ಅಂತಾರಾಷ್ಟ್ರೀಯ ಟಾರ್ಗೆಟ್ ಬಾಲ್ ಪಂದ್ಯದಲ್ಲಿ ಪ್ರಶಸ್ತಿ
ಆನೇಕಲ್, ಡಿ 17: ನೇಪಾಳದ ಕಠ್ಮಂಡುವಿನಲ್ಲಿ ನಡೆದ ಮೊಟ್ಟ ಮೊದಲ ಅಂತಾರಾಷ್ಟ್ರೀಯ ಟಾರ್ಗೆಟ್ ಬಾಲ್ ಪ್ರೇಸಿಡೆಂಟ್ ಕಪ್ ಪಂದ್ಯದಲ್ಲಿ ಪ್ರಶಸ್ತಿ ಗೆದ್ದ ಭಾರತ ತಂಡದಲ್ಲಿ ಕರ್ನಾಟಕದ ಏಳು ಆಟಗಾರರು ಇದ್ದಾರೆ. ಅದರಲ್ಲಿ ನದೀಮ್ ಪಾಷಾ, ಪ್ರವೀಣ್ ಕುಮಾರ್ ಆನೇಕಲ್ ತಾಲ್ಲೂಕಿನ ಆಟಗಾರರು ಎಂಬುದು ವಿಶೇಷವಾಗಿದೆ.
ಪ್ರತಿಯೊಬ್ಬ ಕ್ರೀಡಾಪಟುಗಳು ತಮ್ಮದೇ ಆದ ಕ್ರೀಡಾ ಕ್ಷೇತ್ರದಲ್ಲಿ ಬೆಳೆಯಬೇಕು. ಹಾಗೂ ಆರ್ಥಿಕತೆಯ ಸಮಸ್ಯೆಯಿಂದ ಕ್ರೀಡಾಪಟುಗಳಿಗೆ ಸಾಧನೆಯು ಅಡ್ಡಿಯಾಗಬಾರದು ಎಂಬ ನಿಟ್ಟಿನಲ್ಲಿ ಕ್ರೀಡಾ ಪ್ರತಿಭೆಗಳಿಗೆ ಎಲ್ಲರೂ ಕೈಲಾದ ಸಹಾಯ, ಸಹಕಾರ ನೀಡಬೇಕೆಂದು ಸಮಾಜ ಸೇವಕ ಆನೇಕಲ್ ರವಿ ತಿಳಿಸಿದ್ದಾರೆ.
Contact Your\'s Advertisement; 9902492681
ನದೀಮ್ ಪಾಷಾ ಅವರು ಕಡು ಬಡತನದಿಂದ ಮೇಲೆ ಬಂದ ಕ್ರೀಡಾಪಟು ಆಗಿದ್ದಾರೆ. ಅವರ ಈ ಸಾಧನೆಯಿಂದ ಆನೇಕಲ್ ತಾಲ್ಲೂಕಿನ ಹೆಸರು ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿ ಗಳಿಸಿದೆ. ಅವರಿಗೆ ಆನೇಕಲ್ ಜನತೆಯ ಪರವಾಗಿ ಶುಭಾಶಯ ಕೋರುತ್ತೇನೆ. ಅವರು ಕ್ರೀಡಾ ಕ್ಷೇತ್ರದಲ್ಲಿ ಮತ್ತಷ್ಟು ಸಾಧನೆಗಳನ್ನು ಮಾಡಲಿ ಎಂದು ಶುಭ ಹಾರೈಸಿದ್ದಾರೆ.