ಕಲಬುರಗಿ: ನಗರ – ಬಬಲಾದ ರೈಲ್ವೆ ನಿಲ್ದಾಣಗಳ ಮಧ್ಯೆ ಜೇವರ್ಗಿ ಮೇಲ್ಸೇತುವೆಯ ಕೆಳಭಾಗದಲ್ಲಿ ರೈಲ್ವೆ ಹಳಿಯಲ್ಲಿ ಜುಲೈ 27 ರಂದು ಸುಮಾರು 48 ವರ್ಷದ ಅಪರಿಚಿತ (ಪುರುಷ) ವ್ಯಕ್ತಿಯ ಮೃತ ದೇಹವು ಪತ್ತೆಯಾಗಿದ್ದು, ಈವರೆಗೆ ಮೃತನ ವಾರಸುದಾರರು ಯಾರೂ ಪತ್ತೆಯಾಗಿರುವುದಿಲ್ಲ ಎಂದು ವಾಡಿ ರೈಲ್ವೆ ಪೆÇಲೀಸ್ ಠಾಣೆಯ ಪೋಲಿಸ್ ಸಬ್ ಇನ್ಸ್‍ಪೆಕ್ಟರ್ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ವಾಡಿ ರೈಲ್ವೆ ಪೋಲಿಸ್ ಠಾಣೆಯಲ್ಲಿ ಯುಡಿಆರ್ ನಂ. 43/2021 ಕಲಂ 174 ಸಿ.ಆರ್.ಪಿ.ಸಿ. ಅಡಿಯಲ್ಲಿ ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲಾಗಿದ್ದು, ಮೃತರು ದುಂಡನೆಯ ಮುಖ, ಸಾಧಾರಣ ಮೈಕಟ್ಟು, ಗೋಧಿ ಮೈಬಣ್ಣ, ಉದ್ದವಾದ ಮೂಗು, ಸಣ್ಣದಾದ ಗಡ್ಡ-ಮೀಸೆ ಇರುತ್ತದೆ. 5 ಅಡಿ 2 ಇಂಚು ಎತ್ತರ ಇದ್ದು, ತಲೆಯಲ್ಲಿ ಒಂದೂವರೆ ಇಂಚು ಉದ್ದದ ಬಿಳಿ ಮಿಶ್ರಿತ ಕಪ್ಪು ಕೂದಲು ಹೊಂದಿರುತ್ತಾನೆ.
ಮೃತ ವ್ಯಕ್ತಿಯು ಕಪ್ಪು ಬಣ್ಣದ ಪ್ಯಾಂಟ್, ಬಿಳಿಯ ಶ್ಯಾಂಡೊ ಬನಿಯನ್, ಕಪ್ಪು ಬಣ್ಣದ ಬೆಲ್ಟ್, ನಾಶಿ ಬಣ್ಣದ ಅಂಡರವೇರ್, ಕಪ್ಪು ಗೆರೆಗಳ ಬಿಳಿ ಬಣ್ಣದ ಫುಲ್‍ಶರ್ಟ್, ಕಾಲರ್ ಮೇಲೆ (Action Tailor & S.B college road KLB) ಲೇಬಲ್ ಇರುತ್ತದೆ.
ಈ ವ್ಯಕ್ತಿಯ ವಾರಸುದಾರರು ಯಾರಾದರೂ ಇದ್ದಲ್ಲಿ ವಾಡಿ ರೈಲು ನಿಲ್ದಾಣ ಪೋಲಿಸ್ ಠಾಣೆಯ ಇ-ಮೇಲ್ wadirly@ksp.gov.in ಗೆ ಅಥವಾ ಪೋಲಿಸ್ ಸಬ್‍ಇನ್ಸ್‍ಪೆಕ್ಟರ್ ಇವರನ್ನು ಅಥವಾ ಠಾಣೆಯ ದೂರವಾಣಿ ಸಂಖ್ಯೆ 08476-202244 ಹಾಗೂ ಮೊಬೈಲ್ ಸಂಖ್ಯೆ: 9480802132 ಗೆ ಸಂಪರ್ಕಿಸಲು ಕೋರಿದೆ.
