ಶಹಾಬಾದ:ತಾಲೂಕಿನ ತೊನಸನಹಳ್ಳಿ(ಎಸ್) ಗ್ರಾಮ ಪಂಚಾಯತ ಅಧ್ಯಕ್ಷ ಮತ್ತು ಉಪಾಧ್ಯಕ್ಷ ಸ್ಥಾನಕ್ಕೆ ಶುಕ್ರವಾರ ನಡೆದ ಚುನಾವಣೆಯಲ್ಲಿ ನೂತನ ಗ್ರಾಪಂ ಅಧ್ಯಕ್ಷರಾಗಿ ಸುಶ್ಮಾ ಮರಲಿಂಗ ಗಂಗಭೋ ಮತ್ತು ಉಪಾಧ್ಯಕ್ಷರಾಗಿ ರೇಶ್ಮಾ ಮಲ್ಲಿನಾಥ ಕರಣಿಕ್ ಆಯ್ಕೆಯಾದರು.
ಸಾಮನ್ಯ ವರ್ಗಕ್ಕೆ ಮೀಸಲಿದ್ದ ಅಧ್ಯಕ್ಷ ಸ್ಥಾನಕ್ಕೆ ಸುಶ್ಮಾ ಮರಲಿಂಗ ಮತ್ತು ಬೆಳ್ಳಪ್ಪ ಅರ್ಜುನ ಕಣದಾಳ ನಾಮಪತ್ರ ಸಲ್ಲಿಸಿದರೆ, ಉಪಾಧ್ಯಕ್ಷ ಸ್ಥಾನಕ್ಕೆ ರೇಶ್ಮಾ ಮಲ್ಲಿನಾಥ ಕರಣಿಕ್ ಮತ್ತು ನಿರ್ಮಲಾ ಶಿವರಾಜ ನಾಮಪತ್ರ ಸಲ್ಲಿಸಿದರು.
ತೊನಸನಹಳ್ಳಿ(ಎಸ್) ಗ್ರಾಪಂಯ ಒಟ್ಟು ೨೨ ಜನ ಸದಸ್ಯ ಬಲದಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ತಲಾ ಇಬ್ಬರಿಗೂ ೧೧ ಮತಗಳು ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ತಲಾ ಇಬ್ಬರಿಗೂ ೧೧ ಮತಗಳನ್ನು ಪಡೆದರು.ಸಮ ಮತ ಪಡೆದಿದ್ದರಿಂದ ಚುನಾವಣಾಧಿಕಾರಿ ಸುರೇಶ ವರ್ಮಾ ಅವರು ಚೀಟಿಯ ಎತ್ತುವ ಮೂಲಕ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷರನ್ನು ಆಯ್ಕೆ ಮಾಡಿದರು.ಚೀಟಿಯಲ್ಲಿ ಸುಶ್ಮಾ ಮರಲಿಂಗ ಗಂಗಭೋ ಅಧ್ಯಕ್ಷರಾಗಿ ಆಯ್ಕೆಯಾದರೆ, ಉಪಾಧ್ಯಕ್ಷರಾಗಿ ರೇಶ್ಮಾ ಮಲ್ಲಿನಾಥ ಕರಣಿಕ್ ಆಯ್ಕೆಯಾದರು ಎಂದು ಚುನಾವಣಾಧಿಕಾರಿ ಸುರೇಶ ವರ್ಮಾ ತಿಳಿಸಿದರು.
ಅಧ್ಯಕ್ಷರ ಆಯ್ಕೆ ಘೋಷಣೆಯಾಗುತ್ತಿದ್ದಂತೆ ಗ್ರಾಪಂ ಕಾರ್ಯಾಲಯ ಹೊರಗಡೆ ಸೇರಿದ್ದ ಅವರ ಬೆಂಬಲಿಗರು ವಿಜಯೋತ್ಸವ ಆಚರಿಸಿದರು. ಗುಲಾಲ ಎರಚಿ, ಪಟಾಕಿ ಸಿಡಿಸಿ, ಸಿಹಿ ಹಂಚಿ ಸಂಭ್ರಮಿಸಿದರು. ನೂತನ ಅಧ್ಯಕ್ಷರಿಗೆ ಹಾರ ಹಾಕಿ ಅಭಿನಂದಿಸಿದರು.
ಈ ಸಂದರ್ಭದಲ್ಲಿ ಮಾಜಿ ಗ್ರಾಪಂ ಅಧ್ಯಕ್ಷ ವಿಜಯಕುಮಾರ ಮಾಣಿಕ್,ನಿಂಗಣ್ಣ ಹುಳಗೋಳಕರ್,ರವಿ ಸಣತಮ, ರವಿ ರಾಠೋಡ, ದತ್ತಾ ಫಂಡ್, ಮಹಾದೇವ ಬಂದಳ್ಳಿ, ಸಿದ್ದು ಗೊಳೇದ್, ಬಸವರಾಜ ಗೊಳೇದ್, ಹಣಮಂತ ಕೊಂಡಯ್ಯ, ಸಿದ್ರಾಮ ಕರಣಿಕ್,ಚನ್ನಪ್ಪ ಕೋಬಾಳ, ರಾಜೇಶ್ವರಿ.ಆರ್, ರಾಜೇಶ ಯನಗುಂಟಿಕರ್ ಇತರರು ಇದ್ದರು.