ಬಜೆಟ್ ಬಗ್ಗೆ ಸುರಪುರ ಜನಾಭಿಪ್ರಾಯ

ಸುರಪುರ: ಮುಖ್ಯಮಂತ್ರಿ ಯಡಿಯೂರಪ್ಪನವರು ರೈತರ ಬಗ್ಗೆ ಭಾಷಣ ಮಾಡುವುದು ಕಂಡು ಒಳ್ಳೆ ಬಜೆಟ್ ಕೊಡುತ್ತಾರೆ ಎಂದು ನಂಬಿದ್ದೆವು. ಹಸಿರು ಶಾಲು ಹಾಕಿಕೊಂಡು ಬಜೆಟ್ ಮಂಡನೆಗೆ ಬಂದದ್ದಷ್ಟೆ ಆಯ್ತು,ಆದರೆ ಸ್ವಾಮಿನಾಥನ್ ವರದಿಯಂತೆ ಬೆಳೆಗಳಿಗೆ ವೈಜ್ಞಾನಿಕ ಬೆಲೆ ಬಗ್ಗೆ ಯಾವುದೆ ಯೋಜನೆ ಇಲ್ಲ.ಆಲಮಟ್ಟಿ ಜಲಾಶಯದ ಎತ್ತರ ಹೆಚ್ಚಿಸುವ ಬಗ್ಗೆ ಚಕಾರವಿಲ್ಲ.ಕೇವಲ ಗೊಳ್ಳು ಯೋಜನೆಗಳನ್ನು ಘೋಷಿಸುವ ಮೂಲಕ ರೈತರಿಗೆ ಅನುಕೂಲವಿಲ್ಲದ ಹುಸಿ ಬಜೆಟ್ ಮಂಡಿಸಿದ್ದಾರೆ. – ಮಲ್ಲಿಕಾರ್ಜುನ ಸತ್ಯಂಪೇಟೆ ಕರಾರೈಸಂ ರಾಜ್ಯ ಕಾರ್ಯದರ್ಶಿ

ಮುಖ್ಯಮಂತ್ರಿಯವರು ಹಿಂದೆ ಅಮರಶಿಲ್ಪಿ ಜಕಣಾಚಾರಿ ಸ್ಮರಣೋತ್ಸವದಲ್ಲಿ ಭಾಗವಹಿಸಿದಾಗ ವಿಶ್ವಕರ್ಮ ಸಮಾಜಕ್ಕೆ ೨೦೦ ಕೋಟಿ ಅನುದಾನ ನೀಡುವುದಾಗಿ ಮಾತನಾಡಿದ್ದರು.ಆದರೆ ಇಂದು ಕೇವಲ ೨೫ ಕೋಟಿ ನೀಡುವ ಮೂಲಕ ನಿರಾಸೆ ಮೂಡಿಸಿದ್ದಾರೆ.ಈದು ದೇವಸ್ಥಾನಗಳ ಸೇರಿಸಿ ಅಭಿವೃಧ್ಧಿ ಪ್ರಾಧಿಕಾರ ಮಾಡುವುದಾಗಿ ಹೇಳಿದ್ದರು ಅದನ್ನು ಮಾಡಿಲ್ಲ.ಕೆ.ಪಿ. ನಂಜುಂಡಿಯವರಿಗೆ ಉನ್ನತ ಸ್ಥಾನ ನೀಡುವುದಾಗಿ ಹೇಳಿದ್ದರು,ಅದೂ ಇಲ್ಲ.ಮುಖ್ಯಮಂತ್ರಿಗಳು ವಿಶ್ವಕರ್ಮ ಸಮಾಜಕ್ಕೆ ಹೇಳಿಕೊಳ್ಳುವ ಯಾವ ಗೌರವವನ್ನು ಬಜೆಟ್‌ಲ್ಲಿ.ಆದರೆ ಅಮರಶಿಲ್ಪಿ ಜಕಣಾಚಾರಿ ಸುಸ್ಮರಣಾ ದಿನಾಚರಣೆ ಘೋಷಣೆ ಮಾಡಿದ್ದು ಮಾತ್ರ ಸಂತೋಷ ತಂದಿದೆ.ಮುಂಬರುವ ದಿನಗಳಲ್ಲಿ ವಿಶ್ವಕರ್ಮ ಸಮಾಜಕ್ಕೆ ಹೆಚ್ಚಿನ ಆದ್ಯತೆ ನೀಡಬೇಕೆಂದು ಮನವಿ ಮಾಡುತ್ತೇವೆ.  – ಆನಂದ ಬಡಿಗೇರ ಲಕ್ಷ್ಮೀಪುರ ವಿಶ್ವಕರ್ಮ ಸಮಾಜದ ಮುಖಂಡರು.

