ಬಸವಕಲ್ಯಾಣ್: ಪಟ್ಟಣದ ಬಸವ ಮಹಾಮನೆಯ ಆವರಣದಲ್ಲಿ ಕಳೆದ ಮೂರು ದಿನಗಳಿಂದ ನಡೆಯುತ್ತಿರುವ ೧೮ನೇ ಕಲ್ಯಾಣ ಪರ್ವದ ಕೊನೆಯ ದಿನವಾದ ಭಾನುವಾರ ಸಮಾರೋಪ ಸಮಾರಂಭದ ಹಿನ್ನಲೆಯಲ್ಲಿ ನಗರದಲ್ಲಿ ಪ್ರತಿಭಟನೆ, ಗಲಾಟೆಗಳು ಸಂಭವಿಸಿ ಕೈ-ಕೈ ಮಿಲಾಯಿಸುವ ಹಂತಕ್ಕೆ ತಲುಪಿ ಪೊಲೀಸರ ಮಧ್ಯೆ ಪ್ರವೇಶದಿಂದಾಗಿ ಪರಿಸ್ಥಿತಿ ತಿಳಿಗೊಂಡಿತು.
ಐತಿಹಾಸಿಕ ಕೋಟೆಯಿಂದ ಮುಖ್ಯ ರಸ್ತೆಯ ಮಾರ್ಗವಾಗಿ ಬಸವ ಮಹಾಮನೆಯ ಆವರಣದ ವರೆಗೂ ಬಸವ ಭಕ್ತರ ಮೆರವಣಿಗೆ ಸಾಗಿತು. ಈ ಹಿನ್ನಲೆಯಲ್ಲಿ ಶ್ರೀ ಬಸವೇಶ್ವರ್ ದೇವಸ್ಥಾನ ಪಂಚ ಕಮೀಟಿಯಿಂದ ನಗರದ ಶ್ರೀ ಬಸವೇಶ್ವರ್ ವೃತ್ತದಲ್ಲಿ ವಚನಾಂಕಿತ ತಿದ್ದಿದ್ದಾರೆ. ಇವರಿಗೆ ಕಲ್ಯಾಣ ಪರ್ವ ಮಾಡಲು ಯಾವುದೇ ನೈತಿಕತೆ ಇಲ್ಲ ಎಂದು ಆರೋಪಿಸಿ ಪ್ರತಿಭಟನೆ ನಡೆಸಲಾಯಿತು.
ಮೆರವಣಿಗೆಯು ಶ್ರೀ ಬಸವೇಶ್ವರ್ ವೃತ್ತಕ್ಕೆ ಆಗಮಿಸುತ್ತಿದ್ದಂತೆ ಎರಡೂ ಕಡೆಯಿಂದಲೂ ಕೂಗಾಟ, ಕ್ಕಾರಗಳು ಜೋರಾದವು. ಬಿಡಿಪಿಸಿಯಿಂದ ಘೋಷಣೆಗಳು ಕೂಗಿ ವಚನಾಂಕಿತ ತಿದ್ದಿದ್ದವರಿಗೆ ಬಸವಣ್ಣನ ಕರ್ಮ ಭೂಮಿಯಲ್ಲಿ ಕಲ್ಯಾಣ ಪರ್ವ ಮಾಡಲು ನೈತಿಕತೆ ಇಲ್ಲ, ಇದಕ್ಕೆ ನಮ್ಮ ವಿರೋಧ ಇದೆ ಎಂದು ಪರ್ವದ ವಿರುದ್ದ ಘೋಷಣೆ ಕೂಗಿ ಪ್ರತಿಭಟನೆ ಆರಂಭಿಸಿದರು. ಆದರೆ ಶಾಂತ ರೀತಿಯಿಂದ ನಡೆಯುತ್ತಿದ್ದ ಪ್ರತಿಭಟನೆಯೂ ಒಮ್ಮೆಲೆ ಎರಡೂ ಕಡೆಯಿಂದ ಕಾವು ಹೆಚ್ಚಾಯಿತು. ಹೀಗಾಗಿ ಪೊಲೀಸರು ಮೆರವಣಿಗೆಗೆ ಮುಂದೆ ಸಾಗಿಸುವ ಕೆಲಸ ಮಾಡಿದರೆ ಇತ್ತ ಶ್ರೀ ಬಸವೇಶ್ವರ್ ವೃತ್ತದಲ್ಲಿ ನಡೆಯುತ್ತಿದ್ದ ಪ್ರತಿಭಟನೆಯಲ್ಲಿ ಘೋಷಣೆಗಳು ಕೂಗಲಾಗುತ್ತಿತ್ತು.
