ವಾಡಿ: ಲಾಕ್‌ಡೌನ್ ಫಜೀತಿಗೆ ಸಿಕ್ಕು ಉದ್ಯೋಗವಿಲ್ಲದೆ ಹಸಿವಿನಿಂದ ತತ್ತರಿಸುತ್ತಿರುವ ನೂರಾರು ಬಡ ಕುಟುಂಬಗಳಿಗೆ ವಿವಿಧ ಸಂಘಗಳ ಪದಾಧಿಕಾರಿಗಳು ಉಚಿತವಾಗಿ ಕಿರಾಣಿ ಸಾಮಾಗ್ರಿ ತಲುಪಿಸುವ ಕಾರ್ಯದಲ್ಲಿ ತೊಡಗಿದ್ದಾರೆ.
ಪಟ್ಟಣದ ಯುವ ಮುಖಂಡ ಶಮಶೀರ್ ಅಹ್ಮದ್ ನೇತೃತ್ವದ ಭಾಯ್ ಭಾಯ್ ಗ್ರೂಪ್-ಟೀಂ ಪ್ರಿಯಾಂಕ್ ಖರ್ಗೆ, ಪುರಸಭೆ ಸದಸ್ಯ ಕಾಂಗ್ರೆಸ್‌ನ ಶರಣು ನಾಟೀಕಾರ ನಾಯಕತ್ವದ ಪ್ರಜ್ಞಾ ಯುವಕ ಸಂಘ, ಜಾಂಬವೀರ ಕಾಲೋನಿಯ ಯುವಕರು ಹಾಗೂ ಹಳಕರ್ಟಿ ಗ್ರಾಪಂ ಸದಸ್ಯ ಇಮ್ತೀಯಾಜ್ ಪಟೇಲ್ ಸೇರಿದಂತೆ ವಿವಿಧ ಸಂಘ ಸಂಸ್ಥೆಗಳ ಕಾರ್ಯಕರ್ತರು, ವಿವಿಧ ಬಡಾವಣೆಗಳಲ್ಲಿರುವ ದಿನಗೂಲಿ ಕಾರ್ಮಿಕರನ್ನು ಗುರುತಿಸುವ ಮೂಲಕ ಅಕ್ಕಿ, ಬೇಳೆ, ಬೆಲ್ಲ, ಎಣ್ಣೆ, ಹಿಟ್ಟು, ಸಾಬೂನು ಒಳಗೊಂಡ ಕಿಟ್ ವಿತರಿಸುವ ಮೂಲಕ ಮಾನವೀಯತೆ ಮರೆಯುತ್ತಿದ್ದಾರೆ. ಆಹಾರ ದಾಸ್ತಾನಿನ ಜತೆಗೆ ಮಾಸ್ಕ್‌ಗಳನ್ನು ಉಚಿತವಾಗಿ ಕೊಟ್ಟು ಕೊರೊನಾ ವೈರಸ್‌ನಿಂದ ರಕ್ಷಣೆ ಪಡೆಯುವಂತೆ ಮನವಿ ಮಾಡುತ್ತಿರುವುದು ಶ್ಲಾಘನೀಯ ಕಾರ್ಯವೇ ಸರಿ.
Contact Your\'s Advertisement; 9902492681
