ಕಲಬುರಗಿ: ನಗರದ ಜೆಸ್ಟ್ ಕ್ಲಬ್ ನಲ್ಲಿ ಡಿಸೆಂಬರ್ 31ರಂದು ಸಂಜೆ 6.30ಕ್ಕೆ ಹೊಸ ವರ್ಷದ ಈವೆಂಟ್ ಫ್ಯಾಷನ್ ಶೋ ಮತ್ತು ನೃತ್ಯ ಪ್ರತಿಭಾ ಪ್ರದರ್ಶನ ಆಯೋಜನೆ ಮಾಡಲಾಗಿದೆ ಎಂದು ಆಯೋಜಕರಾದ ಪವಿತ್ರ ಶೆಟ್ಟಿ ತಿಳಿಸಿದರು.
ನಗರದಲ್ಲಿ ಸುದ್ದಿಗೋಷ್ಟಿ ನಡೆಸಿ ಮಾತನಾಡಿದ ಅವರು, ನವೆಂಬರ್ 17ರಂದು ಜೆಸ್ಟ್ ಕ್ಲಬ್ ಓ ಸಾಕಿ ಡಿಸ್ಕೊದಲ್ಲಿ ಸಂಜೆ 5 ಗಂಟೆಯಿಂದ ಆಡಿಶನ್ ನಡೆಯಲಿದ್ದು, ಮುಂಬೈ ಆಂಕರ್ ನಿತಿಶ್ ಕಾಲಿಯಾ ಮತ್ತು ಪುಣೆಯ ಡಿಜೆ ಅಭಿಷೇಕ ಆಗಮಿಸಲಿದ್ದು, ಆಡಿಷನ್ ನಲ್ಲಿ ಆಯ್ಕೆಯಾದವರು ಡಿಸೆಂಬರ್ 31ರಂದು ಫೈನಲ್ ಪ್ರವೇಶಿಸುತ್ತಾರೆ. ಅಲ್ಲದೆ ಆಯ್ಕೆಯಾದ ಅಭ್ಯರ್ಥಿಗಳಿಗೆ ಫ್ಯಾಶನ್ ಶೋ ಮಾಡೆಲ್ ವೃತ್ತಿಪರ ಸ್ಪೆಷೆಲಿಸ್ಟ್ ಗಳಿಂದ ವಿಶೇಷ ತರಬೇತಿ ನೀಡಲಾಗುವುದು ಎಂದು ತಿಳಿಸಿದರು.
ಡ್ಯಾನ್ಸ್ ಟ್ಯಾಲೆಂಟ್ ಶೋನಲ್ಲಿ ಭಾಗವಹಿಸುವವರು ಗುಂಪು ಪ್ರದರ್ಶನಕ್ಕಾಗಿ ನೃತ್ಯ ಸಂಯೋಜಕರಿಂದ ಉಚಿತ ತರಬೇತಿ ನೀಡಲಾಗುವುದು. ಅಲ್ಲದೆ ವಿಜೇತ ಅಭ್ಯಥಿಗಳಿಗೆ ನಗದು ಬಹುಮಾನ ಮತ್ತು ಭವಿಷ್ಯ ಅವಕಾಶಗಳಿಗೆ ಅರ್ಹರಾಗಿರುತ್ತಾರೆ. ಎಂದು ಪವಿತ್ರ ತಿಳಿಸಿದರು.
ಈ ಸಂದರ್ಭದಲ್ಲಿ ಮುಖಂಡರಾದ ಪಲ್ಲವಿ, ಸಾಯಿಪ್ರಸಾದ ಸೇರಿದಂತೆ ಇತರರು ಉಪಸ್ಥಿತರಿದ್ದರು.