ಕಲಬುರಗಿ: ನಗರದಲ್ಲಿ AIMIM ಪಕ್ಷದ ಕಚೇರಿಯಲ್ಲಿ ಇಲಿಯಾಸ್ ಸೆಟ್ ಬಾಗಬಾನ್ ಮತ್ತು ಪಕ್ಷದ ಜಿಲ್ಲಾ ಅಧ್ಯಕ್ಷರಾದ ಇಕ್ಬಾಲ್ ಅಹ್ಮದ್ ಶಿರನಿಫರೂಷ ಇವರ ಅಧ್ಯಕ್ಷತೆಯಲ್ಲಿ , ನಗರದ ಉತ್ತರ ಮತಕ್ಷೇತ್ರದ ಎಲ್ಲಾ ವಾರ್ಡ್ ಗಳಿಂದ ಮಹಿಳಾ ಕಾರ್ಯಕರ್ತರ ಸಭೆಯನ್ನು ಜರುಗಿತು. ಸಭೆಯಲ್ಲಿ ಡಾ. ಗಜಲಾ ಉತ್ತರ ಮತಕ್ಷೇತ್ರದ ಮಹಿಳಾ ಅಧ್ಯಕ್ಷರನ್ನಾಗಿ ನೇಮಕ ಮಾಡಲಾಯಿತು.
ಪಕ್ಷದ ಉತ್ತರ ಮತಕ್ಷೇತ್ರದ ಮುಂದಿನ ಶಾಸಕ ಅಭ್ಯರ್ಥಿ ಇಲಿಯಾಸ್ ಸೆಟ್ ಮಹಿಳಾ ಕಾರ್ಯಕರ್ತರು ಎಲ್ಲರೂ ಸೇರಿ ಒಗ್ಗಟ್ಟಾಗಿ ಕೆಲಸ ಮಾಡಿದರೆ ನಾವು ಉತ್ತರ ಮತಕ್ಷೇತ್ರದಿಂದ ಅಷ್ಟೇ ಅಲ್ಲ ಇಡೀ ಜಿಲ್ಲೆಯಲ್ಲಿ ನಮ್ಮ ಪಕ್ಷದ ವತಿಯಿಂದ ಶಾಸಕರನ್ನು ಆರಿಸಿ ತರಬಹುದು. ನೀವು ಎಲ್ಲರೂ ಒಗ್ಗೂಡಿ ಕೆಲಸ ಮಾಡಿ ನಿಮ್ಮ ಜೊತೆ ನಾನಿದ್ದೇನೆ ಮುಂದಿನ ದಿನಗಳಲ್ಲಿ ನಿಮ್ಮ ಏನೇ ಸಮಸ್ಯೆಗಳಿದ್ದರೂ ನಾನು ಪರಿಹಾರ ಮಾಡಲು ಪ್ರಯತ್ನಿಸುತ್ತೇನೆ ಎಂದು ಹೇಳಿದರು.
ಪಕ್ಷದ ಮುಖಂಡರಾದ ಇಂತಿಯಾಜ್ ಸಿದ್ದಿಕಿ, ಉತ್ತರ ಮತಕ್ಷೇತ್ರದ ಶಾಸಕರು ಅಭಿವೃದ್ಧಿ ಮಾಡಿಲ್ಲ ಕೋರೋಣ ಮಹಾಮಾರಿ ಸಂದರ್ಭದಲ್ಲಿ ಜನರಿಗೆ ಸಹಾಯ ಮಾಡಿಲ್ಲ ಎಂದು ಸವಿಸ್ತಾರವಾಗಿ ತಿಳಿಸಿದರು. ಅಧ್ಯಕ್ಷರಾದ ಅಜೀಮ್ ಶೇಕ್ ಅವರು ಮಾತನಾಡಿದರು.
ಉತ್ತರ ಮತಕ್ಷೇತ್ರದ ಶಹಬಜಾರ್ ಅಧ್ಯಕ್ಷರಾದ ಮೋದಿನ್ ಪಟೇಲ್ ಅಣಬಿ ಎಲ್ಲಾ ಕಾರ್ಯಕರ್ತರು ಕೆಲಸ ಮಾಡಿದರೆ ನಾವು ನಮ್ಮ ಅಭ್ಯರ್ಥಿಯನ್ನು ಗೆಲ್ಲಿಸಬಹುದು ಎಂದು ಹೇಳಿದರು. ಪಕ್ಷದ ಮುಖಂಡರಾದ ಅಬ್ದುಲ್ ಖಾದರ್ ಸಾಬ್ , ನೂರ್ ಸಾಬ್, ಮೊಹಿನುದ್ದೀನ್ ಸಾಬ್, ಮತ್ತು ಅನೇಕ ಮಹಿಳಾ ಕಾರ್ಯಕರ್ತರು ಮಾತನಾಡಿದರು.