ಕಲಬುರಗಿ: ಜೇವರ್ಗಿ ತಾಲೂಕಿನ ಯಳವಾರ ಗ್ರಾಮ ಪಂಚಾಯಿತಿಯನ್ನು ರೌಡಿ ಶೀಟರ್ ಗಳಿಂದ ರಕ್ಷಿಸಿ ಹೊಸದಾಗಿ ನಿಯುಕ್ತಿಗೊಂಡಿರುವ ಪಿ.ಡಿ.ಓ. ರವರಿಗೆ ಸೂಕ್ತ ಭದ್ರತೆ ಒದಗಿಸಬೇಕು ಮತ್ತು ದಲಿತ ಅಧ್ಯಕ್ಷ ಹಕ್ಕು ರಕ್ಷಣೆ ಮಾಡಬೇಕು ಎಂದು ಆಗ್ರಹಿಸಿ ದಲಿತ ಸೇನೆ ಕಾರ್ಯಕರ್ತರು ಪ್ರತಿಭಟನಾ ಮೆರವಣಿಗೆಯೊಂದಿಗೆ ಜಿಲ್ಲಾ ಪಂಚಾಯತ್ ಕಚೇರಿಗೆ ಮುತ್ತಿಗೆ ಹಾಕಿ ಪ್ರತಿಭಟನೆ ನಡೆಸಿದರು.
ಕಮಲಾಪೂರ ತಾಲೂಕಿನ ಅಂಬಲಗಾ ಗ್ರಾಮ ಪಂಚಾಯಿತಿಯ ಪಿಡಿಓ ಜಗನ್ನಾಥ ರೆಡ್ಡಿಯವರನ್ನು ಈ ಹಿಂದೆ ಅಮಾನತ್ತುಗೊಳಿಸಲಾಗಿತ್ತು. ತಾಲೂಕಿನ ಪಂಚಾಯಿತಿಯ ಎ.ಡಿ. ಯನ್ನಾಗಿ ನಿಯುಕ್ತಗೊಳಿಸಲಾಗಿತ್ತು. ಎ.ಡಿ. ಹುದ್ದೆಯನ್ನು ತೆರವುಗೊಳಿಸಿ ಭ್ರಷ್ಟಾಚಾರದ ಆರೋಪದಡಿ ಅಮಾನತ್ತುಗೊಳಿಸಬೇಕು ಎಂದು ಆಗ್ರಹಿಸಿದ್ದಾರೆ.
ರಾಜ್ಯಾಧ್ಯಕ್ಷ ಹಣಮಂತ ಯಳಸಂಗಿ, ಜಿಲ್ಲಾಧ್ಯಕ್ಷ ಮಂಜುನಾಥ ಎಸ್. ಭಂಡಾರಿ, ಶಿವಲಿಂಗಪ್ಪ ಎಸ್. ದೊಡ್ಡನಿ, ಶ್ರೀಕಾಂತ ರೆಡ್ಡಿ, ಚಂದ್ರಶಾ ಗಾಯಕವಾಡ, ದತ್ತಾ ಕಟ್ಟಿಮನಿ, ಮೋಹನ್ ಚಿನ್ನಾ, ರಾಜು ಎಸ್. ಲೆಂಗಟಿ, ಕಪೀಲ ಜೆ. ವಾಲಿ, ಅಸ್ರಫ ಅಲಿ, ಗುರು ಎಸ್. ಮಾಳಗೆ, ಮಲ್ಲೇಶ್ ಸಿ. ಯಾದವ್, ಚೆನ್ನು ನಾಲ್ನೋಡಿ ಇದ್ದರು.