ಕಲಬುರಗಿ: ಸಕಲ ಜೀವಾತ್ಮರಿಗೆ ಲೇಸು ಬಯಸಿದ ಈ ನಾಡಿನಲ್ಲಿ ಅಪೂರ್ವ ಸೇವೆ ಸಲ್ಲಿಸಿದವರಿದ್ದಾರೆ ಎಂದು ಮಾನವ ಸಂಪನ್ಮೂಲ ಕೃಷಿ ಮತ್ತು ಸಾಂಸ್ಕೃತಿಕ ಸಂಘದ ಅಧ್ಯಕ್ಷ ಡಾ. ಬಸವರಾಜ ಪಾಟೀಲ ಸೇಡಂ ಅಭಿಪ್ರಾಯಪಟ್ಟರು.
ನಗರದ ಕನ್ನಡ ಬವನದ ಸುವರ್ಣ ಸಭಾ ಭವನದಲ್ಲಿ ಸಿದ್ಧಾರ್ಥ ಪ್ರಕಾಶನ, ಕವಿಮಾರ್ಗ ಪ್ರಕಾಶನ ಹಾಗೂ ದಲಿತ ಬಂಡಾಯ ಸಾಹಿತ್ಯ ಪ್ರಕಾಶನ ಇವರ ಸಂಯುಕ್ತ ಆಶ್ರಯದಲ್ಲಿ ಮಂಗಳವಾರ ಆಯೋಜಿಸಿದ್ದ ಬಂಡಾಯ ಸಾಹಿತಿ, ಹೋರಾಟಗಾರ, ಸಮಾಜ ಚಿಂತಕ ಡಾ. ಚನ್ನಣ್ಣ ವಾಲೀಕಾರ ಜನ್ಮ ದಿನೋತ್ಸವ ಅಂಗವಾಗಿ ಜನಪದ, ಸಾಹಿತ್ಯ, ಕಲೆ, ಹೋರಾಟ ಕ್ಷೇತ್ರದಲ್ಲಿ ಗಣನೀಯ ಸೇವೆ ಸಲ್ಲಿಸಿದ ಮಹನೀಯರಿಗೆ ರಾಜ್ಯ ಮಟ್ಟದ ವ್ಯೋಮಾ ವ್ಯೋಮಾ ಪ್ರಶಸ್ತಿ ಪ್ರದಾನ ಸಮಾರಂಭ ಉದ್ಘಾಟಿಸಿ ಮಾತನಾಡಿದ ಅವರು, ಕಮ್ಯೂನಿಸ್ಟ್‌ ಇರಬಹುದು, ಬಿಜೆಪಿ ಇರಬಹುದು. ಆದರೆ ಮನುಷ್ಯತ್ವ ಇರಬೇಕು ಎಂದರು.
ಕೆಂಪಂಗಿ ಚೆನ್ನಣ್ಣ ಮತ್ತು ನನ್ನ ಸ್ನೇಹ ಜಗಳದಿಂದಲೇ ಶುರುವಾಗಿತ್ತು. ವಾದ-ವಿವಾದಗಳಿಂದ ಸಂಬಂಧಗಳನ್ನು ಹಾಳು ಮಾಡಿಕೊಳ್ಳುವುದು ಬೇಡ ಎಂದು ತಿಳಿಸಿದರು. ದೇಶ ಇಂದು ಅನೇಕ ಸಂಘರ್ಷ ಮತ್ತು ಇಕ್ಕಟ್ಟುಗಳಿಂದ ಕೂಡಿದೆ. ಇದನ್ನು ತಿಳಿಗೊಳಿಸಿ ಸೌಹಾರ್ದಯುತ ಬದುಕು ಕಟ್ಟಿಕೊಳ್ಳಬೇಕು ಎಂದು ಸಲಹೆ ನೀಡಿದರು.
