ಕಲಬುರಗಿ: ಸೇಡಂ, ಹುಮನಾಬಾದ್, ಯಾದಗಿರಿ, ಕಲಬುರಗಿ ಸೇರಿದಂತೆ ಸೇಡಂನ ಅನೇಕ ಕಡೆಗಳಲ್ಲಿ ಬೈಕ್ಗಳನ್ನು ಖದೀಮ ಕಳ್ಳರು, ನಂಬರ್ ಪ್ಲೇಟ್ ಮತ್ತು ಬೈಕ್ ಕಲರ್ ಬದಲಾಯಿಸಿ ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿದ್ದ ಮೂವರು ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.
ತಾಲ್ಲೂಕಿನಲ್ಲಿ ನಿರಂತರ ಬೈಕ್ ಕಳ್ಳತನ ಪ್ರಕರಣಗಳು ದಾಖಲಾಗುತ್ತಿದ್ದ ಹಿನ್ನೆಲೆ ಡಿವೈಎಸ್ಪಿ ವೀರಭದ್ರಯ್ಯ, ಸಿಪಿಐ ರಾಜಶೇಖರ ಹಳಗೋದಿ ಮಾರ್ಗದರ್ಶನದ ಪಿಎಸ್ಐ ಅಯ್ಯಪ್ಪ ಕಳ್ಳರ ಬೇಟೆಗೆ ಇಳಿದಿದ್ದರು. ಮನೆಯ ಎದುರುಗಡೆ ನಿಲ್ಲಿಸುವ ಬೈಕ್ಗಳನ್ನೇ ನೇರವಾಗಿ ಟಾರ್ಗೆಟ್ ಮಾಡುತ್ತಿದ್ದ ಕಳ್ಳರ ಗ್ಯಾಂಗ್, ಪೊಲೀಸರು ಸಂಚರಿಸದ ಸಮಯದಲ್ಲೇ ತಮ್ಮ ಕೈಚಳಕ ತೋರಿಸುತ್ತಿತ್ತು. ಖದೀಮರ ಗ್ಯಾಂಗ್ನ ಮೂರು ಜನರನ್ನು ಬಂಧಿಸಿ, 6 ಲಕ್ಷ ಮೌಲ್ಯದ 15 ಬೈಕ್ಗಳನ್ನು ಜಪ್ತಿ ಮಾಡಿದ್ದಾರೆ.
ಮೀನಹಾಬಾಳ ಗ್ರಾಮದ ಬಾಲರಾಜ (22), ಗುಂಡಗುರ್ತಿ ಗ್ರಾಮದ ನಾಗರಾಜ ಸಂಗಪ್ಪ (29) ಹಾಗೂ ಹುಮನಾಬಾದ ತಾಲೂಕಿನ ವೀರಾರೆಡ್ಡಿ ಗಡ್ಡದವರ (23) ಎಂಬ ಮೂರು ಆರೋಪಿಗಳನ್ನು ಬಂಧಿಸಿ ನ್ಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.
ವಿಜಯಕುಮಾರ ಮತ್ತು ರಾಹುಲ ಎಂಬ ಆರೋಪಿಗಳು ತಪ್ಪಿಸಿಕೊಂಡಿದ್ದು, ಪೊಲೀಸರು ಪತ್ತೆಗೆ ಬಲೆ ಬೀಸಿದ್ದಾರೆ.