ಚಿತ್ತಾಪುರ: ತಾಲೂಕಿನ ದಿಗ್ಗಾಂವ ಗ್ರಾಮದ ಪಂಚಗ್ರಹ ಹಿರೇಮಠದಲ್ಲಿ ಇಂದು ಶ್ರೀ ಸಿದ್ಧವೀರ ಶಿವಾಚಾರ್ಯರು ರಚಿಸಿದ “ದಿಗ್ಗಾಂವಿಯ ದಿವ್ಯ ಜ್ಯೋತಿ” ಪುಸ್ತಕ ಹಾಗೂ ಭಕ್ತಿ ಗೀತೆಗಳ ಧ್ವನಿ ಸುರುಳಿಯು ಶ್ರೀಶೈಲ ಪೀಠದ ಶ್ರೀ 1008 ಜಗದ್ಗುರು ಡಾ.ಚನ್ನಸಿದ್ದರಾಮ ಪಂಡಿತರು ಲೋಕಾರ್ಪಣೆ ಮಾಡಿದರು.
ಲಿಂ.ಸದ್ಗುರು ಶ್ರೀ ಸಿದ್ದವೀರೇಶ್ವರ ಶಿವಯೋಗಿಗಳ 95 ನೇ ಪುಣ್ಯರಾಧನೆಯ ಪ್ರಯುಕ್ತ ಶ್ರೀ ಮಠದಲ್ಲಿ ಜ್ಞಾನಾಮೃತ ಪ್ರವಚನ ಹಾಗೂ ದಿನಾಂಕ 12-04-21 ರಿಂದ 17-04-21ರ ವರೆಗೆ ವಿವಿಧ ಧಾರ್ಮಿಕ ಸಾಮಾಜಿಕ ಮತ್ತು ಶೈಕ್ಷಣಿಕ ಕಾರ್ಯಕ್ರಮಗಳು ನಡೆದವು.
ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿ ಸುಗೂರಿನ ಶ್ರೀಗಳು,ಯಾದಗಿರಿಯ ಅಖೀಲ ಭಾರತ ವೀರಶೈವ ಮಹಾಸಭಾದ ಜಿಲ್ಲಾ ಉಪಾಧ್ಯಕ್ಷ ಮಹೇಶ ಆನೆಗುಂದಿ,ಸೇಡಂನ ಅಖೀಲ ಭಾರತ ವೀರಶೈವ ಮಹಾಸಭಾದ ತಾಲೂಕ ಅಧ್ಯಕ್ಷ ಚಂದ್ರಶೇಖರ ಬಂಗಾರ,ಓರಿಯಂಟ್ ಕಂಪನಿಯ ರಾಜಶೇಖರ ಪಾಟೀಲ್,ಜಗದೀಶ ಶಾಸ್ತ್ರೀಗಳು ಸನ್ನತಿ,ಸುರೇಶ ಗಡಿಲಿಂಗದಹಳ್ಳಿ ಗದಗ,ವೀರೇಶ ಕಟ್ಟಿಸಂಗಾವಿ ಗದಗ,ನಾಗಭೂಷಣ ಹಿರೇಮಠ, ಶಿವಶರಣಪ್ಪಾ ಊಡಗಿ,ಬಿಜೆಪಿ ಯುವ ಮೋರ್ಚಾ ಉಪಾಧ್ಯಕ್ಷ ಶಂಕರ,ಮಠದ ಭಕ್ತರು ಹಾಗೂ ಗ್ರಾಮಸ್ಥರು ಉಪಸ್ಥಿತರಿದ್ದರು.