ಶಹಾಬಾದ: ನಗರಸಭೆಯ ವ್ಯಾಪ್ತಿಯ ವಾರ್ಡ ನಂ 25ರ ರಾಜೀನಾಮೆಯಿಂದ ತೆರವಾದ ಸ್ಥಾನಕ್ಕೆ ಶುಕ್ರವಾರ ವಿವಿಧ ಪಕ್ಷದ ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸಿದರು.
ಈಗಾಗಲೇ ವಾರ್ಡ ನಂ. 25ರ ಸದಸ್ಯೆ ಅಂಜಲಿ ಗಿರೀಶ ಕಂಬಾನೂರ ನಗರಸಭೆಯ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸಿದ್ದಾರೆ.ಅವರ ರಾಜೀನಾಮೆಯಿಂದ ತೆರವಾದ ಸ್ಥಾನಕ್ಕೆ ಕಾಂಗ್ರೆಸ್‍ನ ಅಭ್ಯರ್ಥಿಯಾಗಿ ಪುತಲಾ ಕಾಶಿನಾಥ ಜೋಗಿ ನಾಮಪತ್ರ ಸಲ್ಲಿಸಿದರು. ಈ ಸಂಧರ್ಭದಲ್ಲಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಡಾ.ರಶೀದ್ ಮರ್ಚಂಟ್, ರಮೇಶ ಮರಗೋಳ, ಸಂತೋಷ ಪಾಟೀಲ, ಈರಣ್ಣ ಝಳಕಿ, ನಾಗೇಂದ್ರ ನಾಟೀಕಾರ, ರಾಜೇಶ ಯನಗುಂಟಿ, ಫಜಲ ಪಟೇಲ ಉಪಸ್ಥಿತರಿದ್ದರು.
ಬಿಜೆಪಿಯಿಂದ ಅಭ್ಯರ್ಥಿಯಾಗಿ ಸಂಗೀತ ವೆಂಕಟೇಶ ದಂಡಗುಲಕರ್ ನಾಮಪತ್ರ ಸಲ್ಲಿಸಿದರು. ಈ ಸಂಧರ್ಭದಲ್ಲಿ ಅಣವೀರ ಇಂಗಿನಶೆಟ್ಟಿ, ಚಂದ್ರಕಾಂತ ಗೊಬ್ಬೂರಕರ, ಅರುಣ ಪಟ್ಟಣಕರ, ರವಿ ರಾಠೋಡ, ಜ್ಯೋತಿ ಶರ್ಮಾ, ಸದಾನಂದ ಕುಂಬಾರ, ಸಿದ್ರಾಮ ಕುಸಾಳೆ ಉಪಸ್ಥಿತರಿದ್ದರು.
ಮಾಜಿ ಶಾಸಕ ದೊಡ್ಡಪ್ಪಗೌಡ ಪಾಟೀಲ ನರಿಬೋಳ ನೇತೃತ್ವದಲ್ಲಿ ಜೆಡಿಎಸ್‍ನಿಂದ ಅಭ್ಯರ್ಥಿಯಾಗಿ ಲತಾ ದೇವಾನಂದ ನಾಮಪತ್ರ ಸಲ್ಲಿಸಿದರು. ಈ ಸಂಧರ್ಭದಲ್ಲಿ ಸುರೇಶ ಮಹಗಾಂವಕರ, ಡಾ. ಸಿದ್ದಣ್ಣ ಪಾಟೀಲ,ಜೆಡಿಎಸ್ ತಾಲೂಕಾಧ್ಯಕ್ಷ ಅಬ್ದುಲ ಘನಿ ಸಾಬೀರ, ಶ್ರೀಧರ ಕೊಲ್ಲೂರ ಉಪಸ್ಥಿತರಿದ್ದರು.
ಅಲ್ಲದೇ ಎಸ್‍ಡಿಪಿಐ ವತಿಯಿಂದ ಅಭ್ಯರ್ಥಿಯಾಗಿ ಬಿಜಾನಬೇಗಂ ಮೆಹಬೂಬ ನಾಮಪತ್ರ ಸಲ್ಲಿಸಿದರು. ಈ ಸಂಧರ್ಭದಲ್ಲಿ ಅಬ್ದುಲ ರಹೀಮ ಪಟೇಲ, ಮಹ್ಮದ ಯೂನುಷ, ರಹೀಮ ಖಾನ ಉಪಸ್ಥಿತರಿದ್ದರು. ಚುನಾವಣಾಧಿಕಾರಿ ಬಾಲರಾಜ ಮಾಚನೂರ,ಸಹಾಯಕ ಚುನಾವಣಾಧಿಕಾರಿ ಶರಣಬಸಪ್ಪ ಪಾಟೀಲ, ಲೆಕ್ಕಪತ್ರ ಅಧಿಕಾರಿ ನಾರಾಯಣರೆಡ್ಡಿ ಇತರರು ಇದ್ದರು.
