ಕಲಬುರಗಿ: ಬೆಂಗಳೂರಿನ ಕ್ರೈಸ್ಟ್ ವಿಶ್ವವಿದ್ಯಾಲಯದಲ್ಲಿ ನ. 1 ರಿಂದ 5, 2024 ರವರೆಗೆ ನಡೆಯಲಿರುವ ದಕ್ಷಿಣ ವಲಯ ಅಂತರ ವಿಶ್ವವಿದ್ಯಾಲಯ ಪಂದ್ಯದಲ್ಲಿ ಗುಲಬರ್ಗಾ ವಿಶ್ವವಿದ್ಯಾಲಯದ ದೈಹಿಕ ಶಿಕ್ಷಣ ವಿಭಾಗದ ಬಾಸ್ಕೆಟ್ ಬಾಲ್ (ಪುರುಷ) ತಂಡವು ಭಾಗವಹಿಸಲಿದೆ.
ತಂಡದ ನಾಯಕ ಜೇಮ್ಸ್ ಹಾಗೂ ಸದಸ್ಯರಾಗಿ ರೋಶನ್, ಶ್ರೀಕಾಂತ, ಮಲ್ಲಿಕಾರ್ಜುನ, ಶಿವಪುತ್ರ, ಸಿದ್ದಾರಾಮ, ರಾಕೇಶ್, ಸಚ್ಚಿನ್ ಹಸನ್, ಹುಸೇನಭಾಶಾ, ಸಿದ್ದರಾಮ ಮತ್ತು ಸುರಜಕುಮಾರ ಇವರು ಭಾಗವಹಿಸುವರು. ತಂಡದ ವ್ಯವಸ್ಥಾಪಕರಾಗಿ ಚಿತ್ತಾಪೂರ ಮಾದನಹಿಪ್ಪರಗಾ ಎಸ್.ಎಸ್. ಸರಕಾರಿ ಪ್ರಥಮ ದರ್ಜೆ ಕಾಲೇಜಿನ ದೈಹಿಕ ಶಿಕ್ಷಣ ವಿಭಾಗದ ಬೋಧಕ ಶಿವಶಂಕರ ಸುರೆ ತೆರಳುವರು.
ಗುಲಬರ್ಗಾ ವಿಶ್ವವಿದ್ಯಾಲಯದ ಕುಲಪತಿ ಪ್ರೊ. ದಯಾನಂದ ಅಗಸರ, ಕುಲಸಚಿವ ಪ್ರೊ. ರಾಜನಾಳ್ಕರ್ ಲಕ್ಷ್ಮಣ, ಮೌಲ್ಯಮಾಪನ ಕುಲಸಚಿವೆ ಪ್ರೊ. ಮೇಧಾವಿನಿ ಕಟ್ಟಿ, ದೈಹಿಕ ಶಿಕ್ಷಣ ವಿಭಾಗದ ನಿರ್ದೇಶಕ ಡಾ. ಎನ್. ಜಿ. ಕಣ್ಣೂರು, ಸಂಯೋಜಕ ಹಾಗೂ ಪ್ರಾಂಶುಪಾಲ ಡಾ. ಎಸ್.ಹೆಚ್. ಜಂಗೆ, ಯೋಗ ತಾಂತ್ರಿಕ ಸಹಾಯಕ ಡಾ. ಚಂದ್ರಕಾಂತ ಬಿರಾದಾರ, ಜಿಮ್ನಾಸ್ಟಿಕ್ ತಾಂತ್ರಿಕ ಸಹಾಯಕ ಪ್ರಶಾಂತಕುಮಾರ್ ಡಿ ಹಾಗೂ ಕ್ರೀಡಾ ಸಹಾಯಕ ಅರುಣ್ ಕುಮಾರ್ ಹೆಚ್. ಇವರು ತಂಡಕ್ಕೆ ಶುಭ ಆರೈಸಿದ್ದಾರೆ.