ಸುರಪುರ: ನಗರದ ವೆಂಕಟಾಪುರದಲ್ಲಿ ಸೋಮವಾರ ಬೆಳಿಗ್ಗೆ ಹಣದ ವಿಚಾರಕ್ಕೆ ಗಲಾಟೆ ನಡೆದು ಇಬ್ಬರು ವ್ಯಕ್ತಿಗಳಿಗೆ ಗಂಭೀರವಾಗಿ ಗಾಯಗಳಾಗಿರುವ ಘಟನೆ ಜರುಗಿದೆ.ನಂಗರದ ಬೋವಿಗಲ್ಲಿಯ ಇಬ್ಬರು ವ್ಯಕ್ತಿಗಳಾದ ವೆಂಕಟೇಶ ಮತ್ತು ಮಾನಪ್ಪ ಎನ್ನುವವರು ಹಲ್ಲೆಗೊಳಗಾಗಿ ಗಾಯಗೊಂಡಿರುವ ವ್ಯಕ್ತಿಗಳಾಗಿದ್ದಾರೆ.ಇಬ್ಬರಿಗೂ ಆಸ್ಪತ್ರೆಯಲ್ಲಿ ಚಿಕಿತ್ಸೆಯನ್ನು ನೀಡಲಾಗಿದೆ.
ವೆಂಕಟಾಪುರ ಗ್ರಾಮದ ವ್ಯಕ್ತಿ ಅಂಬಣ್ಣ ಚೌಡೇಶ್ವರಿಹಾಳ ಎಂಬಾತನು ಕಳೆದ ವೆಂಕಟೇಶ ಎನ್ನುವವರ ಬಳಿಯಲ್ಲಿ ಕಳೆದ ನಾಲ್ಕು ತಿಂಗಳುಗಳ ಹಿಂದೆ ಕೈಸಾಲ ಎಂದು 40 ಸಾವಿರ ರೂಪಾಯಿಗಳನ್ನು ತೆಗೆದುಕೊಂಡಿದ್ದಾನೆ, ಹಣ ಕೇಳಿದಾಗ ಸ್ವಲ್ಪ ದಿನಗಳ ನಂತರ ಕೊಡುವುದಾಗಿ ಹೇಳುತ್ತಾ ಬಂದಿದ್ದರು.
ಭಾನುವಾರ ಸುರಪುರ ನಗರದ ಬಜಾರದಲ್ಲಿ ಸಿಕ್ಕಾಗ ಹಣ ಕೇಳಿದ್ದು,ನಾಳೆ ಸೋಮವಾರ ಬೆಳಿಗ್ಗೆ ವೆಂಕಟಾಪುರಕ್ಕೆ ಬನ್ನಿ ಹಣ ಕೊಡುವುದಾಗಿ ಹೇಳಿದ್ದರಿಂದಾಗಿ ನಾನು ಮತ್ತು ನನ್ನ ಅಣ್ಣ ವೆಂಕಟೇಶ ಇಬ್ಬರು ಸೋಮವಾರ ಬೆಳಿಗ್ಗೆ ವೆಂಕಟಾಪುರಕ್ಕೆ ಹೋದಾಗ,ಹಣ ಕೇಳಲು ಬಂದಿದ್ದಿರೇನು ಎಂದು ಅವಾಚ್ಯ ಪದಗಳಿಂದ ನಿಂದಿಸಿ ಅಂಬಣ್ಣ ಮತ್ತು ಆತನ ಮೂರು ಜನ ಮಕ್ಕಳು ನಮ್ಮ ಮೇಲೆ ರಾಡು ಮತ್ತು ¨ಬಡಿಗೆಯಿಂದ ಹಲ್ಲೆ ನಡೆಸಲಾಗಿದೆ ಎಂದು ಆರೋಪಿಸಿ ಗಾಯಾಳು ಮಾನಪ್ಪ ಎಂಬುವವನು ಹೇಳಿಕೆಯೊಂದಿಗೆ ದೂರು ನೀಡಿದ್ದು, ಈ ಕುರಿತು ಸುರಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.