ಸುರಪುರ: ತಾಲೂಕಿನ ಶೆಳ್ಳಗಿ ಗ್ರಾಮದಲ್ಲಿ ಮಾದಿಗ ಯುವ ಸೇನೆ ವತಿಯಿಂದ ಡಾ:ಬಾಬಾ ಸಾಹೇಬ್ ಅಂಬೇಡ್ಕರ ಅವರ ಜೀವನಾಧಾರಿತ ಮಹಾನಾಯಕ ಧಾರಾವಾಹಿಯ ಬ್ಯಾನರ್ ಅನಾವರಣಗೊಳಿಸಲಾಯಿತು.
ಬ್ಯಾನರ್ ಅನಾವರಣಗೊಳಿಸಿದ ಯುವ ಸೇನೆ ಪ್ರಚಾರ ಸಮಿತಿ ತಾಲೂಕು ಅಧ್ಯಕ್ಷ ಬಸವರಾಜ ಮುಷ್ಠಳ್ಳಿ ಮಾತನಾಡಿ,ಮಹಾನಾಯಕ ಧಾರಾವಾಹಿಯ ಮೂಲಕ ನಾಡಿನ ಕೋಟ್ಯಾಂತರ ಜನರು ಡಾ:ಬಿ.ಆರ್.ಅಂಬೇಡ್ಕರ ಅವರ ಜೀವನ ಮತ್ತು ಆದರ್ಶವನ್ನು ತಿಳಿಯಲು ಸಾಧ್ಯವಾಗಿದೆ.
ಪ್ರತಿ ಕುಟುಂಬದವರು ಶನಿವಾರ ಮತ್ತು ಭಾನುವಾರ ಝೀ ಕನ್ನಡ ವಾಹಿನಿಯಲ್ಲಿ ಸಂಜೆ ಪ್ರಸಾರವಾಗುವ ಧಾರಾವಾಹಿಯನ್ನು ವೀಕ್ಷಿಸಿ ಮಕ್ಕಳಲ್ಲಿ ಅಂಬೇಡ್ಕರರ ಆದರ್ಶವನ್ನು ಬೆಳೆಸಬೇಕು ಮತ್ತು ಈ ಧಾರಾವಾಗಿ ಪ್ರಸಾರಕ್ಕೆ ಕಾರಣರಾಗಿರುವ ರಾಘವೇಂದ್ರ ಹುಣಸೂರವರಿಗೆ ಕೆಲವು ಕಿಡಿಗೇಡಿಗಳು ಧಾರಾವಾಹಿ ಪ್ರಸಾರವನ್ನು ನಿಲ್ಲಿಸುವಂತೆ ಬೆದರಿಕೆ ಕರೆ ಮಾಡುತ್ತಿದ್ದಾರೆ.ಅಂತವರಿಗೆ ಎಚ್ಚರಿಕೆಯ ಗಂಟೆಯಾಗಿ ನಾವೆಲ್ಲರು ಹುಣಸೂರವರ ಜೊತೆಗೆ ನಿಲ್ಲುವ ಜೊತೆಗೆ ಧಾರಾವಾಹಿಯನ್ನು ಬೆಂಬಲಿಸಿ ಗೆಲ್ಲಿಸಬೇಕೆಂದು ಕರೆ ನೀಡಿದರು.
ಆರಂಭದಲ್ಲಿ ಡಾ: ಬಾಬಾ ಸಾಹೇಬ್ ಅಂಬೇಡ್ಕರರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಮಾಲಾರ್ಪಣೆ ಮಾಡಿ ನಮಿಸಲಾಯಿತು.ಈ ಸಂದರ್ಭದಲ್ಲಿ ಮುಖಂಡರಾದ ಹುಲಗಪ್ಪ ಶೆಳ್ಳಗಿ ಶರಣು ದೊಡ್ಮನಿ ಮಂಜುನಾಥ ಆಲ್ದಾಳ ಲಕ್ಷ್ಮಣ ಆಲ್ದಾಳ ಬಲಭೀಮ ದೊಡ್ಮನಿ ಮೌನೇಶ ತಳವಾರ ಸೇರಿದಂತೆ ಅನೇಕರಿದ್ದರು.