ಶಾಸಕ ಅಜಯಸಿಂಗ್ ಗೆ ಭೇಟಿ: ಕಲ್ಯಾಣ ನಡೆ ಜನಪ್ರತಿನಿಧಿಗಳ ಕಡೆ ಅಭಿಯಾನಕ್ಕೆ ಸ್ಪಂದನೆ
ಡಾ. ಚೆನ್ನಣ್ಣ ವಾಲೀಕಾರ ಬದುಕು ಬರಹ ಕುರಿತು ಮಾತನಾಡಿದ ಕಲಬುರಗಿ ಆಕಾಶವಾಣಿ ಕೆಂದ್ರದ ಕಾರ್ಯಕ್ರಮ ನಿರ್ವಾಹಕ ಡಾ. ಸದಾನಂದ ಪೆರ್ಲ, ಶಂಕರವಾಡಿಯಲ್ಲಿ ಜನಿಸಿದ ಚನ್ನಣ್ಣನವರು, ಸಾಹಿತ್ಯ ಲೋಕದ ಶಂಕರನಾಗಿ ಬೆಳೆದದ್ದು ವಿಷ್ಮಯವೇ ಸೈ ಎಂದರು.
‘ಖಡ್ಗವಾಗಲಿ ಕಾವ್ಯ ಜನರ ನೋವಿಗೆ ಮಿಡಿವ ಪ್ರಾಣಮಿತ್ರ’ ಧ್ಯೇಯವಾಕ್ಯ ನೀಡಿದ ಚೆನ್ನಣ್ಣನವರು ದಲಿತ ಬಂಡಾಯ ಚಳವಳಿಗೆ ಭದ್ರ ಬುನಾದಿ ಹಾಕಿದರು ಎಂದು ವಿವರಿಸಿದರು. ಇದೇವೇಳೆಯಲ್ಲಿ ಡಾ. ಸ್ವಾಮಿರಾವ ಕುಲಕರ್ಣಿ, ಟಿ.ವಿ. ಶಿವಾನಂದನ್, ಡಾ. ಸರಸ್ವತಿ ಚಿಮ್ಮಲಗಿ, ಶಂಭುಲಿಂಗ ವಾಲ್ದೊಡ್ಡಿಯವರಿಗೆ ವ್ಯೋಮಾ ವ್ಯೋಮಾ ಪ್ರಶಸ್ತಿ ಪ್ರದಾನ ಮಾಡಲಾಯಿತು.
ಶರಣಬಸವೇಶ್ವರ ಸಂಸ್ಥಾನದ ಲಿಂಗರಾಜಪ್ಪ ಅಪ್ಪ ಸಾನ್ನಿಧ್ಯ ವಹಿಸಿದ್ದರು. ಎಸ್ ಎಸ್ ವಿ ಟಿವಿ ಚಾನೆಲ್ ಪ್ರಧಾನ ಸಂಪಾದಕ ಶಂಕರ ಕೋಡ್ಲಾ, ಹುಮನಾಬಾದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಉಪನ್ಯಾಸಕಿ ಜಗದೇವಿ ಗಾಯಕವಾಡ ಮುಖ್ಯ ಅತಿಥಿಯಾಗಿದ್ದರು.
ಮಂಗಳವಾರ ಸಂತೆ ಪ್ರಾರಂಭಕ್ಕೆ ರೈತರು, ವರ್ತಕರ ಆಗ್ರಹ
ಸಿದ್ದಮ್ಮ ವಾಲೀಕಾರ ಉಪಸ್ಥಿತರಿದ್ದರು. ಡಾ. ಕೆ.ಎಸ್. ಬಂಧು ಪ್ರಾಸ್ತಾವಿಕ ಮಾತನಾಡಿದರು. ಶಿವಾನಂದ ಅಣಜಗಿ ಸ್ವಾಗತಿಸಿದರು. ಸಿ.ಎಸ್. ಮಾಲಿಪಾಟೀಲ ನಿರೂಪಿಸಿದರು.