ಕಲಬುರಗಿ: ನಾಳೆ ಭಾನುವಾರ ಸೂರ್ಯ ಗ್ರಹಣದ ವೇಳೆ ಮೌಡ್ಯಾಚಾರಣೆಗೆ ಬಲಿಯಾಗಿ ಮಕ್ಕಳನ್ನು ಮಣ್ಣಲಿ ಹೂತರೆ, ಅಂತಹವರ ವಿರುದ್ಧ ನಿರ್ದಾಕ್ಷಿಣ್ಯ ಕಾನೂನು ಕ್ರಮ ಕೈಗೊಳ್ಳಲಾಗಿವುದು ಎಂದು ವಾಡಿ ಪೋಲಿಸ್ ಠಾಣೆ ಪಿಎಸ್ ಐ ವಿಜಯಕುಮಾರ್ ಬಾವಗಿ ಎಚ್ಚರಿಕೆ ನೀಡಿದರು.
ಇಂದು ಠಾಣೆಯಲ್ಲಿ ಕರೆಯಲಾಗಿದ ಮೌಡ್ಯಾಚಾರಣೆ ವಿರೋಧಿಸಿ ಶಾಂತಿ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಅವರು, ಮೌಢ್ಯಾಚರಣೆಗೆ ಕಾನೂನಿನಲ್ಲಿ ಅವಕಾಶವಿಲ್ಲ. ಈ ಬಗ್ಗೆ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವ ಕೆಲಸ ಸಾಮಾಜಿಕ ಕಾರ್ಯಕರ್ತರು ಮತ್ತು ಮಾಧ್ಯಮ ಮಿತ್ರರು ಮಾಡಬೇಕು ಕರೆ ನೀಡಿದರು.
ಸೂರ್ಯಗ್ರಹಣ ವೇಳೆ ಮೌಡ್ಯಾಕ್ಕೆ ಬಲಿಯಾಗಿ ಹಸುಗೂಸುಗಳನ್ನು ಮಣ್ಣಿನಲ್ಲಿ ಹೂತುಹಾಕಿ ಮಕ್ಕಳಿಗೆ ಹಿಂಸೆ ನೀಡುವುದನ್ನು ನಿಲ್ಲಿಸಬೇಕು. ಈ ಮೌಡ್ಯಾಚಾರಣೆ ಕಡಿವಾಣ ಹಾಕುವ ನಿಟ್ಟಿನಲ್ಲಿ ಸರ್ಕಾರ ಕಟ್ಟುನಿಟ್ಟಿನ ಆದೇಶ ಹೊರಡಿಸಿದೆ ಎಂದು ಈ ಸಂದರ್ಭದಲ್ಲಿ ತಿಳಿಸಿದರು.
ಒಂದು ವೇಳೆ ಸರ್ಕಾರದ ಆದೇಶ ಉಲ್ಲಂಘಿಸಿ ಮೌಡ್ಯಾ ಆಚರಿಸಿದರೆ ಅಂತವರ ವಿರುದ್ಧ ಕೊಲೆ ಪ್ರಕರಣ ದಡಿ ಕಾನೂನು ಕ್ರಮ ಜರುಗಿಸುವುದಾಗಿ ಎಚ್ಚರಿಕೆ ನೀಡಿ, ಸರಕಾರದ ಆದೇಶ ಪಾಲಿಸಬೇಕೆಂದು ಮನವಿ ಮಾಡಿದ್ದಾರೆ