ಸುರಪುರ: ಜಾನಪದ ಎಂಬುವುದು ಮಾನವಿಯ ಸಂಬಂಧದ ಮೂಲ ಸರಪಳಿ, ನಮ್ಮ ಮೂಲ ಬದುಕಿನ ಪ್ರತಿ ಹಂತದಲ್ಲು ಜಾನಪದ ಬಂದು ಹೊಗುತ್ತದೆ, ಇಂದಿನ ಬದಲಾದ ಸನ್ನಿವೇಶದಲ್ಲಿ ಜಾನಪದ ಸಂಸ್ಕೃತಿ ಆಧುನಿಕರಣದ ಹೊಡೆತಕ್ಕೆ ಮರೆಯಾಗುತ್ತಿದೆ ಎಂದು ಜಿಲ್ಲಾ ಪಂಚಾಯತಿ ಮಾಜಿ ಅಧ್ಯಕ್ಷ ಯಲ್ಲಪ್ಪ ಕುರುಕುಂದಿ ಹೇಳಿದರು.
ಸಮೀಪದ ದೇವತ್ಕಲ್ ಗ್ರಾಮದಲ್ಲಿ ವಿನಾಯಕ ಜಾನಪದ ಯುವಕ ಸಂಘ ದೇವಾಪೂರ ಇವರು ಆಯೋಜಿಸಿದ್ದ ವಿಶ್ವ ಜಾನಪದ ದಿನಾಚಾರಣೆ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ಅವರು, ಜಾನಪದ ಎಂಬುವುದು ಒಂದು ಸಂಸ್ಕೃತಿ ಅದು ನಮ್ಮ ನೈತಿಕತೆ, ವೈಚಾರಿಕೆ, ಪಾರದರ್ಶಕತೆ, ಪ್ರತಿನಿಧಿಸುತ್ತದೆ ಜಾನಪದಕ್ಕೆ ಹಿರಿದಾದ ಶಕ್ತಿ ಇದೆ, ಇದು ಮಾತೃ ಹೃದಯದ ಭಾಷೆ ಇದಕ್ಕೆ ತನ್ನದೆ ಆದ ಸಂಸ್ಕೃತಿ, ಸಂಸ್ಕಾರ ಹಿನ್ನೆಲೆ ಒಳಗೊಂಡಿಗೆ ಎಂದು ಹೇಳಿದರು,
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಕರ್ನಾಟಕ ಜಾನಪದ ಪರಿಷತ್ ಜಿಲ್ಲಾಧ್ಯಕ್ಷ ಪ್ರಕಾಶ ಅಂಗಡಿ ಕನ್ನೆಳ್ಳಿ ವಹಿಸಿ ಮಾತನಾಡಿ,ಜಾನಪದ ಎಲ್ಲರ ಬದುಕಿನಲ್ಲಿ ಹಾಸುಹೊಕ್ಕಿದೆ ನಮ್ಮ ಬದುಕಿನ ಸಂಸ್ಕೃತಿಯೆ ಜಾನಪದವಾಗಿದೆ.ಇದಕ್ಕೆ ಹಿಂದೆ ಸಾಹಿತ್ಯವಿಲ್ಲದಿದ್ದರು ನಮ್ಮ ಹಿರಿಯರಿಂದ ಬಂದ ಬಳುವಳಿಯಂತೆ ಇಂದಿಗೂ ಅವು ಒಬ್ಬರ ಬಾಯಿಯಿಂದ ಮತ್ತೊಬ್ಬರಿಗೆ ತಲುಪಿವೆ.ಅಂತಹ ಜಾನಪದವನ್ನು ನಾವೆಲ್ಲರು ಉಳಿಸಿಕೊಂಡು ಹೋಗೊಣ ಎಂದರು.
ಕಾರ್ಯಕ್ರಮದ ಸಾನಿದ್ಯವನ್ನು ಸ್ಥಳಿಯ ಬಬುಲಾದಿ ಮಠದ ಸಾಯಬಣ್ಣ ಪೂಜಾರಿ ಹಾಗೂ ಲಿಂಗಣ್ಣ ಪೂಜಾರಿ ವಹಿಸಿದ್ದರು, ಮುಖ್ಯ ಅತಿಥಿಗಳಾಗಿ ಗ್ರಾಮಪಂಚಾಯತಿ ಸದಸ್ಯ ನರಸಪ್ಪ ವಡವಡಗಿ ಹಾಗೂ ವಿವೇಕಾನಂದ ಶಾಲೆಯ ಮುಖ್ಯಸ್ಥ ನಾಗರಾಜ ಬಾಲವಡಗಿ ಪಾಲ್ಗೊಂಡಿದ್ದರು ಈದೆ ಸಂದರ್ಭದಲ್ಲಿ, ಜಾನಪದ ಕಲಾವಿಧರುಗಳಾದ ಮಹೇಬೂಬಸಾಬ ಬಡಿಗೇರ, ರಾಯಣ್ಣ ಬುರ್ಲಿ, ಬೀರಪ ದೊಡ್ಡಮನಿ, ಗಂಗಪ್ಪ ಕಮತಗಿ, ಬೀರಪ್ಪ ಹಾಲಭಾವಿ ಇವರುಗಳನ್ನು ಸನ್ಮಾನಿಸಲಾಯಿತು. ಸಂಘದ ಅಧ್ಯಕ್ಷ ಹಣಮಂತ್ರಾಯ ಎಂ. ದೊಡ್ಡಮನಿ ಪ್ರಾಸ್ತಾವಿಕವಾಗಿ ಮಾತನಾಡಿದರು, ಬಿರೇಶ ಕುಮಾರ ದೇವತ್ಕಲ್ ಸ್ವಾಗತಿಸಿದರು, ಜೆಟ್ಟೆಪ್ಪ ಭಾವಿಹೊಲ ನಿರೂಪಿಸಿದರು.