ಕಲಬುರಗಿ: ನಗರದ ಖಾಜಾ ಶಿಕ್ಷಣ ಸಂಸ್ಥೆಯ, ಬಿಬಿ ರಝಾ ಡಿಗ್ರಿ ಮಹಿಳಾ ಕಾಲೇಜು ಮತ್ತು ಮೌನಯೋಗಿ ಫೌಂಡೆಶನ್‌ನ ಸಹಯೋಗದಲ್ಲಿ ನಮ್ಮೊಳಗಿನ ಹೀರೋ-ಯುವ ಮಹಿಳಾ ನಾಯಕತ್ವ ತರಬೇತಿ ಒಂದು ದಿನದ ಕಾಯಾಗಾರವನ್ನು ಮಾರ್ಚ್ ೨ ರಂದು ಬೆಳಿಗ್ಗೆ 10ಕ್ಕೆ ಆಯೋಜನೆ ಮಾಡಲಾಗಿದೆ.
ಕಾರ್ಯಾಗಾರವು ವಿದ್ಯಾರ್ಥಿನಿಯರನ್ನು ಮುಂದಿನ ಪೀಳಿಗೆಯ ಉತ್ತಮ ಸಮರ್ಥ ನಾಯಕಿಯರನ್ನಾಗಿ ತಯಾರಿಸಲು , ಜೊತೆಗೆ ದೇಶಕ್ಕೆ ಕೊಡುಗೆ ನೀಡಬಲ್ಲ ವ್ಯಕ್ತಿತ್ವ ರೂಪಿಸಿಕೊಂಡು,ಆಧುನಿಕ ಕಾಲಕ್ಕೆ ತಕ್ಕಂತೆ ನಾಯಕತ್ವ ಗುಣ, ತಮ್ಮಲ್ಲಿರುವ ಅದಮ್ಯ ಶಕ್ತಿಯನ್ನು ಜಾಗೃತಗೊಳಿಸಿಕೊಳ್ಳುವದು ಹೇಗೆ ಎನ್ನುವುದನ್ನು ಕ್ರಿಯಾತ್ಮಕ ಚಟುವಟಿಕೆ, ಸಂವಾದ ಮತ್ತು ಆನಂದದ ಕಲಿಕೆ ಈ ಶಿಬಿರದಲ್ಲಿರಲಿದೆ.
ಕಾರ್ಯಕ್ರಮಕ್ಕೆ ಉದ್ಘಾಟಕರಾಗಿ ಮತ್ತು ಮುಖ್ಯ ಅತಿಥಿಗಳಾಗಿ ಯುವನಾಯಕ,ಎಸ್ ಬಿ ಪಾಟೀಲ್ ಗೃಪ್ ಆಫ್ ಇನ್ಸ್‌ಟಿಟ್ಯುಷನ್ಸ್‌ನ ನಿರ್ದೇಶಕರಾದ ಚಂದು ಪಾಟೀಲ್ ಆಗಮಿಸುವರು.ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕಾಲೇಜಿನ ಪ್ರಾಂಶುಪಾಲರಾದ ಡಾ.ಝೀಬಾ ಪರವೀನ್ ಅವರು ವಹಿಸುವರು.
ಸಂಪನ್ಮೂಲ ವ್ಯಕ್ತಿ ಬೆಂಗಳೂರಿನ ಟ್ರಾನ್ಸ್‌ಫಾರ್ಮೊ ಇನ್‌ಕಾರ್ಪ್ ತರಬೇತಿ ಸಂಸ್ಥೆಯ ಮನೋತಜ್ಞ, ಹ್ಯಾಪಿನೆಸ್ ಎಂಜಿನಿಯರ್ ತರಬೇತುದಾರ ಭುಜಬಲಿ ಬೋಗಾರ ಅವರು ತರಬೇತಿ ಕಾರ್ಯಾಗಾರವನ್ನು ನಡೆಸಿಕೊಡುವರು.