ್ಸವದ ಕುರಿತು ಉಪನ್ಯಾಸ ನೀಡಿದರು.ಕರವೇ ತಾಲೂಕು ಅಧ್ಯಕ್ಷ ವೆಂಕಟೇಶ ನಾಯಕ ಬೈರಿಮಡ್ಡಿ ಮಾತನಾಡಿದರು. ಆರಂಭದಲ್ಲಿ ಕನ್ನಡ ಭುವನೇಶ್ವರಿ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ನಂತರ ಧ್ವಜಾರೋಹಣ ನೆರವೇರಿಸಲಾಯಿತು.
ಕಾರ್ಯಕ್ರಮದ ವೇದಿಕೆಯಲ್ಲಿ ಗ್ರೇಡ-2 ತಹಸೀಲ್ದಾರ್ ಮಲ್ಲಯ್ಯ ದಂಡು, ತಾ.ಪಂ ಇಓ ಬಸವರಾಜ ಸಜ್ಜನ್,ತಾಲೂಕು ಆರೋಗ್ಯಾಧಿಕಾರಿ ಡಾ:ಆರ್.ವಿ ನಾಯಕ ಉಪಸ್ಥಿತರಿದ್ದರು.ತಹಸೀಲ್ದಾರ್ ಕಚೇರಿ ಪ್ರ.ದ.ಸಹಾಯಕ ಶಿವಕುಮಾರ ಕನ್ನಡ ಹಾಡು ಹಾಡಿ ಎಲ್ಲರ ಮೆಚ್ಚುಗೆಗೆ ಪಾತ್ರರಾದರು,ಚನ್ನಬಸವ ಚಲುವಾದಿ ನಿರೂಪಿಸಿ ಸ್ವಗಾತಿಸಿದರು,ರವಿ ನಾಯಕ ವಂದಿಸಿದರು.
ಕಾರ್ಯಕ್ರಮದಲ್ಲಿ ಮುಖಂಡರಾದ ರಮೇಶ ದೊರೆ ಆಲ್ದಾಳ,ವೆಂಕಟೇಶ ಬೇಟೆಗಾರ,ಶಿವರಾಜ ನಾಯಕ,ವೆಂಕಟೇಶ ದಳವಾಯಿ,ಉಸ್ತಾದ ವಜಾಹತ್ ಹುಸೇನ್, ಅಬಕಾರಿ ಪಿ.ಎಸ್.ಐ ಪೂಜಾ ಖರ್ಗೆ ಸೇರಿದಂತೆ ಕರವೇ ಅನೇಕ ಮುಖಂಡರು ಕಾರ್ಯಕರ್ತರು ವಿವಿಧ ಶಾಲಾ ಮಕ್ಕಳು ಭಾಗವಹಿಸಿದ್ದರು.