ಸುರಪುರ: ಕಳೆದ ಕೆಲ ದಿನಗಳ ಹಿಂದೆ ಮುಖ್ಯಮಂತ್ರಿಗಳ ಪದಕ ಪಡೆದ ಗೃಹರಕ್ಷಕ ದಳದ ಸೀನಿಯರ್ ಫ್ಲಾಟೂನ್ ಕಮಾಂಡರ್ ವೆಂಕಟೇಶ್ವರ ಸುರಪುರ ಅವರಿಗೆ ನಗರದ ಗೃಹರಕ್ಷಕ ದಳದ ಕಚೇರಿಯಲ್ಲಿ ಸನ್ಮಾನಿಸಿ ಅಭಿನಂದಿಸಲಾಗಿದೆ.
ಈ ಸಂದರ್ಭದಲ್ಲಿ ಕಂಪನಿ ಕಮಾಂಡರ್ ಯಲ್ಲಪ್ಪ ಹುಲಿಕಲ್ ಮಾತನಾಡಿ,ಕಳೆದ ಎರಡು ದಶಕಗಳಿಗಿಂತ ಹೆಚ್ಚು ಕಾಲದಿಂದ ಗೃಹರಕ್ಷಕ ದಳದಲ್ಲಿ ಸಿಸ್ತಿನ ಸಿಪಾಯಿಯಂತೆ ಸೇವೆ ಸಲ್ಲಿಸುತ್ತಿರುವ ವೆಂಕಟೇಶ್ವರ ಸುರಪುರ ಅವರಿಗೆ ಮುಖ್ಯಮಂತ್ರಿಗಳ ಪದಕ ಲಭಿಸಿರುವುದು ತುಂಬಾ ಸಂತೋಷದ ಸಂಗತಿಯಾಗಿದೆ,ಇದರಿಂದ ನಮ್ಮ ಸುರಪುರ ತಾಲೂಕಿನ ಗೃಹರಕ್ಷಕದ ದಳಕ್ಕೆ ಹೆಚ್ಚಿನ ಉತ್ಸಾಹ ಮೂಡಿಸಿದೆ ಎಂದರು.ಇನ್ನೂ ಹೆಚ್ಚೆಚ್ಚು ಇಂತಹ ಪದಕಗಳು,ಬಿರುದು,ಸನ್ಮಾನಗಳು ವೆಂಕಟೇಶ್ವರ ಅವರು ಸೇರಿದಂತೆ ಎಲ್ಲಾ ನಮ್ಮ ಶ್ರಮಜೀವಿ ಗೃಹರಕ್ಷಕರಿಗೆ ಲಭಿಸಲಿ ಎಂದು ಹಾರೈಸುವುದಾಗಿ ತಿಳಿಸಿದರು.
ಇದೇ ಸಂದರ್ಭದಲ್ಲಿ ಸಿಎಮ್ ಪದಕ ಪುರಸ್ಕøತರಾದ ವೆಂಕಟೇಶ್ವರ ಸುರಪುರ ಮಾತನಾಡಿ,ಇಂದು ಮುಖ್ಯಮಂತ್ರಿಗಳ ಪದಕ ಲಭಿಸಿರುವುದು ಕೇವಲ ನನಗೆ ಮಾತ್ರವಲ್ಲ ಇದು ನಮ್ಮೆಲ್ಲರ ಶ್ರಮಕ್ಕೆ ಲಭಿಸಿದೆ,ಮುಂಬರುವ ದಿನಗಳಲ್ಲಿ ಮತ್ತಷ್ಟು ಹೆಚ್ಚಿನ ಸೇವೆಗೆ ಇದು ಪ್ರೋತ್ಸಾಹವಾಗಿದೆ,ಇದೇ ರೀತಿ ನಮ್ಮ ಎಲ್ಲಾ ಗೃಹರಕ್ಷಕ ದಳದವರಿಗೆ ಇಂತಹ ಬಿರುದುಗಳು ಲಭಿಸಲಿ ಎಂದು ತಾವೆಲ್ಲರು ನೀಡಿರುವ ಸಹಕಾರಕ್ಕೆ ಧನ್ಯವಾದ ಸಲ್ಲಿಸುವುದಾಗಿ ತಿಳಿಸಿದರು.
ಇದೇ ಸಂದರ್ಭದಲ್ಲಿ ಗೃಹರಕ್ಷಕ ದಳದ ತಾಲೂಕು ಘಟಕ ದಿಂದ ಸನ್ಮಾನಿಸಿ ಅಭಿನಂದನೆ ಸಲ್ಲಿಸಿದರು. ಈ ಸಂದರ್ಭದಲ್ಲಿ ಫ್ಲಾಟೂನ್ ಕಮಾಂಡರ್ ರಮೇಶ ಅಂಬುರೆ,ಹೆಚ್.ರಾಠೋಡ,ನಿಂಗನಗೌಡ ಗೋನಾಲ,ರೇಣುಕಾ ರಾಜು ಪಾಟೀಲ್,ಸವಿತಾ ದೇವತ್ಕಲ್,ಭೀಮರಾಯ ಹುಲಕಲ್,ಸುರೇಶ ಗೋನಾಲ,ಶರಣು ಯಾದಗಿರಿ,ಮಲ್ಲಿಕಾರ್ಜುಜ ಜಿಟಿ,ಕಿರಣ,ಬುಡ್ಡಪ್ಪ ಚವಲ್ಕರ್,ರಾಮು ಚವಲ್ಕರ್ ಸೇರಿದಂತೆ ಅನೇಕ ಜನ ಮಹಿಳಾ ಗೃಹರಕ್ಷಕ ದಳದ ಸಿಬ್ಬಂದಿಗಳು ಭಾಗವಹಿಸಿದ್ದರು.