ಕಲಬುರಗಿ: ನಗರದ ಐ ವಾನ್ ಶಾಹಿ ಅತಿಥಿ ಗೃಹದಲ್ಲಿ ನಡೆದ ಕರ್ನಾಟಕ ಇಂಜಿನೀಯರಿಂಗ್ ಸೇವಾ ಸಂಘ ಜಿಲ್ಲಾ ಘಟಕ ವತಿಯಿಂದ ೨೦೨೧ ನೇ ವರ್ಷದ ಇಂಜಿನೀಯರಗಳ ದಿನಚರಿ ಬಿಡುಗಡೆ ಕಾರ್ಯಕ್ರಮ ಜರುಗಿತು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ ಜಿಲ್ಲಾ ಘಟಕ ಅಧ್ಯಕ್ಷ ನೀಲಕಂಠ ಎಮ್. ಜಮಾದಾರ ಮಾತನಾಡಿ, ಕರ್ನಾಟಕದ ಅಗ್ರಗಣ್ಯ ಸ್ಥಾನದಲ್ಲಿ ಕಲಬುರಗಿ ಇಂಜಿನೀಯರಗಳ ಸಂಘ ಇದೆ ಎಂದು. ಇಂದಿನ ಆಧುನಿಕ ಯುಗದಲ್ಲಿ ಸರ್ಕಾರದ ನೌಕರಿಯ ಜೊತೆಗೆ ಸೇವಾ ಸಂಘಗಳ ಬೆಳವಣಿಗೆಗೆ ಒಗ್ಗಟ್ಟಿನಿಂದ ಕಾರ್ಯನಿರ್ವಸಿದರೆ ಸಮಾಜಮುಖಿ ಕಾರ್ಯಕ್ರಮಗಳನ್ನು ಹಾಕಿಕೊಂಡು ನೌಕರರ ಸಂಘಕ್ಕೆ ಸಮಾಜದ ಸಹಕಾರ ಅತ್ಯಗತ್ಯ ಸಾರ್ವಜನಿಕರು ಮತ್ತು ನೌಕರರ ನಡುವೆ ಆರೋಗ್ಯಕರ ವಾತಾವರಣ ನಿರ್ಮಾಣ ಮಾಡಿಕೊಂಡು ಕಾರ್ಯನಿರ್ವಹಿಸಬೇಕು ಎಂದು ಜಮಾದಾರ ಹೇಳಿದರು.
ಕಾರ್ಯಕ್ರಮವನ್ನು ಅಧೀಕ್ಷಕ ಇಂಜಿನೀಯರರಾದ ಪ್ರೇಮಸಿಂಗ, ಅವರು ಉದ್ಘಾಟಿಸಿದರು. ಅಧೀಕ್ಷಕ ಇಂಜಿನೀಯರರಾದ ಶ್ರೀನಿವಾಸ ಪಿ, ಮಲ್ಲಿಕಾರ್ಜುನ ಎಸ್. ಜಂಟಿಯಾಗಿ ದಿನಚರಿಯನ್ನು ಬಿಡುಗಡೆಗೋಳಿಸಿದರು.
ಈ ಸಂದರ್ಭದಲ್ಲಿ ಉಪ ಮುಖ್ಯ ಇಂಜಿನೀಯರ ಎನ್. ಲಿಂಗರಾಜು, ಶೀವಶಂಕರ ಹರಸೂರ, ಭೀಮರೆಡ್ಡಿ, ಮುಸ್ತಾಕ್ ಅಹಮ್ಮದ್, ಮಿಲನಕುಮಾರ ಟಮಕೆ, ಟಿ.ಸಿ. ಅಲ್ದಿ, ಮಂಜುನಾಥ ಹವಲ್ದಾರ, ಬಸವರಾಜ ಹೆಚ್, ಬಾಬುರಾವ ಜಿ, ಸುಧೀರ ಸಂಗಾಣಿ, ಗುತ್ತಿಗೇದಾರ ಜಿಲ್ಲಾ ಸಂಘದ ಉಪಾಧ್ಯಕ್ಷ ಅಣ್ಣಾರಾವ ಸಣ್ಣಮನಿ ಭಾಗವಹಿಸಿದರು. ಸರ್ವರನ್ನು ಸಂಘದ ಕೋಶಾಧ್ಯಕ್ಷ ಕಾಳಪ್ಪಾ ಸ್ವಾಗತಿಸಿದರು. ಸಂಘದ ಉಪಾಧ್ಯಕ್ಷ ಮಹಮ್ಮದ್ ಸಲಿಂ, ವಂದಿಸಿದರು.