ಕಲಬುರಗಿ: ರಾಜಕೀಯ ವೈಷಮ್ಯದ ಹಿನ್ನೆಲೆಯಲ್ಲಿ 13 ವರ್ಷಗಳ ಹಿಂದೆ ಕೊಲೆ ಮಾಡಿ ತಲೆ ಮರಿಸಿಕೊಂಡಿದ ಆರೋಪಿಯನ್ನು ಸೇಡಂ ತಾಲ್ಲೂಕಿನ ಮುಧೋಳ ಪೊಲೀಸ್‌ ಠಾಣೆಯ ಪಿಐ ದೌಲತ್‌ ಎನ್‌ ಕೆ ನೇತೃತ್ವದಲ್ಲಿ ಸಿಬ್ಬಂದಿಗಳ ತಂಡ ಕೊನೆಗೂ ಆರೋಪಿಯನ್ನು ಬಂಧಿಸುವಲಿ ಯಶಸ್ವಿಯಾಗಿದೆ.
ರಾಜೋಳ (ಕೆ)ಗ್ರಾಮದ ನಿವಾಸಿ ಶರಣಪ್ಪ ಮೊಗಲಪ್ಪ ಜಕ್ಕನಕೇರಿ (48), ಇತನು ಪ್ರಕರಣ ದಾಖಲಾದಾಗಿನಿಂದ ಇಲ್ಲಿಯವರೆಗೆ 13 ವರ್ಷಗಳಿಂದ ತಲೆಮರೆಸಿಕೊಂಡಿದ್ದನು. ಇತನ ಪತ್ತೆಗಾಗಿ ಕಲಬುರಗಿ ಜಿಲ್ಲೆಯ ಪೊಲೀಸ್‌ ಅಧೀಕ್ಷಕರಾದ ಐಪಿಎಸ್‌ ಅಕ್ಷಯ ಹಾಕೆ , ಹೆಚ್ಚುವರಿ ಪೊಲೀಸ್‌ ಅಧೀಕ್ಷಕರಾದ ಶ್ರೀನಿಧಿ, ಚಿಂಚೋಳಿ ಉಪ ವಿಭಾಗ ಸಂಗಮನಾಥ ಎಸ್‌, ಹಿರೇಮಠ ರವರ ಮಾರ್ಗದರ್ಶನದಲ್ಲಿ ಮುಧೋಳ ಠಾಣೆಯ ಪಿಐ ದೌಲತ್‌ ಎನ್‌ ಕೆ ನೇತೃತ್ವದ ಸಿಬ್ಬಂದಿಗಳ ತಂಡದ ಹೆಚ್‌ ಸಿ ರಾಜಾಸಾಬ, ಮಲ್ಲಿಕಾರ್ಜುನ್‌ ಹಾಗೂ ಹುಸೇನ್‌ ಪಾಶ ತಲೆಮರೆಸಿಕೊಂಡಿದ್ದ ಆರೋಪಿತನ ಪತ್ತೆ ಮಾಡಿ 27 ರಂದು ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.
ಪ್ರಕರಣದ ವಿವರ: 13.04.2011 ರಂದು ಇಲ್ಲಿನ ರಾಜೋಳ ಗ್ರಾಮದಲ್ಲಿ 27 ಜನ ಆರೋಪಿತರು ಲಕ್ಷ್ಮಪ್ಪ ಚಿನ್ನಯ್ಯ (52) ಮತ್ತು ನರಸಪ್ಪ ಚಿನ್ನಯ್ಯ (55) ಎಂಬುವವರನ್ನು ಕೊಲೆ ಮಾಡಿದರು. ತನಿಖೆ ನಡೆಸಿ ನ್ಯಾಯಾಲಯಕ್ಕೆ ದೋಷಾರೋಪ ಸಲ್ಲಿಸಿತು. ಪ್ರಕರಣದಲ್ಲಿ ಭಾಗಿಯಾದ 6 ಜನ ಆರೋಪಿಗಳಿಗೆ ಜೀವಾವಧಿ ಶಿಕ್ಷ , 3 ಜನರಿಗೆ ಒಂದು ವರ್ಷ ಶಿಕ್ಷೆ ಹಾಗೂ 15,000 ರೂ ದಂಡ ವಿಧಿಸಿದ್ದು, ಇಬ್ಬರು ಆರೋಪಿತರು ವಿಚಾರಣೆ ಹಂತದಲ್ಲಿಯೇ ಮೃತಪಟ್ಟಿತ್ತಾರೆ. ಇನ್ನೂಳಿದ ಆರೋಪಿಗಳ ನ್ಯಾಯಾಲಯದಲ್ಲಿ ವಿಚಾರಣೆ ನಡೆಯುತ್ತಿದೆ ಎಂದು ಇಲಾಖೆ ಪ್ರಕಟಣೆಯಲ್ಲಿ ತಿಳಿಸಿದೆ.