ಭಾಲ್ಕಿ: ವಿಜಯಪುರದ ಜ್ಞಾನಯೋಗಾಶ್ರಮದ ಪರಮಪೂಜ್ಯ ಶ್ರೀ ಸಿದ್ಧೇಶ್ವರ ಮಹಾಸ್ವಾಮಿಗಳವರ ಆಧ್ಯಾತ್ಮಿಕ ಪ್ರವಚನ ನವ್ಹೆಂಬರ್ ೦೪ ರಿಂದ ಚನ್ನಬಸವಾಶ್ರಮದಲ್ಲಿ ಹಮ್ಮಿಕೊಳ್ಳುವ ಪ್ರಯುಕ್ತ ಪೂರ್ವಭಾವಿ ಸಭೆ ಭಾಲ್ಕಿಯ ಚನ್ನಬಸವಾಶ್ರಮದಲ್ಲಿ ಕರೆಯಲಾಗಿತ್ತು.
ದಿವ್ಯಸನ್ನಿಧಾನ ವಹಿಸಿ ಪೂಜ್ಯ ಶ್ರೀ ಡಾ.ಬಸವಲಿಂಗ ಪಟ್ಟದ್ದೇವರು ಪ್ರವಚನ ಯಶಸ್ವಿಗೊಳಿಸಲು ಎಲ್ಲರೂ ಸೇವಾಭಾವದಿಂದ ಶ್ರಮಿಸಲು ಸೂಚಿಸಿದರು. ನೇತೃತ್ವ ವಹಿಸಿದ ಪೂಜ್ಯ ಶ್ರೀ ಗುರುಬಸವ ಪಟ್ಟದ್ದೇವರು ಪ್ರವಚನದ ಸಮಯದಲ್ಲಿ ಎಲ್ಲರು ಸಮವಸ್ತ್ರ ಧರಿಸಿ ಶಾಂತಿ ಕಾಪಾಡುವ ಮೂಲಕ ಪ್ರವಚನದ ಲಾಭ ಪಡೆಯಬೇಕೆಂದು ನುಡಿದರು.
ವೇದಿಕೆಯ ಮೇಲೆ ಸೋಮನಾಥಪ್ಪ ಅಷ್ಟೂರೆ, ಸಿದ್ರಾಮಪ್ಪ ವಂಕೆ, ಪುರಸಭೆ ಅಧ್ಯಕ್ಷ ಬಸವರಾಜ ವಂಕೆ, ಪ್ರಕಾಶ ಬಿರಾದಾರ, ಪ್ರಸನ್ನ ಪ್ರಕಾಶ ಖಂಡ್ರೆ, ಸಾಗರ ಈಶ್ವರ ಖಂಡ್ರೆ ಇದ್ದರು. ಉಮಾಕಾಂತ ವಾರದ, ಶಿವು ಲೋಖಂಡೆ, ಬಸವರಾಜ ಮರೆ ಮುಂತಾದವರು ಉಪಯುಕ್ತ ಸಲಹೆ ನೀಡಿದರು. ಸಭೆಯಲ್ಲಿ ಪ್ರಮುಖರಾದ ಚನ್ನಬಸವ ಬಳತೆ, ಶಂಭುಲಿಂಗ ಕಾಮಣ್ಣ, ಚಂದ್ರಕಾಂತ ಬಿರಾದಾರ, ಪುಷ್ಪಾ ಗಂದಗೆ, ಅಪ್ಪಾಸಾಬ ದೇಶಮುಖ, ರಾಚಪ್ಪ ಗೋರ್ಟೆ ಮುಂತಾದವರು ಇದ್ದರು.
ಮಲ್ಲಮ್ಮ ಆರ್.ಪಾಟೀಲ, ನೀಲಕಂಠ ಸ್ವಾಮಿ, ವಚನ ಪ್ರಾರ್ಥನೆ ನಡೆಸಿಕೊಟ್ಟರು. ವೀರಣ್ಣ ಕುಂಬಾರ ಸ್ವಾಗತಿಸಿ ನಿರೂಪಿಸಿದರು. ಶಾಂತಯ್ಯ ಸ್ವಾಮಿ ವಂದಿಸಿದರು.