ಪ್ರತಿಭಟನಾದಲ್ಲಿ ಪಾಲ್ಗೊಂಡ ಬಿಡಿಪಿಸಿ ಅಧ್ಯಕ್ಷ ಅನಿಲ್ ರಗಟೆ ಅವರ ಹಣೆಗೆ ಕಲ್ಲೊಂದು ಬಡೆಯಿತು. ಹೀಗಾಗಿ ಪ್ರತಿಭಟನಾಕಾರರು ಕುಪಿತಗೊಂಡು ಚಪ್ಪಲಿ ಕೈಯಲ್ಲಿ ಹಿಡಿದು ಪ್ರದರ್ಶಿಸಿದರು. ಇದರಿಂದ ಮತ್ತಷ್ಟು ಕೆರಳಿದ ಮೆರವಣಿಗೆಯಲ್ಲಿ ಭಾಗವಹಿಸಿದವರು ಪ್ರತಿಭಟನೆ ನಡೆಯುತ್ತಿದ್ದ ಸ್ಥಳಕ್ಕೆ ಆಗಮಿಸಲು ಮುಂದಾದರು. ಆದಾಗ್ಯೂ, ಸ್ಥಳದಲ್ಲಿದ್ದ ಪೊಲೀಸರು ತಡೆದು ಮುಂದಾಗುವ ಅನಾಹುತಗಳು ತಡೆದು ತಿಳಿಗೊಳಿಸಿ ಮೆರವಣಿಗೆ ಸುಗಮವಾಗಿ ಮುಂದೆ ಸಾಗಿಸುವ ಕೆಲಸ ಮಾಡಿದರು. ಮೆರವಣಿಗೆ ಶಾಂತ ರೀತಿಯಿಂದ ಮುಂದೆ ಸಾಗಿದರೆ, ಇತ್ತ ಪ್ರತಿಭಟನೆ ನಡೆಸುತ್ತಿದ್ದವರು ವಾಪಸ್ಸಾದರು. ಹೀಗಾಗಿ ಭಾನುವಾರ ಪೊಲೀಸರು ಕಾರ್ಯತೆಯಿಂದಾಗಿ ಘಟನೆಗಳು ನಡೆದಿಲ್ಲ ಬಿಗಿ ಪೊಲೀಸ್ ಬಂದೋಬಸ್ತ್ ಏರ್ಪಡಿಸಲಾಗಿತ್ತು.
ಪ್ರತಿಭಟನೆಯಲ್ಲಿ ಬಿಡಿಪಿಸಿ ಅಧ್ಯಕ್ಷ ಅನಿಲ್ ರಗಟೆ, ವಿಶ್ವಸ್ಥ ಸಮಿತಿಯ ಅಧ್ಯಕ್ಷ ಮಲ್ಲಯ್ಯ ಸ್ವಾಮಿ, ಪದಾಕಾರಿಗಳಾದ ರೇವಣಪ್ಪ ರಾಯವಾಡೆ, ಬಸವರಾಜ್ ಬಾಲಕಿಲೆ, ಸುಭಾಷ್ ಹೊಳಕುಂದೆ, ಅಶೋಕ್ ನಾಗರಾಳೆ, ಸುರೇಶ್ ಸ್ವಾಮಿ, ರಾಜಕುಮಾರ್ ಚಿರಡೆ, ಜಗನ್ನಾಥ್ ಖೂಬಾ, ಗದಗೆಪ್ಪಾ ಹಲಶೆಟ್ಟೆ, ರಾಜಕುಮಾರ್ ಹೊಳಕುಂದೆ, ಭದ್ರಿನಾಥ್ ಪಾಟೀಲ್, ಮಲ್ಲಿಕಾರ್ಜುನ್ ಕುರುಕೋಟೆ, ಮಲ್ಲಿಕಾರ್ಜುನ್ ಚಿರಡೆ, ಶಿವರಾಜ್ ಶಾಶೆಟ್ಟೆ, ಡಾ. ಪ್ರತ್ವಿರಾಜ್ ಬಿರಾದಾರ್, ರವಿ ಕೊಳಕೂರ್, ಶಿವಕುಮಾರ್ ಬಿರಾದಾರ್, ಡಾ. ಎಸ್.ಬಿ/ ದುರ್ಗೆ, ಶಶಿಕಾಂತ್ ದುರ್ಗೆ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.
ಪ್ರತಿಭಟನೆಯ ಹಿನ್ನಲೆಯಲ್ಲಿ ನಗರದ ಶ್ರೀ ಬಸವೇಶ್ವರ್ ವೃತ್ತದಲ್ಲಿ ಬಿಗಿ ಪೊಲೀಸ್ ಬಂದೋಬಸ್ತ್ ಏರ್ಪಡಿಸಲಾಗಿತ್ತು. ಹುಮ್ನಾಬಾದ್ ಡಿವೈಎಸ್‌ಪಿ ಮಹೇಶ್ವರಪ್ಪ, ಸಿಪಿಐಗಳಾದ ಮಲ್ಲಿಕಾರ್ಜುನ್ ಯಾತನೂರ್, ಎಂ.ಎಂ. ಡಪ್ಪಿನ್, ಪಿಎಸ್‌ಐ ಸುನೀಲಕುಮಾರ್ ಸೇರಿದಂತೆ ಎರಡು ಡಿಆರ್ ತುಕಡಿಗಳು ಸ್ಥಳದಲ್ಲಿ ನಿಯೋಜಿಸಲಾಗಿತ್ತು.