ಕಲಬುರಗಿ: ಗ್ರಾಮೀಣ ಮತಕ್ಷೇತ್ರದ ಬೆಳಮಗಿ ಗ್ರಾಮದ ಬಡ ಕುಟುಂಬದ ವಿಶ್ವ ಎನ್ನುವ ಇಂಜಿನಿಯರಿಂಗ್ ವಿಧ್ಯಾರ್ಥಿಗೆ ಗ್ರಾಮೀಣ ಶಾಸಕ ಬಸವರಾಜ ಮತ್ತಿಮಡು ಅವರು ಉಚಿತವಾಗಿ ಲ್ಯಾಪ್ಟಾಪ್ ಕೊಡುವುದರ ಮೂಲಕ ವಿದ್ಯಾರ್ಥಿಯ ವಿದ್ಯಾಬ್ಯಾಸಕ್ಕೆ ಅನುವು ಮಾಡಿಕೊಟ್ಟಿದ್ದಾರೆ.
ಇತ್ತಿಚೆಗೆ ಎರಡು ದಿನಗಳ ಹಿಂದೆ ವಿದ್ಯಾಬ್ಯಾಸಕ್ಕೆ ಲ್ಯಾಪ್ಟಾಪ್ ಅವಶ್ಯಕತೆ ಇದೆ ಎನ್ನುವ ಮಾಹಿತಿಯನ್ನು ಶಾಸಕರ ಗಮನಕ್ಕೆ ತಂದಾಗ, ತಕ್ಷಣವೇ ವಿಧ್ಯಾರ್ಥಿಗೆ ಲ್ಯಾಪ್ಟಾಪ್ ವಿತರಣೆ ಮಾಡಿದ್ದಾರೆ.
Contact Your\'s Advertisement; 9902492681
ಲ್ಯಾಪ್ಟಾಪ್ ಸ್ವೀಕರಿಸಿದ ನಂತರ ವಿಧ್ಯಾರ್ಥಿ ವಿಶ್ವ ಮಾತನಾಡಿ, ನನ್ನ ಇಂಜಿನಿಯರಿಂಗ್ ಕೋಸ೯ ಸಲುವಾಗಿ ಶಾಸಕರ ಬಳಿ ಲ್ಯಾಪ್ಟಾಪ್ ಕೇಳಿಕೊಂಡಾಗ ತಕ್ಷಣವೇ ಸ್ಪಂಧಿಸಿ, ನನಗೆ ಆಸರೆಯಾಗಿ ವಿಧ್ಯಾಬ್ಯಾಸಕ್ಕೆ ಸಹಕರಿಸಿದ ಬಸವರಾಜ ಮತ್ತಿಮಡು ಅವರ ಕುಟುಂಬದ ಸದಸ್ಯರಿಗೆ ಧನ್ಯವಾದ ತಿಳಿಸಿದ್ದಾರೆ.
ಶಾಸಕ ಬಸವರಾಜ ಮತ್ತಿಮಡು ಆವರ ಧರ್ಮ ಪತ್ನಿ ಜಯಶ್ರೀ ಮತ್ತಿಮಡು ಅವರು ವಿಶ್ವ ಎನ್ನುವ ವಿಧ್ಯಾರ್ಥಿಗೆ ಲ್ಯಾಪ್ಟಾಪ್ ವಿತರಣೆ ಮಾಡಿದ್ದಾರೆ. ಈ ಸಂದರ್ಭದಲ್ಲಿ ಆಕಾಶ ಮತ್ತಿಮಡು ಇದ್ದರು.