ಸುರಪುರ: ಸಗರನಾಡು ಸೇವಾ ಪ್ರತಿಷ್ಠಾನ ವತಿಯಿಂದ ಆಯೋಜಿಸಲು ಉದ್ದೆಶಿಸಿರುವ ದಶಮಾನೋತ್ಸವ ಸಮಾರಂಭಕ್ಕೆ ದೆಹಲಿ ಕರ್ನಾಟಕ ಸಂಘದ ಅಧ್ಯಕ್ಷರು ಹಾಗೂ ದೆಹಲಿ ಜೆ.ಎನ್.ಯು ವಿಶ್ವವಿದ್ಯಾಲಯದ ಪ್ರಾಧ್ಯಾಪಕರು ಆದ ಡಾ. ವೆಂಕಟಾಚಲ ಹೆಗಡೆ ಅವರನ್ನು ಆವ್ಹಾನಿಸಲಾಗಿದೆ ಎಂದು ಪ್ರತಿಷ್ಠಾನ ಅಧ್ಯಕ್ಷ ಪ್ರಕಾಶ ಅಂಗಡಿ ಕನ್ನೆಳ್ಳಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
2020 ರ ಫೆಬ್ರವರಿಯಲ್ಲಿ ಆಯೋಜಿಸುತ್ತಿರುವ ದಶಮಾನೋತ್ಸವದ ಕಾರ್ಯಕ್ರಮದಲ್ಲಿ ಕರ್ನಾಟಕದ ಹೊರಗಡೆ ಕನ್ನಡದ ಕೆಲಸಮಾಡುತ್ತಿರುವ ಗಡಿನಾಡು ಮತ್ತು ಹೊರನಾಡಿನ ೧೦ ಸಂಘಗಳಿಗೆ ದಶಮಾನೋತ್ಸವದ ನೆನಪಿಗಾಗಿ ಸಾಂಘಿಕ ಪ್ರಶಸ್ತಿ ನೀಡಲು ಇಗಾಗಲೇ ಸಮಿತಿ ನಿರ್ಧರಿಸಿದ್ದು ಆ ನಿಮಿತ್ಯ ದೆಹಲಿ ಕರ್ನಾಟಕ ಸಂಘವು ಕಳೆದ ದಶಕಗಳಿಂದ ರಾಷ್ಟ್ರ ರಾಜಧಾನಿಯಲ್ಲಿ ಉತ್ತಮವಾದ ಕನ್ನಡದ ಕೆಲಸಮಾಡುತ್ತಿದ್ದು ಆ ಸಂಘವನ್ನು ಪ್ರಶಸ್ತಿಗೆ ಆಯ್ಕೆಮಾಡಿದ್ದು ಸಮಾರಂಭದಲ್ಲಿ ಪಾಲ್ಗೊಂಡು ಪ್ರಶಸ್ತಿ ಸ್ವಿಕರಿಸುವಂತೆ ಮನವಿ ಮಾಡಿದರು. ಈ ಸಂಧರ್ಭದಲ್ಲಿ ಕರ್ನಾಟಕ ಜಾನಪದ ಅಕಾಡೆಮಿ ಸದಸ್ಯ ವಿಜಯಕುಮಾರ ಸೋನಾರೆ ಬಿದರ್, ಪತ್ರಕರ್ತ ಜಿ.ಎಂ. ಭಾಸ್ಕರ, ಯುವ ಸಾಹಿತಿ ಎಸ್.ಎಂ.ಭಕ್ತ ಕುಂಬಾರ ಸೇರಿದಂತೆ ಇತರರು ಇದ್ದರು.
