ಕಲಬುರಗಿ: ಸಂವಿಧಾನ ಶಿಲ್ಪಿ ಡಾ ಬಾಬಾಸಾಹೇಬ ಅಂಬೇಡ್ಕರ್ ಅವರ ತತ್ವಾದರ್ಶಗಳು ಇಂದು ಇಡೀ ಜಗತ್ತಿಗೆ ಮಾದರಿಯಾಗಿವೆ ಎಂದು ಸಾಂಸ್ಕೃತಿಕ ಸಂಘಟಿಕ ವಿಜಯಕುಮಾರ ತೇಗಲತಿಪ್ಪಿ ಅವರು ಇಂದಿಲ್ಲಿ ಹೇಳಿದರು.
ನಗರದ ಕೇಂದ್ರ ಬಸ್ ನಿಲ್ದಾಣ ಮುಂದೆ ಏರ್ಪಡಿಸಿದ ಮಹಾ ನಾಯಕ ಧಾರಾವಾಹಿಯ ಡಾ ಅಂಬೇಡ್ಕರರ ಫ್ಲೇಕ್ಸ್ ಹಾಗೂ ವಿಚಾರ ಗೋಷ್ಠಿಯ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಾತನಾಡಿದರು.
ಅಂಬೇಡ್ಕರ್ ಕೇವಲ ದಲಿತ ನಾಯಕರಾಗದೇ ಸರ್ವ ಜನಾಂಗದ ಮಹಾ ನಾಯಕರು. ಇಂದು ನಮ್ಮ ದೇಶದಲ್ಲಿ ಅವರ ಜಾತಿ ನೋಡುತ್ತಾರೆ. ಆದರೆ ವಿಶ್ವದಲ್ಲಿ ಜ್ಞಾನ ಶಿಖರದ ಬಗ್ಗೆ ನೋಡುತ್ತಾರೆ. ಆದರೆ ಭಾರತೀಯರ ನೋಡುವ ದೃಷ್ಠಿಕೋನ ಬದಲಾವಣೆಯಾಗಬೇಕಾಗಿದೆ ಎಂದರು.
ಕರ್ನಾಟಕ ಕಾರ್ಯ ನಿರತ ಪರ್ತಕರ್ತರ ಸಂಘದ ಜಿಲ್ಲಾ ಘಟಕದ ಉಪಾಧ್ಯಕ್ಷ ಗುರುಬಸಪ್ಪ ಸಜ್ಜನಶೇಟ್ಟಿ ಅವರು ಕಾರ್ಯಕ್ರಮ ಉದ್ಘಾಟಿಸಿ, ಸಮಾಜ ಸುಧಾರಕರ ಜಾತಿ ನೋಡದೇ ಅವರ ಸಾಧನೆ ಮತ್ತು ಜೀವನ ಸಂದೇಶಗಳು ಮಾದರಿಯಾಗಿಟ್ಟು ಕೊಳ್ಳಬೇಕು. ಡಾ ಬಾಬಾಸಾಹೇಬ ಅಂಬೇಡ್ಕರ್ ಅವರ ಬದುಕನ್ನು ಅರ್ಥ ಮಾಡಿ ಕೊಂಡರೆ ಭಾರತದ ಇತಿಹಾಸವನ್ನು ಅರಿಯಬಹುದು ಎಂದರು.
ಕಾರ್ಯಕ್ರಮ ಸಂಘಟಿಕ ಶಂಕರ ಪಟ್ಟಣಕರ ಪ್ರಾಸ್ತಾವಿಕವಾಗಿ ಮಾತನಾಡಿ ಸ್ವಾಗತಿಸಿದರು. ಕವಿ ಧರ್ಮಣ್ಣ ಧನ್ನಿ, ಎಕೆಆರ್ ದೇವಿ ಕಾಲೇಜಿನ ಕಾರ್ಯದರ್ಶಿ ವಿದ್ಯಾಸಾಗರ ದೇಶಮುಖ, ದಲಿತ ಮುಖಂಡರಾದ ಹಣಮಂತ ಬೋಧನಕರ, ಸುರೇಶ ಹಾದಿಮನಿ, ಪ್ರಭಾವ ಪಟ್ಟಣಕರ, ದೇವೇಂದ್ರ ಸಿನ್ನೂರಕರ, ನಿವೃತ್ ಶಿಕ್ಷಕ ನಾಗಪ್ಪ ಹಾಗರಗಿ, ಸಂಜೀವಕುಮಾರ ಪಟ್ಟಣಕರ, ಮಾರುತಿ ಕಾಂಬಳೆ, ಸಿದ್ರಾಮಪ್ಪ ಅಂಬಲಗಿ, ಜಗದೇವಿ ಪಟ್ಟಣಕರ, ರೇಷ್ಮಾ ಸುಲ್ತಾನಪೂರ, ಅಪ್ಪಾರಾಯ ಶಿಲ್ಡ ಸೇರಿದಂತೆ ಇತರರರಿದ್ದರು.