ಕೋಲಾರ: ಇಂದು ನರಸಾಪುರದಲ್ಲಿ ಪ್ರಚಂಡ ಪುಟಾಣಿಗಳು ಸಿನಿಮಾದ ಚಿತ್ರೀಕರಣ ನಡೆಯಿತು.
ಇದು ಒಂದು ಮಕ್ಕಳ ಚಿತ್ರವಾಗಿದೆ. ಮುಖ್ಯವಾಗಿ ಈ ಚಿತ್ರದಲ್ಲಿ ಸುಪ್ರೀಂ ಹೀರೋ ಶಶಿಕುಮಾರ್ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕೆ ಕಥೆ, ಚಿತ್ರಕಥೆ ಮತ್ತು ಸಂಭಾಷಣೆ ರಾಜೀವ್ ಕೃಷ್ಣ, ನಿರ್ಮಾಪಕರು ಪದ್ಮಾವತಿ, ಮುಖ್ಯವಾಗಿ ಅವಿನಾಶ್ ಮತ್ತು ಶೋಭರಾಜ್ ನಟಿಸುತ್ತಿದ್ದಾರೆ.
ನಟ ಸುಪ್ರೀಂ ಹೀರೋ ಶಶಿಕುಮಾರ್ ಮಾತನಾಡಿ, ನಾನು ಹಲವು ಬಾರಿ ಕೋಲಾರಕ್ಕೆ ಬಂದಿದ್ದೇನೆ, ಇಲ್ಲಿನ ಜನ ಚಿನ್ನದ ಮನಸ್ಸುಳ್ಳವರು ಅದಕ್ಕೆ ಹೇಳುವುದು ಚಿನ್ನದ ನಾಡು ಕೋಲಾರ ಎಂದು ತಿಳಿಸಿದ್ದಾರೆ.
ಈ ಪ್ರಚಂಡ ಪುಟಾಣಿಗಳು ಸಿನಿಮಾ ಮಕ್ಕಳ ಚಿತ್ರವಾಗಿದ್ದು, ಎಲ್ಲರೂ ತಮ್ಮ ಕುಟುಂಬದೊಂದಿಗೆ ನೋಡಬಹುದಾದ ಚಿತ್ರವಾಗಿದೆ ಎಂದರು.
ಈ ಒಂದು ಚಿತ್ರವು ನಿಧಿಯ ಶೋಧನೆಯ ಬಗೆಗಿನ ಕಥಾಹಂದರವನ್ನು ಹೊಂದಿದ್ದು, ಮುಖ್ಯವಾಗಿ ನಿಧಿ ಚೋರರಿಂದ ನಿಧಿಯನ್ನು ಕಾಪಾಡುವ ಕಥೆಯನ್ನು ಇದು ಹೊಂದಿದೆ ಎಂದು ಹೇಳಿದರು. ನಿಧಿಯ ರಕ್ಷಣೆಗಾಗಿ ಮಕ್ಕಳು ತೋರುವ ಸಾಹಸ ಗಾಥೆಯನ್ನು ಈ ಚಿತ್ರ ಹೊಂದಿದೆ ಎಂದು ತಿಳಿಸಿದ್ದಾರೆ.
ಈ ಸಂದರ್ಭದಲ್ಲಿ ಪ್ರಚಂಡ ಪುಟಾಣಿಗಳು ಚಿತ್ರದ ನಿರ್ದೇಶಕರಾದ ರಾಜೀವ್ ಕೃಷ್ಣ, ರಘು , ಖಳನಾಯಕ ಬಲರಾಮ್ ಹಾಗೂ ಅನೇಕ ಸಹ ಕಲಾವಿದರು ಇದ್ದರು.
