ಕಲಬುರಗಿ: ನಗರದ ಗಂಜ್ ನಲ್ಲಿರುವ ICICI ಬ್ಯಾಂಕ್ನಲ್ಲಿ ಕುಡಿದ ಮತ್ತಿನಲ್ಲಿ ಬ್ಯಾಂಕ್ ಗೆ ಎಂಟ್ರಿ ಕೊಟ್ಟು ಕುಡಿಯಲು ಹಣ ಬೇಕು ಎಂದು ಭಾರಿ ಆತಂಕ ಸೃಷ್ಟಿಸಿ ದುಸ್ಸಾಹಸಕ್ಕೆ ಕೈ ಹಾಕಿರುವ ಘಟನೆ ನಡೆದಿದೆ.
ನಗರದ ಮಿಜಗುರಿ ಬಡಾವಣೆ ನಿವಾಸಿಯಾಗಿದ್ದು ಸುಲ್ತಾನ್(35) ಕಳೆದ ಗುರುವಾರ ಗಂಜ್ ಪ್ರದೇಶದಲ್ಲಿರುವ ಐಸಿಐಸಿಐ ಬ್ಯಾಂಕ್ ಗೆ ಕುಡಿದ ಮತ್ತಿನಲ್ಲಿ ಬಂದ ಆಟಿಕೆಯ ಬಂದೂಕು ಇಟ್ಟುಕೊಂಡು ಅಲ್ಲಿದ್ದ ಜನರನ್ನು ಹೆದರಿಸಲು ಯತ್ನಿಸಿದ್ದಾನೆ ಎಂದು ತಿಳಿದುಬಂದಿದೆ.
ಕುಡುಕನ ಈ ಕೃತ್ಯದಿಂದ ಬ್ಯಾಂಕ್ ನಲ್ಲಿ ಆತಂಕ ಶುರುವಾಗಿ, ತಕ್ಷಣ ಬ್ಯಾಂಕ್ ಸಿಬ್ಬಂದಿ ಚೌಕ್ ಠಾಣೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರು. ಸ್ಥಳಕ್ಕೆ ಬಂದ ಪೊಲೀಸರು ಕುಡುಕನನ್ನು ಬಂಧಿಸಿದ್ದಾರೆ.
ಭಯ ಹುಟ್ಟಿಸಿದ ವ್ಯಕ್ತಿಗೆ ಸಾರ್ವಜನಿಕರು ಹಿಗ್ಗಾಮುಗ್ಗ ಥಳಿಸಿದ್ದಾರೆ ಎಂದು ತಿಳಿದುಬಂದಿದ್ದು, ಕುಡಿಯಲು ಹಣಕ್ಕಾಗಿ ಅನೇಕರಿಗೆ ಬೆದರಿಸುತ್ತಿದ್ದ, ಆಟಿಕೆ ಬಂದೂಕು ತೋರಿಸಿ ಹಣ ಕೇಳ್ತಿದ್ದ, ಅನೇಕರ ಸಮೀಪ ಹೋಗಿ ಕೆಮ್ಮುತ್ತಿದ್ದ, ನೂರು, ಇನ್ನೂರು ರೂಪಾಯಿಗಾಗಿ ಬೆದರಿಕೆ ಹಾಕುತಿದ್ದ ಎಂಬ ಆರೋಪಗಳು ಕೇಳಿಬರುತ್ತಿವೆ.