ಕಲಬುರಗಿ: ಭಾರತದಲ್ಲೇ ಮೊದಲ ಸಾವು ಸಂಭವಿಸುವ ಮೂಲಕ ರಾಜ್ಯದ ಮೊದಲ ಬಲಿ ಪಡೆದ ಕೊರಾನಾ ಕಲಬುರಗಿಯಲ್ಲಿ ದಿನದಿಂದ ದಿನಕ್ಕೆ ಕೊರೊನಾ ಹಾಟ್ ಸ್ಪಾಟ್ ಆಗಿ ಪರಿಣಮಿಸುತ್ತಿದೆ.
ಈವರೆಗೆ ಕೊರೊನಾದಿಂದ ಆರು ಜನ ಸಾವನ್ನಪ್ಪಿದ್ದರೆ, ಇಲ್ಲಿ ನಿತ್ಯ ಪಾಸಿಟಿವ್ ಸಂಖ್ಯೆ ಹೆಚ್ಚಾಗುತ್ತಿದ್ದಾರೆ. ಮೊದಮೊದಲು ತಬ್ಲಿಘಿ ನಂಟಿನಿಂದ ಈ ಸೋಂಕು ಹರಡಿದ್ದರೂ, ಇದೀಗ ಯಾವುದೇ ಟ್ರಾವೆಲ್ ಹಿಸ್ಟರಿ ಇಲ್ಲದವರಿಗೆ ಅಂಟಿಕೊಂಡು ಸಾಂಕ್ರಾಮಿಕ ರೋಗವಾಗಿ ಪರಿಣಮಿಸಿದೆ.
ಅಂದ ಮಾತ್ರಕ್ಕೆ ಪಾಸಿಟಿವ್ ಅಷ್ಟೇ ಅಲ್ಲ, ಹೆಚ್ಚಿನ ಜನ ಗುಣಮುಖರಾಗಿದ್ದಾರೆ. ಮೊದ ಮೊದಲು ನಗರದಲ್ಲಿ ಮಾತ್ರ ಪ್ರವೇಶ ಪಡೆದ ಈ ಕೊರಾನಾ ಈಗ ಗ್ರಾಮೀಣ ಪ್ರದೇಶಗಳತ್ತ ಮುಖ ಮಾಡಿರುವುದು ಆತಂಕದ ವಿಷಯವಾಗಿದೆ.
ರೋಗಿಗಳನ್ನು ಪರೀಕ್ಷಿಸುವ ವೈದ್ಯರು, ಆರೈಕೆ ಮಾಡುವ ನರ್ಸ್ ಮತ್ತು ರೋಗಿಗಳು
ಸೇರಿದಂತೆ ಅನೇಕರಿಗೆ ಈ ಸೋಂಕು ತಗುಲಿದೆ ಎಂದು ಹೇಳಲಾಗುತ್ತಿದೆ.
ಕಲಬುರಗಿಯಲ್ಲಿ ಈವರೆಗೆ ೭೩ ಪಾಸಿಟಿವ್ ಕೇಸ್ ಪ್ರಕರಣಗಳಿದ್ದವು. ಇಂದು ಎಷ್ಟು ಪ್ರಕರಣಗಳು ಹೊರ ಬರಲಿವೆ ಎಂಬ ಆತಂಕ ಜಿಲ್ಲೆಯ ಜನರನ್ನು ಕಾಡುತ್ತಿದೆ.