ಸುರಪುರ: ತಾಲೂಕಿನ ಆಲ್ದಾಳ ಗ್ರಾಮದಲ್ಲಿ ನಕಲಿ ವೈದ್ಯನ ಕ್ಲಿನಿಕ್ ಮೇಲೆ ತಾಲೂಕ ಆರೋಗ್ಯಾಧಿಕಾರಿ ಡಾ.ಆರ್.ವಿ.ನಾಯಕ ಮತ್ತು ಅವರ ತಂಡ ದಾಳಿ ನಡೆಸಿ ಕ್ಲಿನಿಕ್ ಸೀಜ್ ಮಾಡಿದ್ದಾರೆ.
ಆರೋಗ್ಯಾಧಿಕಾರಿಗಳು ಬರುವ ಕುರಿತು ಮಾಹಿತಿ ಪಡೆದುಕೊಂಡಿದ್ದ ನಕಲಿ ವೈದ್ಯ ಕ್ಲಿನಿಕ್ ಬಿಟ್ಟು ಓಡಿ ಹೋಗಿದ್ದಾನೆ,ಕ್ಲಿನಿಕ್‍ನಲ್ಲಿ 2 ಸ್ಟೇತೋಸ್ಕೋಪ್,1 ನೆಬ್ಯೂಲೈಸರ್ ಹಾಗೂ ಇತರೆ ಔಷಧಿಗಳು ಕಂಡುಬಂದಿವೆ,ಈ ಎಲ್ಲಾ ವಸ್ತುಗಳನ್ನು ವಶಕ್ಕೆ ಪಡೆದು ಕ್ಲಿನಿಕ್ ಸೀಜ್ ಮಾಡಿ ಮೋಹರ್ ಹಾಕಿ ಬಾಗಿಲಿಗೆ ನೋಟಿಸ್ ಅಂಟಿಸಲಾಗಿದೆ ಎಂದು ಟಿಹೆಚ್‍ಓ ಡಾ.ಆರ್.ವಿ.ನಾಯಕ ತಿಳಿಸಿದ್ದಾರೆ.
Contact Your\'s Advertisement; 9902492681
ದಾಳಿ ಸಂದರ್ಭದಲ್ಲಿ ಹಿರಿಯ ನಿರೀಕ್ಷಣಾಧಿಕಾರಿ ರಾಜಶೇಖರ,ಬಿಹೆಚ್‍ಇಓ ಮಲ್ಲಪ್ಪ ಗೋಗಿ,ತಾಲೂಕ ಚಿಕಿತ್ಸಾ ಮೇಲ್ವಿಚಾರಕ ಹಣಮಂತ ಅನವಾರ,ಡಿ ಗ್ರುಪ್ ಸಿಬ್ಬಂದಿ ಶಾಂತಪ್ಪ ಇದ್ದರು.ನಕಲಿ ವೈದ್ಯ ಶಾಹೀದ್ ಪಟೇಲ್ ಎಂದು ಹೇಳಲಾಗಿದೆ.