ಶಹಾಬಾದ: ವಿಧಾನಪರಿಷತ್‌ನಲ್ಲಿ ನಿಮ್ಮ ಧ್ವನಿಯಾಗಿ ಕೆಲಸ ಮಾಡಲು ಉತ್ಸುಕರಾದ ಶಿವಾನಂದ ಪಾಟೀಲ ಅವರಿಗೆ ಮತ ಹಾಕಿ ಪ್ರಚಂಡ ಮತದಿಂದ ಗೆಲ್ಲಿಸಬೇಕೆಂದು ಕಾಂಗ್ರೆಸ್ ಮುಖಂಡ ಶರಣಗೌಡ ದಳಪತಿ ಗ್ರಾಪಂ ಸದಸ್ಯರಲ್ಲಿ ಮನವಿ ಮಾಡಿದ್ದಾರೆ.
ಈ ಕುರಿತು ಶನಿವಾರ ಸುದ್ದಿಗಾರರೊಂದಿಗೆ ಮಾತನಾಡುತ್ತ ಈಗಾಗಲೇ ನಿಮ್ಮ ಮತಗಳ ಮೂಲಕವೇ ಗೆಲುವು ಸಾಧಿಸಿ ಬಂದ ಬಿಜೆಪಿ ಅಭ್ಯರ್ಥಿ ಆರು ವರ್ಷದಲ್ಲಿ ಎಷ್ಟು ಗ್ರಾಪಂಗಳಿಗೆ ಬೇಟಿ ನೀಡಿದ್ದಾರೆ ಎಂಬುದು ಗೊತ್ತಿದ್ದ ವಿಷಯ. ವಿಧಾನಪರಿಷತ್‌ನಲ್ಲಿ ನಿಮ್ಮ ಧ್ವನಿಯಾಗಿ ಯಾವುದೇ ಚರ್ಚೆ ಮಾಡದೇ ಇಂದು ಮತ್ತೇ ನನಗೆ ಮತ ನೀಡಬೇಕೆಂದು ಮತಯಾಚಿಸುವುದು ಮಾತ್ರ ದುರಂತ ಎನಿಸುತ್ತದೆ.ಹಣದ ಬಲದ ಮೂಲಕ ಅಧಿಕಾರಕ್ಕೆ ಬಂದವರು ಕೇವಲ ಅಧಿಕಾರದ ಆಸೆಗಾಗಿ ಕೆಲಸ ಮಾಡುತ್ತಾರೆ.ಅದಕ್ಕೆ ತಾಜಾ ಉದಾಹರಣೆ ಕಳೆದ ವಿಧಾನಪರಿಷತ್ ಸದಸ್ಯರೇ ಸಾಕ್ಷಿ.
ಯಾರು ಅಭಿವೃದ್ಧಿಯ ತುಡಿತ ಇಟ್ಟುಕೊಂಡು ರಾಜಕೀಯಕ್ಕೆ ಬರುತ್ತಾರೆ ಮತ್ತು ರಾಜಕೀಯದ ಬಗ್ಗೆ ಅನುಭವ ಇರುತ್ತಾರೆ ಅವರೇ ಜನರ ಸಮಸ್ಯೆಯನ್ನು ಪರಿಹರಿಸುತ್ತಾರೆ.ಅಲ್ಲದೇ ಜನರೊಂದಿಗೆ ಬೆರೆತು ಅವರ ಸಮಸ್ಯೆಗಳಿಗೆ ಸ್ಪಂದಿಸುತ್ತಾರೆ. ಅಂತಹ ಸ್ಪಂದಿಸುವ ಗುಣ ಶಿವಾನಂದ ಪಾಟೀಲ ಅವರಲ್ಲಿದೆ.ಅಲ್ಲದೇ ಬಿಜೆಪಿ ಅಭ್ಯರ್ಥಿ ಆರು ವರ್ಷದಲ್ಲಿ ಕೇವಲ ಕಲಬುರಗಿಗೆ ಬಂದ ಮುಖ್ಯಮಂತ್ರಿ, ಸಚಿವರ ಸ್ವಾಗತಕ್ಕೆ ಹೋಗುವುದು. ಅವರೊಂದಿಗೆ ಕಾರ್ಯಕ್ರಮಗಳಲ್ಲಿ ವೇದಿಕೆ ಹಂಚಿಕೊಳ್ಳುವುದನ್ನು ಬಿಟ್ಟರೇ ಜನರ ಸಮಸ್ಯೆಗಳ ಬಗ್ಗೆ ಹಾಗೂ ಗ್ರಾಪಂಗಳ ಸಮಸ್ಯೆಗಳ ಕುರಿತು ಆಲಿಸುವ ಕೆಲಸ ಮಾಡಿಲಲ್ಲ.ಆಲಿಸುವ ಗೋಜಿಗೂ ಹೋಗಿಲ್ಲ.
ಆದರೆ ಶಿವಾನಂದ ಪಾಟೀಲರು ಗ್ರಾಪಂ ಮಟ್ಟದಿಂದ ಜಿಪಂ ಮಟ್ಟದವರೆಗೂ ಬೆಳೆದವರು.ಅಲ್ಲದೇ ನಿಮ್ಮ ಕಷ್ಟಕ್ಕೆ ಧ್ವನಿಗೂಡಿಸುವ ಹೃದಯವಂತಿಕೆ ಅವರಲ್ಲಿದೆ.ಒಂದು ಬಾರಿ ವಿಶ್ವಾಸವಿಟ್ಟು ಅವರಿಗೆ ಮತ ನೀಡಿ.ಅವರ ಗೆಲುವು ಇಲ್ಲಿನ ಚಿತ್ರಣ ಬದಲಾಗುವುದರಲ್ಲಿ ಅನುಮಾನವಿಲ್ಲ.ದುಡ್ಡು ಚೆಲ್ಲಿ ರಾಜಕೀಯ ಮಾಡುವವರು ಎಂದಿಗೂ ಅಭಿವೃದ್ಧಿ ಕಡೆಗೆ ಗಮನಹರಿಸುವುದಿಲ್ಲ ಎಂದು ಆರು ವರ್ಷಗಳಲ್ಲಿ ಎಲ್ಲರ ಅರಿವಿಗೆ ಬಂದಿದೆ.ಅದಕ್ಕಾಗಿ ಮತ್ತೆ ಅದೇ ತಪ್ಪು ಮತ್ತೆ ಮಾಡದೇ ಶಿವಾನಂದ ಪಾಟೀಲರಿಗೆ ಮತ ನೀಡಿ ಎಂದು ಮನವಿ ಮಾಡಿದರು.