Contact Your\'s Advertisement; 9902492681

ಮುಖ್ಯಮಂತ್ರಿ ಯಡಿಯೂರಪ್ಪನವರು ಈ ಹಿಂದೆ ಘೋಷಣೆ ಮಾಡಿದಂತೆ,ಈ ಬಾರಿಯ ಬಜೆಟ್‌ಲ್ಲಿ ಬಸವ ಕಲ್ಯಾಣದಲ್ಲಿ ಅನುಭವ ಮಂಟಪ ನಿರ್ಮಾಣಕ್ಕೆ ೫೦೦ ಕೋಟಿ ಅನುದಾನ ಘೋಷಣೆ ಮಾಡಿದ್ದು,ಅದರಲ್ಲಿ ಮೊದಲ ಕಂತು ೧೦೦ ಕೋಟಿ ನೀಡಿರುವುದು ಸಂತೋಷದಾಯಕವಾಗಿದೆ.ಮುಖ್ಯಮಂತ್ರಿಗಳಿಗೆ ಅಭಿನಂಧನೆ ಸಲ್ಲಿಸುವೆವು- ಮಂಜುನಾಥ ಜಾಲಹಳ್ಳಿ ವೀಲಿಂಯು ವೇದಿಕೆ ರಾಜ್ಯ ಉಪಾಧ್ಯಕ್ಷ, ಚಂದ್ರಶೇಖರ ಡೊಣೂರ ತಾಲೂಕು ಅಧ್ಯಕ್ಷ

ಈ ಬಾರಿಯ ಬಜೆಟ್‌ಲ್ಲಿ ನೇಕಾರ ಸಮುದಾಯಕ್ಕೆ ಅನೇಕ ಯೋಜನೆಗಳನ್ನು ಘೋಷಣೆ ಮಾಡುವ ಮೂಲಕ ನೇಕಾರರ ಬೆನ್ನಿಗೆ ನಿಂತಿದ್ದಾರೆ.ಆದ್ದರಿಂದ ರಾಜ್ಯದ ನೇಕಾರರ ಪರವಾಗಿ ಮುಖ್ಯಮಂತ್ರಿಗಳಿಗೆ ಧನ್ಯವಾದ ಸಲ್ಲಿಸುತ್ತೆವೆ ಹಾಗು ತಿಂಥಣಿ ಬ್ರಿಡ್ಜ್ ಬಳಿ ಮೂರು ಜಿಲ್ಲೆಗಳಿಗೆ ಕುಡಿಯುವ ನೀರು ಪೂರೈಕೆ ಯೋಜನೆ ಆಯವ್ಯಯದಲ್ಲಿ ಪ್ರಸ್ಥಾವನೆಗಾಗಿ ಶಾಸಕ ರಾಜುಗೌಡರಿಗು ಧನ್ಯವಾದ ಸಲ್ಲಿಸುವೆ  – ಸಿ.ಎನ್.ಭಂಡಾರಿ ರುಕ್ಮಾಪುರ ನಿವೃತ್ತ ಎಸ್ಪಿ