ಕಲಬುರಗಿ: ನಗರದ ರೋಜಾ ಪ್ರದೇಶದಲ್ಲಿ ಎರಡನೂರಕ್ಕೂ ಹೆಚ್ಚು ತರಕಾರಿ ಮಾರಾಟಗಾರರು ಇದ್ದು, ಲಾಕ್ ಡೌನ್ ಪ್ರಭಾವದಿಂದ ಪ್ರದೇಶದಲ್ಲಿ ಮಾರಟ ಬಂದ್ ಮಾಡಲಾಗಿದೆ. ಆದಷ್ಟು ಶೀಘ್ರ ಅಟಲ್ ಬಿಹಾರಿ ವಾಜಪೇಯಿ ಬಡಾವಣೆಯ ಮಾದರಿಯಲ್ಲಿ ಕೆ.ಸಿ.ಟಿ ಕಾಲೇಜು ಅಥವಾ ಪೀರ್ ಬಂಗಾಲಿ ಮೈದಾನದಲ್ಲಿ ತರಕಾರಿ ಮಾರಾಟ ವ್ಯವಸ್ಥೆ ಕಲ್ಪಿಸಬೇಕೆಂದು ಕಲಬುರಗಿ ನಗರಾಭಿವೃದ್ಧಿ ಪ್ರಾಧಿಕಾರದ ಮಾಜಿ ಅಧ್ಯಕ್ಷರಾದ ಡಾ. ಮಹಮ್ಮದ್ ಅಜಗರ್ ಚುಲಬುಲ್ ಒತ್ತಾಯಿಸಿದರು.
ಅವರು ರೋಜಾ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಸಮಾಜ ಸೇವಕರಿಗೆ ಪೊಲೀಸ್ ಸಹಾಯಕ ಪಾಸ್ ವಿತರಣೆ ಸಂದರ್ಭದಲ್ಲಿ ಮಾತನಾಡಿ ಪೊಲೀಸ್ ಆಯುಕ್ತರು ಮತ್ತು ಜಿಲ್ಲಾಧಿಕಾರಿಗಳಿಗೆ ಒತ್ತಾಯಿಸಿದರು.
ಈಗಾಗಲೇ ಜಿಲ್ಲಾಡಳಿತ ಹಲವು ಮುಂಜಾಗ್ರತಾ ಕ್ರಮಗಳು ಕೈಗೊಳ್ಳುತ್ತಿದ್ದು ಜನರ ಸಹಕಾರವು ಸಿಗುತ್ತಿದೆ., ಅದರು ಜನರ ಓಡಾಟ ಹೆಚ್ಚಾಗಿದೆ. ನಾವಶ್ಯಕ ಓಡಾಟ ತಡೆಯಲು ಪ್ರತಿ ಬಡಾವಣೆಗೆ ಹತ್ತು ತರಕಾರಿ ಮಾರಾಟಗಾರನ್ನು ನಿಯೋಜಿಸಿ, ಇಂತಹ ಪ್ರದೇಶದಲ್ಲಿ ಜನಜಂಗುಳಿಯಾಗದ ರೀತಿ ಎಚ್ಚರಿಕೆ ವಹಿಸಬೇಕು ಎಂದರು.
ಎರಡು-ಮೂರುದಿನದಲ್ಲಿ ತರಕಾರಿ ಮಾರಾಟಗಾರ ಪಟ್ಟಿ ಸಿದ್ಧಪಡಿಸಿ, ಸೂಕ್ತ ಕ್ರಮ ಕೈಗೊಳಲಾಗುದು, ರಂಝಾನ್ ತಿಂಗಳಲ್ಲಿ ಯಾರು ಆತಂಕ ಪಡುವ ಅಗತ್ಯವಿಲ್ಲ. ರಂಝಾನನಲ್ಲಿ ಮುಸ್ಲಿಂ ಬಾಂಧವರೆಲ್ಲರು ಮನೆಯಲ್ಲಿ ನಮಾಜ ಮಾಡಬೇಕು, ಯಾರು ಸಹ ಮನೆಯಿಂದ ಹೊರಗಡೆ ಬರಬಾರದೆಂದು ರೋಜಾ ಪೊಲೀಸ್ ಠಾಣೆಯ ಸಿ.ಪಿ.ಐ ಅಸ್ಲಂ ಪಾಶ ಮನವಿ ಮಾಡಿದರು.
ಈ ವೇಳೆಯಲ್ಲಿ ಸಿಪಿಐ(ಎಂ) ಮುಖಂಡರಾದ ಮಾರುತಿ ಮಾನ್ಪಡೆ, ಮಜಹರ್ ಆಲಂ ಖಾನ್, ರಹಿಮ್ ಮಿರ್ಚಿ, ಮೌಲಾನಾ ನೂಹ, ನ್ಯಾಯವಾದಿ ಕಲೀಮ್, ಜಹೀರ್ ಖಾನ್, ಹಬಿಬ್ ಖಾನ್, ಆಜಮ್ ಪಟೇಲ್ ಸೇರಿದಂತೆ ರಾಜಕೀಯ ಮುಖಂಡರು ಮತ್ತು ಶಾಂತಿ ಸಭೆಯ ಸದಸ್ಯರು ಇದ್ದರು.